ತ್ವಚೆಯನ್ನು ಬೆಳ್ಳಗಾಗಿಸುವ 12 ಸೂಪರ್ ಫುಡ್ಸ್

Updated: Tuesday, January 22, 2013, 15:49 [IST]

ಪ್ರತಿಯೊಬ್ಬರು ತನ್ನ ತ್ವಚೆ ಆಕರ್ಷಕವಾಗಿರಬೇಕೆಂದು ಬಯಸುತ್ತಾರೆ. ಅದಕ್ಕಾಗಿ ಕ್ರೀಮ್ ಹಚ್ಚುತ್ತೇವೆ, ಫೇಶಿಯಲ್, ಬ್ಲೀಚ್ ಅಂತ ಮಾಡಿಸಿಕೊಳ್ಳುತ್ತೇವೆ. ಫೇಶಿಯಲ್ ಮಾಡಿಸಿ ಸ್ವಲ್ಪ ದಿನದಲ್ಲಿ ಮುಖ ಸ್ವಲ್ಪ ಮಂಕಾದಂತೆ ಕಾಣುತ್ತದೆ. ಆಗ ಪುನಃ ಫೇಶಿಯಲ್ ಮಾಡಿಸಬೇಕಾಗುತ್ತದೆ.

ಮುಖದ ಬಿಳುಪನ್ನು ಹೆಚ್ಚಿಸಲು ಕ್ರೀಮ್ , ಫೇಶಿಯಲ್ ಮಾಡಿದರೆ ನಿರಂತರವಾದ ಪ್ರಯೋಜನ ಪಡೆಯಲು ಸಾಧ್ಯವಿಲ್ಲ. ಅದಕ್ಕಾಗಿ ಪೋಷಕಾಂಶವಿರುವ ಆಹಾರ ತಿನ್ನಬೇಕು. ಇದರ ಜೊತೆ ದಿನಕ್ಕೆ 8-10 ಗ್ಲಾಸ್ ನೀರು ಕುಡಿಯಬೇಕು. ಅರ್ಧ ಗಂಟೆ ವ್ಯಾಯಾಮ ಮಾಡಬೇಕು, ಮೈಯಿಂದ ಬೆವರು ಸುರಿದರೆ ಬೆವರಿನ ಮುಖಾಂತರ ಮೈಯಲ್ಲಿರುವ ಕಶ್ಮಲಗಳು ಹೊರಹೋಗುತ್ತವೆ. ಈ ನಿಯಮವನ್ನು ನೀವು ಪಾಲಿಸಿದ್ದೇ ಆದರೆ ಯಾವ ಕ್ರೀಮ್, ಫೇಶಿಯಲ್ ನ ಸಹಾಯವಿಲ್ಲದೆ ನಿಮ್ಮ ಸೌಂದರ್ಯ ಹೆಚ್ಚುವುದು. ಮುಖದ ಕಾಂತಿ ಹೆಚ್ಚಿಸುವ ಆ ಹಣ್ಣುಗಳು ಯಾವುವು ಎಂದು ನೋಡೋಣ ಬನ್ನಿ:

1. ಕ್ಯಾರೆಟ್

ಕ್ಯಾರೆಟ್ ನಲ್ಲಿ ಕ್ಯಾರೋಟಿನ್ ಮತ್ತು ವಿಟಮಿನ್ ಸಿ ಇರುವುದರಿಂದ ಇದನ್ನು ತಿಂದರೆ ತ್ವಚೆಯ ಕಾಂತಿ ಯಾವುದೇ ಕ್ರೀಮ್ ನ ಸಹಾಯವಿಲ್ಲದೆ ಹೆಚ್ಚುವುದು.

2. ಪಪ್ಪಾಯಿ

ಪಪ್ಪಾಯಿ ವಿಟಮಿನ್ ಸಿ, ಎ, ಇ ಇರುವುದರಿಂದ ಮೊಡವೆಯನ್ನು ಹೋಗಲಾಡಿಸುತ್ತದೆ, ಮುಖದಲ್ಲಿ ಕಲೆ ಉಳಿಯಲು ಬಿಡುವುದಿಲ್ಲ. ಇದನ್ನು ಮುಖಕ್ಕೆ ಹಚ್ಚಿಕೊಂಡರೆ ಮುಖ ಹೆಚ್ಚು ಕಾಂತಿಯುತವಾಗಿ ಕಾಣುವುದು.

3. ಟೊಮೆಟೊ

ಟೊಮೆಟೊದಲ್ಲಿ ಲೈಕೊಪೆನೆ ಅಂಶವಿರುವುದರಿಂದ ತ್ವಚೆಗೆ ತುಂಬಾ ಒಳ್ಳೆಯದು. ದಿನಾ ಒಂದು ಲೋಟ ಟೊಮೆಟೊ ಜ್ಯೂಸ್ ಕುಡಿದರೆ ಮುಖದ ಹೊಳಪು ಹೆಚ್ಚುವುದು ಹಾಗೂ ಇದು ಅಧಿಕ ಬೊಜ್ಜನ್ನು ಕರಗಿಸುತ್ತದೆ.

4. ಕಿವಿ

ಕಿವಿ ಹಣ್ಣು ತಿಂದರೆ ದೇಹದ ಮತ್ತು ಸೌಂದರ್ಯದ ಆರೋಗ್ಯಕ್ಕೆ ಒಳ್ಳೆಯದು. ಮುಖದಲ್ಲಿ ಕಪ್ಪು ಕಲೆಗಳು ಬಿದ್ದರೆ ಅದಕ್ಕೆ ಕಿವಿ ಹಣ್ಣಿನ ರಸ ಹಚ್ಚುತ್ತಾ ಬಂದರೆ ಕಲೆರಹಿತ ತ್ವಚೆ ಪಡೆಯಬಹುದು.