ಮನೆಯಲ್ಲೇ ತಯಾರಿಸಿ ಮಾಯಿಶ್ಚುರೈಸರ್ ಕ್ರೀಮ್

ದೇಹದ ಮಾಯಿಶ್ಚರೈಸರ್:

ಎರಡು ಚಮಚ ನಿಂಬೆ ರಸ ಮತ್ತು ಒಂದು ಚಮಚ ಆಲೀವ್ ಎಣ್ಣೆಯನ್ನು 1/3 ಕಪ್ ಹಾಲಿಗೆ ಬೆರೆಸಿ. ಈ ಮಿಶ್ರಣವನ್ನು ರೆಫ್ರಿಜರೇಟರ್ ನಲ್ಲಿಟ್ಟು ದಿನವೂ ನಿಮ್ಮ ದೇಹಕ್ಕೆ ಹಚ್ಚಿ. ಹೀಗೆ ಈ ಮಿಶ್ರಣವನ್ನು ದಿನವೂ ಸೂಕ್ಷ್ಮ ತ್ವಚೆಯನ್ನು ಹೊಂದಿರುವವರು ಬಳಸುವುದು ಒಳ್ಳೆಯದು.

ಮುಖದ ಮಾಯಿಶ್ಚರೈಸರ್:

ಒಂದು ಚಮಚ ಕಚ್ಚಾ ತೆಂಗಿನ ಎಣ್ಣೆ , ಒಂದು ಚಮಚ ಜೇನು ಮತ್ತು ಒಂದು ಚಮಚ ನಿಂಬೆ ರಸಗಳನ್ನು ಮಿಶ್ರಣ ಮಾಡಿ ನಂತರ, ಇದನ್ನು ಸುದೀರ್ಘ ಬಳಕೆಗಾಗಿ ರೆಫ್ರಿಜರೇಟರ್ ನಲ್ಲಿ ಶೇಖರಿಸಿಡಬಹುದು. ಇದೂ ಕೂಡ ಸೂಕ್ಷ್ಮ ಚರ್ಮಕ್ಕೆ ಒಂದು ಉತ್ತಮ ಮನೆಯಲ್ಲಿ ತಯಾರಿಸಬಹುದಾದ ಮಾಯಿಶ್ಚರೈಸರ್ ಆಗಿದೆ .

ಸ್ನಾನದ ನಂತರ ಬಳಸಬಹುದಾದ ಮಾಯಿಶ್ಚರೈಸರ್ ಲೋಶನ್:

ಸುಮಾರು ಹತ್ತು ಚಮಚ ಬಾದಾಮಿ, ತೆಂಗಿನ ಎಣ್ಣೆ ಮತ್ತು ಎಳ್ಳಿನ ಎಣ್ಣೆಯಂತಹ ಸಾರಯುಕ್ತ ತೈಲಗಳನ್ನು ತೆಗೆದುಕೊಳ್ಳಿ. ಇದನ್ನು ಚೆನ್ನಾಗಿ ಮಿಶ್ರಣ ಮಾಡಿ ಒಂದು ಬಾಟಲ್ ನಲ್ಲಿ ಶೇಖರಿಸಿಡಿ. ಮೃದು ಮತ್ತು ರೇಷ್ಮೆಯಂತಹ ತ್ವಚೆಯನ್ನು ಪಡೆಯಲು ಈ ಮಿಶ್ರಣವನ್ನು ಸ್ನಾನದ ನಂತರ ನಿಮ್ಮ ದೇಹಕ್ಕೆ ಅನ್ವಯಿಸಬಹುದು. ಮನೆಯಲ್ಲಿಯೇ ಮಾಡಿದ ಈ ಮಾಯಿಶ್ಚರೈಸರ್ ಬಳಸಿ ಕೆಲವೇ ದಿನಗಳಲ್ಲಿ ವ್ಯತ್ಯಾಸವನ್ನು ಕಾಣಿರಿ.

ತಾಜಾತನ ನೀಡುವ ಮಾಯಿಶ್ಚರೈಸರ್:

ಒಂದು ಚಮಚ ನಿಂಬೆ ರಸ ಮತ್ತು ಎರಡು ಚಮಚ ಆಲಿವ್ ತೈಲ ಮತ್ತು ಒಂದು ಸೌತೆಕಾಯಿಯನ್ನು ತೆಗೆದುಕೊಂಡು ಈ ಊರನ್ನು ಚೆನ್ನಾಗಿ ಮಿಶ್ರಣ ಮಾಡಿ, ರೆಫ್ರಿಜಿರೇಟರ್ ನಲ್ಲಿಟ್ಟುಕೊಳ್ಳಿ . ನಿಮಗೆ ಬೇಕೆನಿಸಿದಾಗ ಇದನ್ನು ಬಳಸಿ. ಇದು ಉಲ್ಲಾಸಕರ ಮತ್ತು ಕಾಂತಿಯುತ ತ್ವಚೆಯನ್ನು ನಿಮ್ಮದಾಗಿಸುತ್ತದೆ.

