ಈ ವಿಧಾನ ಪಾಲಿಸಿದರೆ ಹೆಚ್ಚುವುದು ತ್ವಚೆ ಕಾಂತಿ

By Super

Updated: Wednesday, October 7, 2015, 17:13 [IST]

ನಿಮ್ಮ ತ್ವಚೆ ನೈಸರ್ಗಿಕವಾಗಿ ಹೊಳಪನ್ನು ಹೊಂದಿದೆಯೆ? ಇಲ್ಲ ಅಂದರೆ ಈ ಕೆಳಗಿನ ಸರಳ ವಿಧಾನಗಳನ್ನು ಅನುಸರಿಸಿದರೆ ಸಾಕು ತ್ವಚೆ ಹೊಳಪನ್ನು ಪಡೆಯುವುದರ ಜೊತೆಗೆ ಅಕಾಲಿಕ ಮುಪ್ಪನ್ನು ತಡೆಗಟ್ಟಬಹುದು.

ಅಧಿಕ ರಾಸಾಯನಿಕವಿರುವ ಕ್ಲೆನ್ಸರ್ ಬಳಸಬೇಡಿ: ಮೃದುವಾದ ಕ್ಲೆನ್ಸರ್‌ಗಳಾದ ಹಾಲು, ತೇವ ಬಟ್ಟೆ ಇವುಗಳಿಂದ ಮುಖವನ್ನು ಕ್ಲೆನ್ಸ್ ಮಾಡುವುದು ಒಳ್ಳೆಯದು. ತೆಂಗಿನೆಣ್ಣೆ ಅಂಶವಿರುವ ಕ್ಲೆನ್ಸರ್ ಬಳಸುವುದು ಕೂಡ ಒಳ್ಳೆಯದು. ರಾಸಾಯಮಿಕ ಅಂಶವಿರುವ ಕ್ಲೆನ್ಸರ್ ಬಳಸಿದರೆ ಅದು ಕ್ರಮೇಣ ಮುಖದ ಹೊಳಪನ್ನು ಕುಂದುವಂತೆ ಮಾಡುವುದು.

ಟೋನರ್‌ಯನ್ನು ಬಳಸದಿರುವುದು ಸೂಕ್ತ: ಕ್ಲೆನ್ಸರ್ ಬಳಸುವಾಗ ಟೋನರ್ ಅವಶ್ಯಕತೆ ಇರುವುದಿಲ್ಲ. ಟೋನರ್ ಬಳಸಿದರೆ ತ್ವಚೆ ಮತ್ತಷ್ಟು ಒಣಗುವುದರಿಂದ ಇದನ್ನು ಬಳಸಲು ಹೋಗದಿರುವುದು ಸೂಕ್ತ.

pH-ಅಂಶದ ಬಗ್ಗೆ ಗಮನವಿರಲಿ:ಮುಖಕ್ಕೆ ಬಳಸುವ ಸಾಧನದಲ್ಲಿ pH ಇದ್ದರೆ ಅದು ಮುಖದಲ್ಲಿರುವ ಎಣ್ಣೆಯಂಶವನ್ನು ತೆಗೆಯಲು ಮತ್ತು ಮುಖದ ಹೊಳಪನ್ನು ಹೆಚ್ಚಿಸಲು ಸಹಕಾರಿಯಾಗಿದೆ. ಆದ್ದರಿಂದ ಮುಖಕ್ಕೆ ಬಳಸುವ ವಸ್ತುಗಳಲ್ಲಿ pH-balanced ಅಂತ ಬರೆದಿರುವ ಸಾಧನಗಳನ್ನೇ ಕೊಳ್ಳಬೇಕು. ಕಡಿಮೆ ಪ್ರಮಾಣದಲ್ಲಿ pH ಅಂಶ ಇದ್ದರೆ ತ್ವಚೆ ಒಣಗುವುದು.

ಅಧಿಕ ಸುವಾಸನೆಯಿಲ್ಲದ ವಸ್ತುಗಳ ಬಳಕೆ ಬೇಡ: ಸುವಾಸನೆ ಇರುವ ಕ್ರೀಮ್ ಅಥವಾ ಸೋಪ್ ಬಳಸಿದರೆ ತ್ವಚೆ ಅಲರ್ಜಿ ಉಂಟಾಗುವುದು. “fragrance-free.” ಅಂತ ಬರೆದಿರುವ ವಸ್ತುಗಳನ್ನು ಬಳಸುವುದು ಒಳ್ಳೆಯದು. ಈ ರೀತಿಯ ವಸ್ತುಗಳಲ್ಲಿ ಸುವಾಸನೆ ಕಡಿಮೆಯಿದ್ದು ಅಧಿಕ ಗುಣಮಟ್ಟವನ್ನು ಹೊಂದಿರುತ್ತದೆ.

ಮಾಯಿಶ್ಚರೈಸರ್: ತ್ವಚೆ ಹೊಳಪನ್ನು ಕಾಪಾಡುವಲ್ಲಿ ಮಾಯಿಶ್ಚರೈಸರ್ ಪರಿಣಾಮಕಾರಿಯಾಗಿ ಕೆಲಸಮಾಡುತ್ತದೆ. ಅದರಲ್ಲೂ ನೈಸರ್ಗಿಕವಾಗಿ ದೊರೆಯುವ ಎಣ್ಣೆಗಳಿಂದ ಮಾಯಿಶ್ಚರೈಸರ್ ಮಾಡುವುದು ತ್ವಚೆಗೆ ತುಂಬಾ ಒಳ್ಳೆಯದು.