ನಿಮಗೆ ಆಪ್ತವಾಗುವುದು ಈ ಫೇಶಿಯಲ್!

Skin Care

oi-Reena

By Hema S

Updated: Friday, July 13, 2012, 11:28 [IST]

ತ್ವಚೆ ಹೊಳಪನ್ನು ಹೆಚ್ಚಿಸಿ ಮುಖ ಆಕರ್ಷಕವಾಗಿ ಕಾಣಲು ಬ್ಯೂಟಿ ಪಾರ್ಲರ್ ಗಳಿಗೆ ಹೋಗಿ ತುಂಬಾ ದುಡ್ಡು ಸುರಿಯಬೇಕೆಂದಿಲ್ಲ. ನಿಮ್ಮ ತ್ವಚೆ ಆರೈಕೆಯನ್ನು ನೀವೇ ಮಾಡಬಹುದಾಗಿದೆ. ಈ ಕೆಳಗಿನ ಫೇಶಿಯಲ್ ವಿಧಾನಗಳನ್ನು ಪಾಲಿಸಿದ್ದೇ ಆದರೆ ಬ್ಯೂಟಿ ಪಾರ್ಲರ್ ಗಳಿಗೆ ಹೋಗಿ ಮಾಡಿಸಿದಷ್ಟೇ ಪ್ರಯೋಜವನ್ನು ಕಾಣಬಹುದು.

ಅನೇಕ ಬಗೆಯ ಫೇಶಿಯಲ್ ಮಾಡಬಹುದಾಗಿದ್ದು ಸುಲಭವಾಗಿ ಮಾಡಬಹುದಾದ ಕೆಲ ಫೇಶಿಯಲ್ ಗಳ ರೆಸಿಪಿ ಈ ಕೆಳಗೆ ನೀಡಲಾಗಿದೆ.

1. ಬಾಳೆಹಣ್ಣಿನ ಫೇಶಿಯಲ್: 1 ಚೆನ್ನಾಗಿ ಹಣ್ಣಾದ ಬಾಳೆಹಣ್ಣು, 1 ಚಮಚ ಜೇನು, 2-3 ಚಮಚ ನಿಂಬೆರಸ, ಹಾಲಿನ ಕೆನೆ 1/2 ಚಮಚ ಇವುಗಳನ್ನು ಚೆನ್ನಾಗಿ ಬೆರೆಸಿ ಮುಖಕ್ಕೆ ಲೇಪಿಸಿಕೊಂಡು ಮಸಾಜ್ ಮಾಡಿಕೊಳ್ಳಬೇಕು. ನಂತರ 15 ನಿಮಿಷ ಬಿಟ್ಟು ಮುಖ ತೊಳೆದುಕೊಳ್ಳಬೇಕು.ಈ ಫೇಶಿಯಲ್ ನಿಂದ ತ್ವಚೆಗೆ ಅವಶ್ಯಕವಿರುವ ವಿಟಮಿನ್ ಎ, ಬಿ, ಸಿ ಮತ್ತು ಇ ದೊರೆಯುವುದರಿಂದ ತ್ವಚೆ ನುಣುಪಾಗಿ ಕಲೆ ಮುಕ್ತವಾಗಿ ಹೊಳಪನ್ನು ಹೊಂದುವುದು.

2. ವೈನ್ ಫೇಶಿಯಲ್: ಕೆಂಪು ವೈನ್ ಗೆ ಜೇನು ಬೆರೆಸಿ 15 ನಿಮಿಷ ಮಸಾಜ್ ಮಾಡಬೇಕು. ನಂತರ ಬೆಚ್ಚಗಿನ ನೀರಿನಿಂದ ಮುಖ ತೊಳೆದುಕೊಳ್ಳಬೇಕು. ಈ ರೀತಿ ವಾರಕ್ಕೊಮ್ಮೆ ಮಾಡಿದರೆ ಚರ್ಮದಲ್ಲಿನ ನಿರ್ಜೀವ ಕಣಗಳನ್ನು ಹೋಗಲಾಡಿಸಿ ರಕ್ತ ಸಂಚಲನವನ್ನು ಹೆಚ್ಚಿಸುತ್ತದೆ.