ಒಣ ಚರ್ಮಕ್ಕೆ ಅಲೋ ವೆರಾ ಮಾಯಿಶ್ಚರೈಸರ್ :

ಅಲೋ ವೆರಾ ಜೆಲ್ ನಾಲ್ಕು ಚಮಚ, ಬಾದಾಮಿ ತೈಲ ಒಂದು ಚಮಚ, ಆಲಿವ್ ಎಣ್ಣೆ ಒಂದು ಚಮಚ ಮತ್ತು ಸ್ವಲ್ಪ ಗುಲಾಬಿ ಎಣ್ಣೆಯನ್ನು ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ನಿಮ್ಮ ದೇಹಕ್ಕೆ ಲೇಪಿಸಿದರೆ ನಿಮ್ಮ ಒಣ ಚರ್ಮದಲ್ಲಿ ತೇವಾಂಶವನ್ನಿಟ್ಟುಕೊಳ್ಳಲು ಸಹಾಯಕವಾಗುತ್ತದೆ.

ಸಾಮಾನ್ಯ ಚರ್ಮಕ್ಕೆ ಅಲೋ ವೆರಾ ಮಾಯಿಶ್ಚರೈಸರ್:

ನಾಲ್ಕು ಚಮಚ ಅಲೋ ವೆರಾ ಜೆಲ್ ಮತ್ತು ಒಂದು ಚಮಚ ಬಾದಾಮಿ ಎಣ್ಣೆಯನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನು ಕೊಠಡಿ ತಾಪಮಾನದಲ್ಲಿ ಸಂಗ್ರಹಿಸಿಡಬಹುದು. ಇದನ್ನು ಸಾಮಾನ್ಯ ಚರ್ಮವನ್ನು ಹೊಂದಿರುವವರು ದಿನವೂ ಬಳಸಬಹುದು.

ಗುಲಾಬಿ ದಳಗಳ ಮಾಯಿಶ್ಚರೈಸರ್:

ಕೆಲವು ಗುಲಾಬಿ ದಳಗಳನ್ನು ಗುಲಾಬಿ ನೀರಿನ ಹನಿಗಳ ಜೊತೆ ಕುದಿಸಿ. ಇದನ್ನು ಸೋಸಿ ಎರಡು ಚಮಚ ಅಲೋ ರಸವನ್ನು ಸೇರಿಸಿ. ಇದನ್ನು ನಿಮ್ಮ ಫ್ರಿಜ್ ನಲ್ಲಿ ಶೇಖರಿಸಿಟ್ಟು ಮೃದುವಾದ, ತೇವಾಂಶಯುಕ್ತ ತ್ವಚೆಯನ್ನು ಪಡೆಯಲು ಇದನ್ನು ದೇಹಕ್ಕೆ ಹಚ್ಚಿ. ಜೊತೆಗೆ ಇದನ್ನು ಸೂಕ್ಷ್ಮ ಚರ್ಮವುಳ್ಳವರೂ ಸುರಕ್ಷಿತವಾಗಿ ಬಳಸಬಹುದು .

ತೆಂಗಿನ ಎಣ್ಣೆ ಮಾಯಿಶ್ಚರೈಸರ್:

ಕೊಬ್ಬರಿ ಎಣ್ಣೆ ಉತ್ತಮ ಮಾಯಿಶ್ಚರೈಸರ್ ಎನ್ನುವುದು ಎಲ್ಲರಿಗೂ ತಿಳಿದಿರುವ ಅಂಶ. ಒಂದು ಬಟ್ಟಲಿನಲ್ಲಿ ತೆಂಗಿನ ಎಣ್ಣೆ, ವಿಟಮಿನ್ ಇ , ಮತ್ತು ಲ್ಯಾವೆಂಡರ್ ನ್ನು ಮಿಶ್ರಣ ಮಾಡಿ. ಉತ್ತಮ ಫಲಿತಾಂಶಕ್ಕಾಗಿ ತ್ವಚೆಗೆ ಈ ಮಿಶ್ರಣವನ್ನು ನಿಯಮಿತವಾಗಿ ಬಳಸಿ. ಇದು ಸೂಕ್ಷ್ಮ ಚರ್ಮದ ಸಮಸ್ಯೆಯನ್ನು ನಿವಾರಿಸಲು ಮನೆಯಲ್ಲಿಯೇ ತಯಾರಿಸಬಹುದಾದ ಒಂದು ಉತ್ತಮ ಮಾಯಿಶ್ಚರೈಸರ್ ಕ್ರೀಮ್!

ಹಾಲಿನ ಮಾಯಿಶ್ಚರೈಸರ್:

ಎರಡು ಚಮಚ ಆಲಿವ್ ಎಣ್ಣೆಯನ್ನು ಹಾಲಿನೊಂದಿಗೆ ಬೆರೆಸಿ. ಇದಕ್ಕೆ ಎರಡು ಚಮಚ ನಿಂಬೆ ರಸವನ್ನು ಸೇರಿಸಿ ಚೆನ್ನಾಗಿ ಬೆರೆಸಿ. ನಂತರ ಈ ಮಿಶ್ರಣವನ್ನು ದಿನವೂ ಸೂಕ್ಷ್ಮ ತ್ವಚೆಗೆ ಲೇಪಿಸಿದರೆ ಉತ್ತಮ ಫಲಿತಾಂಶವನ್ನು ಕಂಡುಕೊಳ್ಳಬಹುದು.

ಚಳಿಗಾಲದಲ್ಲಿ ಎದುರಾಗುವ ನಿಮ್ಮ ತ್ವಚೆಯ ಸಮಸ್ಯೆಗಳಿಗೆ ಉತ್ತಮ ಪರಿಹಾರ ಕಂಡುಕೊಳ್ಳಲು ಮೇಲಿನ ಮನೆಮದ್ದುಗಳನ್ನು ಇಂದೇ ಪ್ರಯತ್ನಿಸಿ.