ಬ್ಲ್ಯಾಕ್ ಹೆಡ್ಸ್ ಹೋಗಲಾಡಿಸುವ ಫೇಸ್ ಮಾಸ್ಕ್

ಓಟ್ಸ್

ಓಟ್ಸ್ ಅನ್ನು ಹಾಲಿನ ಜೊತೆ ಮಿಕ್ಸ್ ಮಾಡಿ ಅದರಿಂದ ಮುಖ ತಿಕ್ಕಿ. ಇದರಿಂದ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಿ, ಬ್ಲ್ಯಾಕ್ ಹೆಡ್ಸ್ ರಹಿತ ತ್ವಚೆಯನ್ನು ನಿಮ್ಮದಾಗಿಸಬಹುದು.

ಮೊಸರಿನಿಂದ ಸ್ಕ್ರಬ್ಬಿಂಗ್

ಮೊಸರಿಗೆ ಜೇನು ಅಥವಾ ನಿಂಬೆ ರಸ ಹಾಕಿ ಮಂದವಾಗಿ ಮುಖಕ್ಕೆ ಹಚ್ಚಿ ಒಣಗಲು ಬಿಡಿ, ನಂತರ ಮುಖವನ್ನು ಸ್ಕ್ರಬ್ ಮಾಡಿ ಮುಖ ತೊಳೆಯಿರಿ, ನಂತರ ಮೊಸರಿನಿಂದ 5 ನಿಮಿಷ ಮಸಾಜ್ ಮುಖ ತೊಳೆದರೆ ಬ್ಲ್ಯಾಕ್ ಹೆಡ್ಸ್ ಹೋಗಿರುತ್ತದೆ.

ನಿಂಬೆ ರಸ

ನಿಂಬೆ ಹಣ್ಣು ನೈಸರ್ಗಿಕವಾದ ಬ್ಲೀಚಿಂಗ್ ನಂತೆ ವರ್ತಿಸುತ್ತದೆ. ಒಂದು ಹೋಳು ನಿಂಬೆ ಹಣ್ಣಿನಿಂದ ಮುಖವನ್ನು ಸ್ಕ್ರಬ್ ಮಾಡಿ, ಮೂಗಿನ ಸಮೀಪ ಚೆನ್ನಾಗಿ ಸ್ಕ್ರಬ್ ಮಾಡಿ. ಈ ರೀತಿ ಮಾಡಿಯೂ ಬ್ಲ್ಯಾಕ್ ಹೆಡ್ಸ್ ಹೋಗಲಾಡಿಸಬಹುದು.

ಕಿತ್ತಳೆ ಸಿಪ್ಪೆ

ಕಿತ್ತಳೆ ಸಿಪ್ಪೆಯನ್ನು ಪೇಸ್ಟ್ ಮಾಡಿ ಅದನ್ನು ಜೇನಿನ ಜೊತೆ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ ಸ್ಕ್ರಬ್ ಮಾಡಿ ಒಣಗಲು ಬಿಡಿ, ನಂತರ ಸ್ವಲ್ಪ ನೀರನ್ನು ಮುಖಕ್ಕೆ ಚಿಮುಕಿಸಿ ಮತ್ತೊಮ್ಮೆ ಸ್ಕ್ರಬ್ ಮಾಡಿ ಮುಖ ತೊಳೆದರೆ ಬ್ಲ್ಯಾಕ್ ಹೆಡ್ಸ್ ಸಂಪೂರ್ಣವಾಗಿ ಹೋಗಿರುತ್ತದೆ.

ಅಡುಗೆ ಸೋಡಾ

ಅಡುಗೆ ಸೋಡಾವನ್ನು ಸ್ವಲ್ಪ ನೀರು ಹಾಕಿ ಕಲೆಸಿ, ವೃತ್ತಾಕಾರವಾಗಿ ಮುಖಕ್ಕೆ ಮಸಾಜ್ ಮಾಡಿ 5 ನಿಮಿಷದ ನಂತರ ಒದ್ದೆ ಬಟ್ಟೆಯಿಂದ ಮುಖವನ್ನು ಒರೆಸಿ. ನಂತರ ಮುಖ ತೊಳೆಯಿರಿ. ಮುಖದಲ್ಲಿ ಮೊಡವೆ ಇರುವವರಿಗೆ ಈ ವಿಧಾನ ತುಂಬಾ ಸೂಕ್ತವಾದದು.

ಮೊಟ್ಟೆ

ಮೊಟ್ಟೆಯ ಬಿಳಿಗೆ ಸ್ವಲ್ಪ ಜೇನು ಮತ್ತು ನಿಂಬೆರಸ ಹಾಕಿ ಮಿಕ್ಸ್ ಮಾಡಿ, ಮುಖಕ್ಕೆ ಹಚ್ಚಿ ಅದು ಒಣಗಿದ ಬಳಿಕ ಸ್ವಲ್ಪ ನೀರನ್ನು ಮುಖಕ್ಕೆ ಹಾಕಿ ಸ್ಕ್ರಬ್ ಮಾಡಿ , ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ಈ ರೀತಿ ಮಾಡುವುದರಿಂದಲೂ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು.

ಪಪ್ಪಾಯಿ

ಮುಖಕ್ಕೆ ವಾರದಲ್ಲಿ 2-3 ಬಾರಿ ಪಪ್ಪಾಯಿ ಹಚ್ಚಿ ಪೇಶಿಯಲ್ ಮಾಡುತ್ತಿದ್ದರೆ ಮುಖದಲ್ಲಿ ಬ್ಲ್ಯಾಕ್ ಹೆಡ್ಸ್ ಬೀಳುವುದನ್ನು ತಡೆಯಬಹುದು, ಅಲ್ಲದೆ ಮುಖದ ಬಿಳುಪು ಕೂಡ ಹೆಚ್ಚುವುದು.

ಕಡಲೆ ಹಿಟ್ಟು

ಕಡಲೆ ಹಿಟ್ಟಿಗೆ ಸ್ವಲ್ಪ ಮಿಶ್ರಣ ಮಾಡಿ ಮುಖವನ್ನು ಸಕ್ರಬ್ ಮಾಡಿದರೆ ಬ್ಲ್ಯಾಕ್ ಹೆಡ್ಸ್ ಹೋಗುವುದು. ಮುಖ ತೊಳೆಯಲು ಕಡಲೆ ಹಿಟ್ಟು ಬಳಸಿದರೆ ಒಳ್ಳೆಯದು.

ಕೆಲವರಿಗೆ ಕಡಲೆ ಹಿಟ್ಟು ತ್ವಚೆಗೆ ಹೊಂದಿಕೊಳ್ಳುವುದಿಲ್ಲ, ಅಂತವರು ಇದನ್ನು ಬಳಸಬೇಡಿ.