ಕಿತ್ತಳೆ ಸಿಪ್ಪೆಯಿಂದ ಹೆಚ್ಚಿಸಿ ಮುಖದ ಬಿಳುಪು

ಕಿತ್ತಳೆಯ ಸಿಪ್ಪೆ ತ್ವಚೆಗೆ ಒಳ್ಳೆಯದು ಅನ್ನುವ ಅಂಶ ಈಗಾಗಲೇ ನಿಮಗೆ ತಿಳಿದಿರಬಹುದು. ತ್ವಚೆಯ ಅನೇಕ ಸಮಸ್ಯೆಗಳಿಗೆ ಕಿತ್ತಳೆಯ ಸಿಪ್ಪೆಯಿಂದ ಪರಿಹಾರವನ್ನು ಕಂಡುಕೊಳ್ಳಬಹುದು.ಇದನ್ನು ಬಳಸಿ ಫೇಶಿಯಲ್ ಮಾಡಿದರೆ ಮುಖದ ಬಿಳುಪು ಹೆಚ್ಚುವುದು.

ಮೊಡವೆ, ಎಣ್ಣೆ ತ್ವಚೆ, ಕಲೆ , ಮಂಕಾದ ತ್ವಚೆ ಇವೆಲ್ಲದಕ್ಕೂ ಪರಿಹಾರ ಕಿತ್ತಳೆಯ ಸಿಪ್ಪೆಯಲ್ಲಿದೆ. ಕಿತ್ತಳೆ ಸಿಪ್ಪೆಯನ್ನು ಒಣಗಿಸಿಡಿ, ಇದರಿಂದ ಫೇಸ್ಟ್ ಪ್ಯಾಕ್ ಮಾಡುವಾಗ ಅದನ್ನು ಅರೆದು ಈ ಕೆಳಗಿನ ವಸ್ತುಗಳ ಜೊತೆ ಮಿಕ್ಸ್ ಮಾಡಿ ಹಚ್ಚಿದರೆ ಹೆಚ್ಚಿನ ಪ್ರಯೋಜನವನ್ನು ಪಡೆಯಬಹುದು:

ಕಿತ್ತಳೆ ಸಿಪ್ಪೆ ಮತ್ತು ಮೊಸರು
ಕಿತ್ತಳೆಯ ಸಿಪ್ಪೆ ಮತ್ತು ಮೊಸರನ್ನು ಮಿಕ್ಸ್ ಮಾಡಿ ಹಚ್ಚಿದರೆ ಕಿತ್ತಳೆಯ ಸಿಪ್ಪೆ ಮುಖದಲ್ಲಿರುವ ಎಣ್ಣೆಯಂಶವನ್ನು ಹೋಗಲಾಡಿಸುತ್ತದೆ, ಮೊಸರು ಮುಖ ಮಾಯಿಶ್ಚರೈಸರ್ ಆಗಿರುವಂತೆ ನೋಡಿಕೊಳ್ಳುತ್ತದೆ, ಇದರಿಂದ ಮುಖ ನುಣಾಪಾಗಿ ಕಾಣುವುದು.

ಕಿತ್ತಳೆ ಸಿಪ್ಪೆ ಮತ್ತು ನಿಂಬೆ ಸರ
ಕಿತ್ತಳೆ ಸಿಪ್ಪೆಯ ಪೇಸ್ಟ್ ಗೆ ಸ್ವಲ್ಪ ನಿಂಬೆ ರಸ ಹಾಕಿ ಹಚ್ಚಿದರೆ ಮೊಡವೆ ಕಡಿಮೆಯಾಗುವುದು, ಅಲ್ಲದೆ ಮೊಡವೆಯಿಂದ ಉಂಟಾದ ಕಲೆಯನ್ನೂ ಹೋಗಲಾಡಿಸಬಹುದು.

ಕಿತ್ತಳೆ ಸಿಪ್ಪೆ ಮತ್ತು ಅರಿಶಿಣ
ಕಿತ್ತಳೆ ಸಿಪ್ಪೆಯ ಪೇಸ್ಟ್ ಗೆ ಅರಿಶಿಣ ಹಾಕಿ ಹಚ್ಚಿದರೆ ಮುಖದಲ್ಲಿರುವ ಕಲೆ ಹೋಗುವುದರ ಜೊತೆಗೆ ಮುಖದ ಬಿಳುಪು ಹೆಚ್ಚುವುದು. ಇವೆರಡನ್ನೂ ಮಿಕ್ಸ್ ಮಾಡಿ 20-25 ನಿಮಿಷದವರೆಗೆ ಮುಖದಲ್ಲಿಟ್ಟು ತಣ್ಣೀರಿನಲ್ಲಿ ಮುಖ ತೊಳೆಯಿರಿ.

ಇವುಗಳಲ್ಲಿ ಯಾವುದಾದರೂ 1 ವಿಧಾನವನ್ನು ಬಳಸಿ ವಾರದಲ್ಲಿ ಎರಡು ಬಾರಿ ಫೇಸ್ ಮಾಸ್ಕ್ ಮಾಡಿ ನೋಡಿ, ಒಂದೇ ತಿಂಗಳಿನಲ್ಲಿ ಇದರ ಗುಣ ನಿಮಗೆ ತಿಳಿಯುವುದು.