ಮೊಡವೆಯ ನೋವನ್ನು ಕಡಿಮೆ ಮಾಡಲು ಟಿಪ್ಸ್

ನಿಂಬೆ ರಸ

ಮೊಡವೆ ಬಂದು ನೋವು, ತುರಿಕೆ ಕಂಡು ಬಂದರೆ ಕೈಯಿಂದ ಮುಟ್ಟಬೇಡಿ, ನಿಂಬೆ ಹಣ್ಣಿನ ಒಂದು ಚಿಕ್ಕ ತುಂಡು ತೆಗೆದುಕೊಂಡು ಅದರಿಂದ ಮುಖವನ್ನು ಸ್ಕ್ರಬ್ ಮಾಡಿ. ಈ ರೀತಿ ಮಾಡಿದಾಗ ಸ್ವಲ್ಪ ಉರಿ ಅನಿಸಿದರೂ ಮೊಡವೆ ನೋವನ್ನು ಕಡಿಮೆ ಮಾಡಿ, ಮೊಡವೆಯನ್ನು ಚಿಕ್ಕದಾಗಿಸುವಲ್ಲಿ ತುಂಬಾ ಪರಿಣಾಮಕಾರಿ.

ಮೆಂತೆ ಸೊಪ್ಪು

ಮೆಂತೆ ಸೊಪ್ಪನ್ನು ಪೇಸ್ಟ್ ಮಾಡಿ ಅದನ್ನು ಫೇಶಿಯಲ್ ರಿತಿ ಮುಖಕ್ಕೆ ಹಚ್ಚಿ, ಅರ್ಧ ಗಂಟೆ ಬಿಟ್ಟು ತಣ್ಣೀರಿನಿಂದ ಮುಖ ತೊಳೆಯಿರಿ. ಈ ರೀತಿ ಮಾಡುವುದರಿಂದಲೂ ಮೊಡವೆಯ ನೋವು ಕಮ್ಮಿಯಾಗುವುದು.

ಲೋಳೆಸರ

ಮೊಡವೆಯ ನೋವನ್ನು ಕಮ್ಮಿ ಮಾಡಿ, ಮುಖದಲ್ಲಿರುವ ಕಲೆಯನ್ನು ಕ್ರಮೇಣ ಹೋಗಲಾಡಿಸುವ ಸಾಮರ್ಥ್ಯ ಲೋಳೆಸರಕ್ಕಿದೆ. ಇದನ್ನು ಪ್ರತೀದಿನ ಹಚ್ಚುವುದರಿಂದ ಮೃದುವಾದ ತ್ವಚೆಯನ್ನು ಪಡೆಯಬಹುದು.

ಟೀ ಟ್ರೀ ಆಯಿಲ್

ಮೊಡವೆಯ ಮೇಲೆ ಟೀ ಟ್ರೀ ಆಯಿಲ್ ನ ಡ್ರಾಪ್ ಹಾಕಿದರೆ ಮೊಡವೆಯ ನೋವು ಕಡಿಮೆಯಾಗುವುದು ಹಾಗೂ ಅದರ ಗಾತ್ರವೂ ಕಿರಿದಾಗುವುದು.

ಜೇನು

ಜೇನು ಕೆಲವರ ಮುಖಕ್ಕೆ ತುಂಬಾ ಒಳ್ಳೆಯದು, ಕೆಲವರಲ್ಲಿ ಯಾವುದೇ ಪರಿಣಾಮ ಬೀಳುವುದಿಲ್ಲ. ನಿಮ್ಮ ತ್ವಚೆಗೆ ಜೇನು ಬಳಸಿದಾಗ ಒಂದು ವಾರದಲ್ಲಿ ಮೊಡವೆ ಸ್ವಲ್ಪ ಕಮ್ಮಿಯಾದಂತೆ ಅನಿಸಿದರೆ ಇದೇ ವಿಧಾನವನ್ನು ಮುಂದುವರೆಸಿಕೊಂಡು ಹೋಗಬಹುದು.

ಸೌತೆಕಾಯಿ

ಮೊಡವೆ ತುಂಬಾ ನೋಯುತ್ತಿದ್ದರೆ ಆ ಭಾಗಕ್ಕೆ ಸೌತೆಕಾಯಿಯ ಪೇಸ್ಟ್ ಹಚ್ಚಿದರೆ ನೋವು ಕಮ್ಮಿಯಾಗುವುದು. ಸೌತೆಕಾಯಿ ಮುಖದ ಕಾಂತಿ ಹೆಚ್ಚಿಸುವುದು.

ಕಿತ್ತಳೆಯ ಸಿಪ್ಪೆ

ಕಿತ್ತಳೆಯ ಸಿಪ್ಪೆಯನ್ನು ಒಣಗಿಸಿ ಅದನ್ನು ಹಾಲಿನ ಜೊತೆ ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚುವುದರಿಂದ ಮೊಡವೆ ಸಮಸ್ಯೆಯನ್ನು ಕಮ್ಮಿ ಮಾಡಬಹುದು.

ದ್ರಾಕ್ಷಿ

ದ್ರಾಕ್ಷಿಯಿಂದ ಮುಖವನ್ನು ಉಜ್ಜಿ 10 ನಿಮಿಷದ ಬಳಿಕ ಮುಖ ತೊಳೆಯಿರಿ. ಇದರಲ್ಲಿರುವ ವಿಟಮಿನ್ ಸಿ ಮೊಡವೆ ಏಳದಂತೆ ತಡೆಯುತ್ತದೆ.

ಟೂತ್ ಪೇಸ್ಟ್

ಮೊಡವೆ ದಪ್ಪಗಾಗುವುದನ್ನು ತಡೆಯಲು ಮೊಡವೆಯ ಮೇಲೆ ಟೂತ್ ಪೇಸ್ಟ್ ಹಚ್ಚಿದರೆ ಸಾಕು, ಆದರೆ ನೆನೆಪಿಡಿ ಟೂತ್ ಪೇಸ್ಟ್ ಹಚ್ಚಿ 5 ನಿಮಿಷ ಬಿಟ್ಟ ತಕ್ಷಣ ಮುಖ ತೊಳೆಯಿರಿ, ಇಲ್ಲದಿದ್ದರೆ ಟೂತ್ ಪೇಸ್ಟ್ ಹಚ್ಚಿದ ಭಾಗದಲ್ಲಿ ತ್ವಚೆ ಕಂದಿ ಹೋಗುವುದು.