ಈ ಮ್ಯಾಜಿಕ್ ಫೇಶಿಯಲ್ ಬಗ್ಗೆ ನಿಮಗೆ ಗೊತ್ತೇ?

Skin Care

oi-Reena

By Hema S

Updated: Tuesday, July 24, 2012, 11:32 [IST]

ಯಾವುದೇ ಲೋಷನ್, ಕ್ರೀಮ್ ಅಥವಾ ಪ್ಲಾಸ್ಟಿಕ್ ಸರ್ಜರಿ ಮಾಡಿಸದೇ ಆಕರ್ಷಕವಾಗಿ ಕಾಣಬೇಕೆ? ಹಾಗಾದರೆ manual lymph drainage ಅಥವಾ MLD ಫೇಶಿಯಲ್ ಮಾಡಿದರೆ ಸಾಕು, ನಿಮ್ಮ ಸೌಂದರ್ಯ ದ್ವಿಗುಣವಾಗುವುದು. ನಂಬಿಕೆ ಬರ್ತಾ ಇಲ್ಲವೇ? ಮುಂದೆಕ್ಕೆ ಓದಿ ನಿಮಗೇ ತಿಳಿಯುವುದು.

ಈ ಫೇಶಿಯಲ್ ಬಗ್ಗೆ ತಿಳಿಯುವ ಮುನ್ನ ನಮ್ಮ ದೇಹದಲ್ಲಿ ಬಿಳಿದ್ರವ(lymph)ದ ಪಾತ್ರದ ಕುರಿತು ತಿಳಿಯೋಣ. ಇದು ನಮ್ಮ ದೇಹದಲ್ಲಿ ಇದ್ದು ಕಶ್ಮಲ, ಬೇಡದ ಕೊಬ್ಬು, ಬ್ಯಾಕ್ಟೀರಿಯಾ ಇವುಗಳನ್ನು ಹೋಗಲಾಡಿಸಲು ಸಹಕಾರಿಯಾಗಿದೆ. ನಮ್ಮ ದೇಹದಲ್ಲಿ ಬಿಳಿ ರಕ್ತ ಕಣಗಳನ್ನು ಹೆಚ್ಚಿಸುವಲ್ಲಿ ಇದು ಸಹಕಾರಿಯಾಗಿದೆ.

ಒಂದು ವೇಳೆ ಈ ಬಿಳಿ ದ್ರವ ದೇಹದಲ್ಲಿ ಒಂದು ಕಡೆ ನಿಂತು ಗಟ್ಟಿಯಾದರೆ ಸುಸ್ತು, ಮೈಕೈ ನೋವು ಕಾಣಿಸುವುದು. ಆದ್ದರಿಂದ ಈ ಬಿಳಿದ್ರವ ದೇಹದ ಎಲ್ಲಾ ಭಾಗಗಳಿಗೆ ಸಮ ಪ್ರಮಾಣದಲ್ಲಿ ಹರಿದರೆ ಮಾತ್ರ ಆರೋಗ್ಯ ಮತ್ತು ಮೈಕಾಂತಿ ಹೆಚ್ಚುವುದು.

ಈ ಬಿಳಿದ್ರವ ಮುಖದಲ್ಲಿ ಉತ್ತಮ ರೀತಿಯಲ್ಲಿ ಕಾರ್ಯನಿರ್ವಹಿಸಿದರೆ ಮುಖ ಕ್ಲೆನ್ಸ್ ಮಾಡಿದ ರೀತಿ ಆಕರ್ಷಕವಾಗಿ ಕಾಣುವುದು. ಈ ಬಿಳಿದ್ರವ ಉತ್ತಮ ರೀತಿಯಲ್ಲಿ ಕಾರ್ಯನಿರ್ವಹಿಸುವಂತೆ ಮಾಡಲು ಈ ಮ್ಯಾಜಿಕಲ್ ಫೇಶಿಯಲ್ ಸಹಕಾರಿಯಾಗಿದೆ.

ಈ ಮಸಾಜ್ ನಲ್ಲಿ ಯಾವುದೇ ಕ್ರೀಮ್ ಅಥವಾ ಎಣ್ಣೆ ಉಪಯೋಗಿಸುವುದಿಲ್ಲ. ಮಸಾಜ್ ಮಾಡುವವರು ಅವರ ಕೈ ಬೆರಳುಗಳನ್ನು ಮಾತ್ರ ಬಳಸಿ ಮುಖದ ಮೇಲೆ ವೃತ್ತಕಾರವಾಗಿ ಒತ್ತುತ್ತಾ ಮೆದುವಾಗಿ ಒತ್ತಡ ಹಾಕುತ್ತಾರೆ, ಆಗ ಮಸಾಜ್ ಮಾಡಿಸುವವರಿಗೆ ತುಂಬಾ ರಿಲ್ಯಾಕ್ಸ್ ಅನಿಸುವುದು. ಮುಖದಲ್ಲಿ ತುಂಬಾ ಜಿಡ್ಡಿನಂಶವಿದ್ದರೆ ಮತ್ರ ಸ್ವಲ್ಪ ಪೌಡರ್ ಬಳಸಲಾಗುವುದು.

ಈ ಫೇಶಿಯಲ್ ಮಾಡಿಸಿದರೆ ಮುಖ ಊದಿಕೊಳ್ಳುವುದಿಲ್ಲ, ಸೈನಸ್ (sinus) ಸಮಸ್ಯೆ ಇರುವವರು ಈ ಮಸಾಜ್ ಮಾಡಿದರೆ ತುಂಬಾ ಒಳ್ಳೆಯದು. ಈ ಮಸಾಜ್ ಮಾಡಿದರೆ ಮುಖದಲ್ಲಿ ನೆರಿಗೆ ಬೀಳುವುದನ್ನು ತಡೆಗಟ್ಟಬಹುದು, ಮುಖದ ಕಾಂತಿ ಹೆಚ್ಚುವುದು. ಈ ಮಸಾಜ್ ಅನ್ನು ವಾರದಲ್ಲಿ 2 ಬಾರಿ ಬೇಕಾದರೆ ಮಾಡಬಹುದು.

ಈ ಮಸಾಜ್ ಒಮ್ಮೆ ಮಾಡಿಸಿ ನೋಡಿ ಅದರ ಪ್ರಯೋಜನವನ್ನು ನೀವೇ ಕಾಣಬಹುದು.