ಶೇವಿಂಗ್ ಬಳಿಕ ಬಳಸಬಹುದಾದ ಫೇಸ್ ಪ್ಯಾಕ್

1. ಮುಳ್ಳುಸೌತೆ

ಮುಖವನ್ನು ನೈಸರ್ಗಿಕವಾಗಿ ತಂಪಾಗಿಸಲು ಮುಳ್ಳುಸೌತೆಕಾಯಿ, ಓಟ್ ಮೀಲ್ ಮತ್ತು ಮೊಸರನ್ನು ಬಳಸುತ್ತಾರೆ. ಶೇವಿಂಗ್ ಬಳಿಕ ಈ ಎಲ್ಲಾ ವಸ್ತುಗಳನ್ನು ಹಾಕಿ ಮಾಡುವ ಪೇಸ್ಟ್ ನ್ನು ಮುಖಕ್ಕೆ ಹಚ್ಚಿದರೆ ಅದು ಚರ್ಮಕ್ಕೆ ತಂಪು ಹಾಗೂ ಹಿತವಾದ ಅನುಭವ ನೀಡುತ್ತದೆ. ಸುಮಾರು 30 ನಿಮಿಷಗಳ ಕಾಲ ಈ ಫೇಶಿಯಲ್ ಪ್ಯಾಕ್ ನ್ನು ಬಳಸಿದರೆ ಒಳ್ಳೆಯ ಪರಿಣಾಮ ಕಾಣಬಹುದು.

2. ಅರಿಶಿನ ಮಾಸ್ಕ್

ನೈಸರ್ಗಿಕ ಆ್ಯಂಟಿಸೆಪ್ಟಿಕ್ ಗುಣ ಹೊಂದಿರುವ ಅರಿಶಿನವನ್ನು ಭಾರತದಲ್ಲಿ ಶತಮಾನಗಳಿಂದ ಔಷಧಿ ಹಾಗೂ ಅಡುಗೆಯಲ್ಲಿ ಬಳಸುತ್ತಾರೆ. ಕಡಲೆ ಹಿಟ್ಟು, ಬಾದಾಮಿ ಎಣ್ಣೆಯೊಂದಿಗೆ ಅರಿಶಿನದ ಪೇಸ್ಟ್ ನ್ನು ಮುಖಕ್ಕೆ ಹಚ್ಚಿಕೊಳ್ಳುವುದರಿಂದ ಶೇವಿಂಗ್ ವೇಳೆ ಆಗಿರುವ ಎಲ್ಲಾ ಗಾಯಗಳು ಮಾಯವಾಗಿ ಮುಖದ ಚರ್ಮಕ್ಕೆ ತೇವಾಂಶ ಮತ್ತು ಆರೈಕೆ ನೀಡುತ್ತದೆ.

3. ಜೇನು

ನಿಯಮಿತವಾಗಿ ಶೇವಿಂಗ್ ಮಾಡಿದ ಬಳಿಕ ಜೇನನ್ನು ಪ್ರಮುಖ ಮೊಶ್ಚಿರೈಸರ್ ಆಗಿ ಬಳಸಬಹುದಾಗಿದೆ. ಕೇವಲ ಜೇನು ಮಾತ್ರ ಬಳಸಿ ಫೇಸ್ ಪ್ಯಾಕ್ ಮಾಡಬಹುದು. ಶೇವಿಂಗ್ ಬಳಿಕ ನಿಮ್ಮ ಮುಖಕ್ಕೆ ಜೇನನ್ನು ಹಚ್ಚಿ ಮತ್ತು 20-30 ನಿಮಿಷ ಹಾಗೆ ಬಿಟ್ಟು ಬಳಿಕ ಬಿಸಿ ನೀರಿನಲ್ಲಿ ಅದನ್ನು ತೊಳೆಯಿರಿ. ಇದರ ಬಳಿಕ ಮುಖಕ್ಕೆ ತಂಪು ನೀರನ್ನು ಹಾಕಿದರೆ ಮುಖದ ಚರ್ಮಕ್ಕೆ ಪೋಷಕಾಂಶಗಳು ಸಿಗುತ್ತದೆ.

4. ಬಾಳೆಹಣ್ಣು

ಒಣ ಚರ್ಮ ಹೊಂದಿರುವ ಪುರುಷರಿಗೆ ಬಾಳೆಹಣ್ಣಿನ ಫೇಸ್ ಬುಕ್ ತುಂಬಾ ಒಳ್ಳೆಯದು. ಬಾಳೆಹಣ್ಣು, ಮೊಸರು ಮತ್ತು ಜೇನಿನ ಮಿಶ್ರಣದೊಂದಿಗೆ ನೀವು ಸುಲಭವಾಗಿ ಫೇಸ್ ಪ್ಯಾಕ್ ಮಾಡಬಹುದು ಮತ್ತು ಇದನ್ನು ದಪ್ಪಗಿನ ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಬಹುದು. ಶೇವ್ ಮಾಡಿದ ಬಳಿಕ ಮುಖಕ್ಕೆ ಇದನ್ನು ಹಚ್ಚಿ ಮತ್ತು ಚರ್ಮವನ್ನು ಪುನರ್ಚೇತಗೊಳಿಸಲು 10-20 ನಿಮಿಷ ಹಾಗೆ ಬಿಡಿ.

5. ಮಣ್ಣಿನ ಮಾಸ್ಕ್

ಇದು ಕಚ್ಚಾ ಮತ್ತು ಭೂಮಿಯಿಂದ ಸಿಗುವ ಮಾಸ್ಕ್. ನಿಮ್ಮ ಚರ್ಮದ ಮಾದರಿಗೆ ಅನುಗುಣವಾಗಿ ಮಣ್ಣನ್ನು ಆಯ್ಕೆ ಮಾಡಿ. ಹೂ ಅಥವಾ ಹಣ್ಣಿನ ನೀರಿನೊಂದಿಗೆ ಮಣ್ಣಿನ ದಪ್ಪಗಿನ ಪೇಸ್ಟ್ ಮಾಡಿ. ಈ ಪೇಸ್ಟ್ ನ್ನು ನಿಮ್ಮ ಚರ್ಮಕ್ಕೆ ಹಚ್ಚಿ ಮತ್ತು 20 ನಿಮಿಷ ಅದನ್ನು ಒಣಗಲು ಬಿಡಿ.

6. ಪಪ್ಪಾಯ

ಪಪ್ಪಾಯದಲ್ಲಿ ಪಾಪೈನ್ ಎನ್ನುವ ಕಿಣ್ವವಿದ್ದು, ಇದು ಸತ್ತ ಜೀವಕೋಶಗಳನ್ನು ತೆಗೆದು ಚರ್ಮದ ಕಲ್ಮಶವನ್ನು ಗುಣಪಡಿಸುತ್ತದೆ. ಇದು ಶಮನಕಾರಿ ಕಿಣ್ವವಾಗಿದ್ದು, ಇದನ್ನು ಸುಟ್ಟ ಚರ್ಮ ಅಥವಾ ಜರ್ಜರಿತವಾಗಿರುವ ಚರ್ಮದ ಚಿಕಿತ್ಸೆಗೆ ಬಳಸಲಾಗುತ್ತದೆ. ಚರ್ಮದ ಕಲೆಗಳನ್ನು ನಿವಾರಿಸಿ ಚರ್ಮಕ್ಕೆ ಹೊಳಪನ್ನು ನೀಡುತ್ತದೆ.