3. ಹರ್ಬಲ್ ಫೇಶಿಯಲ್: ಜೇನಿನ ಫೇಶಿಯಲ್: ಮೊಟ್ಟೆಯ ಬಿಳಿಯನ್ನು ಚೆನ್ನಾಗಿ ಕದಡಬೇಕು. ನಂತರ ಅದಕ್ಕೆ 1 ಚಮಚ ಎಣ್ಣೆಯನ್ನು ಸೇರಿಸಬೇಕು. ಈಗ ಜೇನನ್ನು ಸೇರಿಸಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು ಅಥವಾ 1 ಚಮಚ ಜೇನು, 1 ಮೊಟ್ಟೆಯ ಬಿಳಿ, 1/2 ಚಮಚ ಬಾದಾಮಿ ಎಣ್ಣೆ, 1 ಚಮಚ ಮೊಸರು ಸೇರಿಸಿ ಮಿಶ್ರ ಮಾಡಿ ಹಚ್ಚಿದರೆ ಒಳ್ಳೆಯದು.

4. ಟೊಮೆಟೊ ಫೇಶಿಯಲ್ : ಹಣ್ಣಾದ ಟೊಮೆಟೊ ಒಂದು, 1 ಚಮಚ ನಿಂಬೆ ರಸ, ಒಂದು ಚಮಚ ಓಟ್ ಮೀಲ್ಸ್ ಇವುಗಳ ಮಿಶ್ರಣವನ್ನು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಡಬೇಕು. ನಂತರ ಬಿಸಿ ನೀರಿನಿಂದ ಮುಖ ತೊಳೆಯಬೇಕು.

ಸಲಹೆ:

* 18 ರಿಂದ 30 ವಯಸ್ಸಿನವರು ತಿಂಗಳಿಗೊಮ್ಮೆ ಕ್ಲೀನ್ ಅಪ್ ಮಾಡಿಸಿಕೊಳ್ಳುವುದು, ಹರ್ಬಲ್ ಫೇಶಿಯಲ್ ಮಾಡಿಸಿಕೊಳ್ಳುವುದು ಒಳ್ಳೆಯದು. ಇದರಿಂದ ತ್ವಚೆಯಲ್ಲಿ ಮಾಯಿಶ್ಚರೈಸರ್ ಕಾಪಾಡಿಕೊಳ್ಳಬಹುದು.

* 30ರ ಆಸುಪಾಸಿನವರು ಫ್ರೂಟ್ ಫೇಶಿಯಲ್ ಮಾಡಿಕೊಳ್ಳುವುದು ಒಳ್ಳೆಯದು

* 40ರ ನಂತರ ಪಪ್ಪಾಯಿ ಹಣ್ಣುಗಳ ಫೇಶಿಯಲ್ ಒಳ್ಳೆಯದು.

* ಫೇಶಿಯಲ್ ಮಾಡುವ ಮುನ್ನ ಮುಖಕ್ಕೆ ಸ್ಟೀಮಿಂಗ್ ಕೊಟ್ಟು ನಂತರ ಫೇಶಿಯಲ್ ಮಾಡಿದರೆ ತ್ವಚೆ ಹೊಳಪು ಹೆಚ್ಚುವುದು.

* ವಯಸ್ಸು 40 ದಾಟಿದವರು ಮುಖಕ್ಕೆ ಸ್ಟೀಮಿಂಗ್ ಕೊಡದಿರುವುದು ಒಳ್ಳೆಯದು.

* ಫೇಶಿಯಲ್ ಮಾಡಿ ಮುಖ ತೊಳೆದ ಬಳಿಕ ವಿಟಮಿನ್ ಇ ಎಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡಿ.