ಮುಖದ ಕಲೆಯನ್ನು ಹೋಗಲಾಡಿಸಬೇಕೆ?

ಮೊಡವೆಯಿಂದ ಕ ಉಂಟಾಗಿದ್ದರೆ ಅವುಗಳನ್ನು ಹೋಗಲಾಡಿಸುವುದು ಸುಲಭ. ಆದರೆ ಕಲೆ, ರಂಧ್ರಗಳು ಬಿದ್ದರೆ ಮಾತ್ರ ಮುಖದ ತ್ವಚೆ ಸೌಂದರ್ಯ ಹಾಳಾಗುವುದು. ಮೇಕಪ್ ಮಾಡಿದರೂ ಈ ಕಲೆಗಳು ಎದ್ದು ಕಾಣುವ ಸಾಧ್ಯತೆ ಹೆಚ್ಚು.

ಸರಳವಾದ ಈ ನೈಸರ್ಗಿಕ ವಿಧಾನವನ್ನು ಟ್ರೈ ಮಾಡಿ. ಇವುಗಳು ನಿಮ್ಮ ತ್ವಚೆಯನ್ನು ಬಿಗಿಯಾಗಿಸಿ, ರಂಧ್ರಗಳು ಎದ್ದು ಕಾಣದಂತೆ ತಡೆಯುತ್ತದೆ. ಹಾಗೂ ಕಲೆಯನ್ನು ಹೋಗಲಾಡಿಸುತ್ತದೆ:

* ಲೋಳೆಸರ
ಲೋಳೆಸರದ ಸಿಪ್ಪೆ ತೆಗೆಯಿರಿ, ನಂತರ ಅದರ ಜೆಲ್ ನಿಂದ ಮುಖವನ್ನು ಮಸಾಜ್ ಮಾಡಿ. ಈ ರೀತಿ ಮಾಡುತ್ತಾ ಬಂದರೆ ಮುಖದಲ್ಲಿರುವ ಕೆಲಗಳು ಸಂಪೂರ್ಣ ಹೋಗುತ್ತದೆ, ರಂಧ್ರಗಳು ಕಡಿಮೆಯಾಗಿ ಎದ್ದು ಕಾಣುವುದಿಲ್ಲ.

* ಗ್ರೀನ್ ಟೀ
ಗ್ರೀನ್ ಟೀ ಬ್ಯಾಗ್ ಅನ್ನು ಬಿಸಿ ನೀರಿನಲ್ಲಿ ಟಿಪ್ ಮಾಡಿ , ಅದು ಮೆತ್ತಗಾದ ಮೇಲೆ ಅದರಿಂದ ಮುಖವನ್ನು ತಿಕ್ಕಿ. ಇವು ಕೂಡ ತ್ವಚೆಯನ್ನು ಬಿಗಿಯಾಗಿಸಿ, ರಂಧ್ರ ಹೆಚ್ಚಾಗುವುದನ್ನು ತಡೆಯುತ್ತದೆ.

* ಜೇನು
ಉತ್ತಮವಾದ ಫಲಿತಾಂಶಕ್ಕಾಗಿ ಜೇನನ್ನು ಮುಖಕ್ಕೆ ಹಚ್ಚಿ ಮಲಗಿ, ನಂತರ ಬೆಳಗ್ಗೆ ಮುಖ ತೊಳೆಯಿರಿ. ಈ ರೀತಿ ಸ್ವಲ್ಪ ಕಾಲದವರೆಗೆ ಮಾಡಿದರೆ ರಂಧ್ರಗಳು ಕಡಿಮೆಯಾಗುವುದು.

* ನಿಂಬೆ ರಸ
ನಿಂಬೆ ರಸ ಕಲೆಯನ್ನು ಹೋಗಲಾಡಿಸುತ್ತದೆ, ಮೊಡವೆಯನ್ನು ಕಡಿಮೆ ಮಾಡುತ್ತದೆ, ಹಾಗೂ ತ್ವಚೆಯನ್ನು ಬಿಗಿಗೊಳಿಸಿ, ರಂಧ್ರ ಎದ್ದು ಕಾಣದಂತೆ ಮಾಡುತ್ತದೆ.

* ಕೋಕಾ ಬಟರ್
ಕೋಕಾ ಬಟರ್ ಬಳಸಿದರೆ ಕಲೆಗಳನ್ನು ಸುಲಭದಲ್ಲಿ ಹೋಗಲಾಡಿಸಬಹುದು, ಇದನ್ನು ಗರ್ಭಿಣಿಯರು ಬಳಸಿದರೆ ಸ್ಟ್ರೆಚ್ ಮಾರ್ಕ್ಸ್ ಉಂಟಾಗದಂತೆ ತಡೆಯಬಹುದು.