ಚಳಿಗಾಲದಲ್ಲಿ ಮೊಡವೆ ಹೆಚ್ಚಾಗಲು ಕಾರಣವೇನು?

ಎಣ್ಣೆ ತ್ವಚೆ ಇರುವವರೆಗೆ ಮೊಡವೆ ಸಮಸ್ಯೆ ಕಂಡು ಬರುವುದು ಸಾಮಾನ್ಯ. ಅದರಲ್ಲೂ ಬಿಸಿಲು ಕಾಲದಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ಆದರೆ ಕೆಲವರಲ್ಲಿ ಬೇಸಿಗೆ ಕಾಲಕ್ಕಿಂತ ಚಳಿಗಾಲದಲ್ಲಿ ಹೆಚ್ಚು ಮೊಡವೆ ಮುಖದಲ್ಲಿ ಏಳುತ್ತದೆ. ಚಳಿಗಾಲದಲ್ಲಿ ಮೊಡವೆ ಹೆಚ್ಚಾಗಲು ಕಾರಣವೇನು ಎಂದು ನೋಡೋಣ ಬನ್ನಿ.

ಕೋಲ್ಡ್ ಕ್ರೀಮ್: ಕೋಲ್ಡ್ ಕ್ರೀಮ್ ಹಚ್ಚಿದಾಗ ಅದು ಮುಖದಲ್ಲಿ ತೇವಾಂಶ ಇರುವಂತೆ ನೋಡಿಕೊಳ್ಳುತ್ತದೆ. ಚಳಿಗಾಲದಲ್ಲಿ ದೂಳು ಅಧಿಕವಿರುತ್ತದೆ. ಅ ದೂಳಿನಲ್ಲಿ ಓಡಾಡುವಾಗ ದೂಳು ಬಂದು ಮುಖದ ಮೇಲೆ ಕೂರುತ್ತದೆ. ಹೀಗೆ ದೂಳು ಕೂರುವುದರಿಂದ ಮೊಡವೆ ಹೆಚ್ಚಾಗುತ್ತದೆ. ಆದ್ದರಿಂದ ಗಾಡಿಯಲ್ಲಿ ಓಡಾಡುವಾಗ ಮುಖಕ್ಕೆ ಬಟ್ಟೆ ಸುತ್ತಿದರೆ ಒಳ್ಳೆಯದು.

ಕೆಲವರು ಕೋಲ್ಡ್ ಕ್ರೀಮ್ ಅನ್ನು ದಪ್ಪವಾಗಿ ಹಾಕುತ್ತಾರೆ. ಇದರಿಂದ ಮುಖದ ರಂಧ್ರಗಳಿಗೆ ಉಸಿರಾಡಲು ಸಾಧ್ಯವಾಗುವುದಿಲ್ಲ. ಇದರಿಂದ ಕೂಡ ಮೊಡವೆ ಉಂಟಾಗುತ್ತದೆ.

ಮುಖ ತೊಳೆಯುವುದು: ಚಳಿಗಾದಲ್ಲಿ ನೀರು ಮುಟ್ಟುವುದಕ್ಕೆ ಮನಸ್ಸು ಬರುವುದಿಲ್ಲ. ಇದರಿಂದ ಬೇಸಿಗೆಯಲ್ಲಿ ಮುಖ ತೊಳೆದಷ್ಟು ಬಾರಿ ಚಳಿಗಾಲದಲ್ಲಿ ಮುಖವನ್ನು ತೊಳೆಯುವುದಿಲ್ಲ. ಇದು ಕೂಡ ಒಂದು ಕಾರಣವಾಗಿದೆ.

ಬೆವರದಿರುವುದು: ಮೈ ಬೆವರಿದರೆ ತ್ವಚೆಗೆ ತುಂಬಾ ಒಳ್ಳೆಯದು. ಚಳಿಗಾಲದಲ್ಲಿ ಬೆವರುವುದಿಲ್ಲ. ಇದರಿಂದ ತ್ವಚೆಯಿಂದ ಕಶ್ಮಲಗಳು ಹೊರ ಹೋಗದೆ ಮೊಡವೆ ಉಂಟಾಗುತ್ತದೆ.

ಚಳಿಗಾಲದಲ್ಲಿ ಮೊಡವೆ ಉಂಟಾಗುವುದನ್ನು ತಡೆಯಲು ಸಲಹೆಗಳು:

* ಕೋಲ್ಡ್ ಕ್ರೀಮ್ ಅನ್ನು ತುಂಬಾ ದಪ್ಪವಾಗಿ ಹಾಕಬಾರದು.

* ಮುಖವನ್ನು ದಿನದಲ್ಲಿ 5-6 ಬಾರಿ ತೊಳೆಯಿರಿ. ಹೀಗೆ ತೊಳೆಯುವಾಗ 2 ಬಾರಿ ಮಾತ್ರ ಸೋಪು ಹಚ್ಚಿ ತೊಳೆಯಿರಿ. ಮುಖಕ್ಕೆ ಮಾಯಿಶ್ಚರೈಸರ್ ಹಚ್ಚಿ ತೇವಂಶವನ್ನು ಕಾಪಾಡಿಕೊಳ್ಳಿ.

* ದಿನಕ್ಕೆ 8-10 ಲೋಟ ನೀರು ಕುಡಿಯಬೇಕು.