ಸ್ಟೀಮಿಂಗ್ ಮಾಡಿದರೆ ತ್ವಚೆಗೆ 6 ಲಾಭ

Skin Care

oi-Reena

By Hema S

Updated: Saturday, September 29, 2012, 17:40 [IST]

ಮುಖದ ತ್ವಚೆಯನ್ನು ಯಾವುದೇ ಸೌಂದರ್ಯ ಸಮಸ್ಯೆಯಿಲ್ಲದೆ ಆರೈಕೆ ಮಾಡುವುದು ತುಂಬಾ ಕಷ್ಟ. ಬ್ಲ್ಯಾಕ್ ಹೆಡ್ಸ್, ಕಪ್ಪು ಕಲೆ, ಮೊಡವೆ, ಸನ್ ಟ್ಯಾನ್ ಹೀಗೆ ಒಂದೆಲ್ಲಾ ಒಂದು ಸಮಸ್ಯೆ ಕಂಡು ಬರುವುದು. ಆದ್ದರಿಂದ ತ್ವಚೆ ಆರೈಕೆಗೆ ಅನೇಕ ವಿಧಾನಗಳನ್ನು ಬಳಸುತ್ತೇವೆ, ಅದರಲ್ಲೊಂದು ಸ್ಟೀಮಿಂಗ್. ಈ ರೀತಿ ಸ್ಟೀಮಿಂಗ್ ಮಾಡಿದರೆ ಈ ಕೆಳಗಿನ ಪ್ರಮುಖ ಪ್ರಯೋಜನಗಳನ್ನು ಪಡೆಯಬಹುದು.

ಸ್ಟೀಮಿಂಗ್ ನಿಂದ ದೊರೆಯುವ ಪ್ರಯೋಜನಗಳು:

1. ಮುಖಕ್ಕೆ ಹಬೆ ಕೊಡುವುದರಿಂದ ದೊರೆಯುವ ಅತೀ ಮುಖ್ಯ ಪ್ರಯೋಜವೆಂದರೆ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸುತ್ತದೆ ಮತ್ತು ತ್ವಚೆ ರಂಧ್ರಗಳನ್ನು ಓಪನ್ ಮಾಡುತ್ತದೆ. ಇದರಿಂದ ತ್ವಚೆಗೆ ಉಸಿರಾಡಲು ಸಹಕಾರಿಯಾಗುವುದು.

2. ಸ್ಟೀಮ್ ಮಾಡಿದರೆ ವೈಟ್ ಮತ್ತು ಬ್ಲ್ಯಾಕ್ ಹೆಡ್ಸ್ ಹೋಗಲಾಡಿಸಬಹುದು. ಹಬೆ ಕೊಟ್ಟು 20 ನಿಮಿಷದ ಬಳಿಕ ಮುಖವನ್ನು ಸ್ಕ್ರಬ್ ಮಾಡಬೇಕು. ಈ ರೀತಿ ಮಾಡಿದರೆ ಬ್ಲ್ಯಾಕ್ ಹೆಡ್ಸ್ ಅನ್ನು ಸುಲಭದಲ್ಲಿ ತೆಗೆಯಬಹುದು.

3. ಸ್ಟೀಮ್ ಕೊಡುವುದರಿಂದ ಮೊಡವೆಯಿಂದ ಗುಣ ಪಡಿಸಬಹುದು. ಮುಖದಲ್ಲಿ ಜಿಡ್ಡಿನಂಶವಿದ್ದರೆ ಮೊಡವೆಗಳು ಬರುತ್ತದೆ. ಮುಖಕ್ಕೆ ಸ್ಟೀಮ್ ಕೊಡುವುದರಿಂದ ತ್ವಚೆಯಲ್ಲಿರುವ ಕಶ್ಮಲಗಳನ್ನು ಹೋಗಲಾಡಿಸುತ್ತದೆ. ಇದರಿಂದ ಮೊಡವೆ ಬರುವುದು ಕಡಿಮೆಯಾಗುವುದು.

4. ಸ್ಟೀಮ್ ಮಾಡುವುದರಿಂದ ಯೌವನದ ಕಳೆಯನ್ನು ಕಾಪಾಡಿಕೊಳ್ಳಬಹುದು. ವಯಸ್ಸಾಗುತ್ತಿದ್ದಂಯೆ ಮುಖದಲ್ಲಿ ನಿರ್ಜೀವ ತ್ವಚೆ ಎದ್ದು ಕಾಣದಂತೆ ಮಾಡುತ್ತದೆ. ಸ್ಟೀಮ್ ಕೊಡುವುದರಿಂದ ಮುಖದ ತ್ವಚೆ ಬಿಗಿಯಾಗುತ್ತದೆ. ಆದ್ದರಿಂದ ಬೇಗನೆ ನೆರಿಗೆಗಳು ಕಾಣಿಸಿಕೊಳ್ಳುವುದಿಲ್ಲ.

5. ಮೊಡವೆ ಇದ್ದವರು ಮುಖಕ್ಕೆ 4-5 ನಿಮಿಷ ಸ್ಟೀಮ್ ಕೊಟ್ಟ ನಂತರ 30 ನಿಮಿಷ ವಿಶ್ರಾಂತಿ ತೆಗದುಕೊಳ್ಳಬೇಕು. ಬಿಸಿ ಹಬೆ ಮುಖಕ್ಕೆ ತಾಗಿದಾಗ ಮೊಡವೆ ಒಡೆಯಬಹುದು. ನಂತರ ಐಸ್ ಕ್ಯೂಬ್ ಮೆದುವಾಗಿ ಮಸಾಜ್ ಮಾಡಬೇಕು. ಈ ರೀತಿ ಮಾಡುತ್ತಾ ಬಂದರೆ ಮೊಡವೆ ಕಡಿಮೆಯಾಗುವುದು.

6. ಸ್ಟೀಮ್ ಮುಖದಲ್ಲಿ ರಕ್ತ ಸಂಚಲವನ್ನು ಹೆಚ್ಚಿಸುವುದರಿಂದ ಮುಖದ ಹೊಳಪು ಹೆಚ್ಚಾಗುವುದು.