ಸೂಕ್ಷ್ಮ ತ್ವಚೆಯವರಿಗೆ ನೈಸರ್ಗಿಕ ಬ್ಲೀಚ್ ಒಳ್ಳೆಯದು

ಕಿತ್ತಳೆ ಸಿಪ್ಪೆ ಮತ್ತು ಹಾಲು

ಕಿತ್ತಳೆ ಸಿಪ್ಪೆಯನ್ನು ಒಣಗಿಸಿ ಅದನ್ನು ಹಾಲನ್ನು ಜೊತೆ ರುಬ್ಬಿ ಪೇಸ್ಟ್ ರೀತಿ ಮಾಡಿಕೊಂಡು ಮುಖಕ್ಕೆ ಹಚ್ಚಿ, 20 ನಿಮಿಷದ ಬಳಿಕ ಮುಖ ತೊಳೆದರೆ ಮುಖದ ಬಿಳುಪು ಹೆಚ್ಚುವುದು. ಈ ಬ್ಲೀಚ್ ಅನ್ನು ತುಂಬಾ ಸೂಕ್ಷ್ಮ ತ್ವಚೆಯವರು ಕೂಡ ಬಳಸಬಹುದು.

ಟೊಮೆಟೊ

ಟೊಮೆಟೊ ಪರಿಣಾಮಕಾರಿಯಾದ ಬ್ಲೀಚಿಂಗ್ ಸಾಧನವಾಗಿದೆ. ಟೊಮೆಟೊವನ್ನು ಮುಖಕ್ಕೆ ಹಚ್ಚಿ ಅದು ಒಣಗಿದ ಬಳಿಕ ಮುಖ ತೊಳೆದರೆ ಮುಖದಲ್ಲಿರುವ ಕಂದಿದ ತ್ವಚೆ ಮಾಯವಾಗುವುದು.

ಸೌತೆಕಾಯಿ

ಸೌತೆಕಾಯಿ ಸೂಕ್ಷ್ಮ ತ್ವಚೆಯವರಿಗೆ ಸೂಕ್ತವಾದ ಸೌಂದರ್ಯವರ್ಧಕ. ಇದನ್ನು ಮುಖಕ್ಕೆ ಹಚ್ಚಿದರೆ ಮುಖದಲ್ಲಿರುವ ಕಪ್ಪು ಕಲೆಗಳು ಕಡಿಮೆಯಾಗುವುದು, ಕಣ್ಣಿನ ಸುತ್ತ ಬಿದ್ದಂತಹ ಕಪ್ಪು ವರ್ತುಲ ಮಾಯವಾಗುವುದು.

ನಿಂಬೆ ಹಣ್ಣು

ಮೊಡವೆ ಇರುವವರು ಈ ಬ್ಲೀಚಿಂಗ್ ಸಾಧನವನ್ನು ಬಳಸಿದರೆ ಉತ್ತಮ ಪ್ರಯೋಜನ ಪಡೆಯಬಹುದು. ನಿಂಬೆ ರಸ ಮುಖಕ್ಕೆ ಹಚ್ಚಿ 10 ನಿಮಿಷದ ಬಳಿಕ ಮುಖ ತೊಳೆಯಿರಿ. ಪ್ರತೀ ಎರಡು ದಿನಕ್ಕೊಮ್ಮೆ ಮಾಡುತ್ತಾ ಬನ್ನಿ. ಉತ್ತಮ ಫಲಿತಾಂಶ ದೊರೆಯುವುದು.

ಓಟ್ ಮೀಲ್

ಓಟ್ ಮೀಲ್ ಬಳಸಿ ಸ್ಕ್ರಬ್ ಮಾಡಬಹುದು. 1 ಚಮಚ ಓಟ್ಸ್ ಗೆ 2 ಚಮಚ ಮೊಸರು, ಸ್ವಲ್ಪ ನಿಂಬೆ ರಸ ಹಾಕಿ ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿದರೆ ಬ್ಲ್ಯಾಕ್ ಹೆಡ್ಸ್ ಸುಲಭವಾಗಿ ಹೋಗಲಾಡಿಸಬಹುದು.

ಮೊಸರು

ತುಂಬಾ ಸೂಕ್ಷ್ಮ ತ್ವಚೆಯಿರುವವರು ಮೊಸರು ಮಾತ್ರ ಹಚ್ಚುವುದು ಒಳ್ಳೆಯದು. ಮೊಸರು ತ್ವಚೆಯನ್ನು ಮೃದುವಾಗಿಸಿ, ಮುಖದ ಅಂದವನ್ನು ಹೆಚ್ಚಿಸುತ್ತದೆ.