ಪುರುಷರ ತ್ವಚೆ ಸೌಂದರ್ಯ ಸಮಸ್ಯೆಗೆ ಉತ್ತರ

Skin Care

oi-Reena

By Hema S

Updated: Thursday, October 11, 2012, 17:41 [IST]

ಪುರುಷರಿಗೂ ಸೌಂದರ್ಯದ ಬಗ್ಗೆ ಕಾಳಜಿ ಇದ್ದರೂ ಅದನ್ನು ಇನ್ನೊಬ್ಬರ ಹತ್ತಿರ ಹೇಳಿಕೊಳ್ಳಲು ಸಂಕೋಚವಿರುತ್ತದೆ. ಪ್ರತಿದಿನ ಸ್ನಾನ, ಶೇವಿಂಗ್ ಮಾಡುವುದು, ಎಣ್ಣೆ ಹಚ್ಚುವುದು ಅಥವಾ ಜೆಲ್ ಬಳಸುವುದು, ಉಗುರಗಳನ್ನು ಕತ್ತರಿಸಿ ನೀಟಾಗಿ ಇಡುವುದು ಇಷ್ಟು ಮಾತ್ರ ಮಾಡುತ್ತಾರೆ. ಬಾಡಿ ಲೋಷನ್, ಕ್ರೀಮ್ಸ್ ಇವುಗಳ ಅಗತ್ಯ ನಮಗೆ ಬೇಕಾಗಿಲ್ಲ ಎಂಬ ಭಾವನೆ ಕೆಲವರಲ್ಲಿದ್ದರೆ ಮತ್ತೆ ಕೆಲವರಲ್ಲಿ ಸೌಂದರ್ಯವರ್ಧಕ ವಸ್ತುಗಳನ್ನು ಬಳಸಿದರೆ ನೋಡಿದವರು ಚುಡಾಯಿಸಬಹುದು ಎಂಬ ಅಂಜಿಕೆ ಇರುತ್ತದೆ.

ಪುರುಷರಾಗಿರಲಿ, ಮಹಿಳೆಯರಾಗಿರಲಿ ತ್ವಚೆ ಬಗ್ಗೆ ಆರೈಕೆವಹಿಸಿದರೆ ಮಾತ್ರ ಆಕರ್ಷಕವಾದ ತ್ವಚೆಯನ್ನು ಪಡೆಯಲು ಸಾಧ್ಯ. ಅದರಲ್ಲೂ ಪುರುಷರಿಗೆ ತ್ವಚೆ ಆದರೆ ಹೇಗೆ ಹೋಗಲಾಡಿಸಬಹುದು? ಶೇವ್ ಮಾಡಿದ ನಂತರ ಮುಖದಲ್ಲಿ ಉರಿ ಕಂಡು ಬಂದರೆ ಏನು ಮಾಡಬೇಕು? ಪ್ರಶ್ನೆಗಳು ಸಹಜ. ಸಾಮಾನ್ಯವಾಗಿ ಪುರುಷರಲ್ಲಿ ಕಂಡು ಬರುವ ಸೌಂದರ್ಯ ಸಮಸ್ಯೆಗಳೇನು ಅದಕ್ಕೆ ಪರಿಹಾರವೇನು ಎಂದು ನೋಡೋಣ ಬನ್ನಿ:

ಸಮಸ್ಯೆ : ತ್ವಚೆ ತುಂಬಾ ಡ್ರೈ. ಯಾವ ಕ್ರೀಮ್ ಹಚ್ಚಬೇಕು? ಬಾಡಿ ಲೋಷನ್ ಹಚ್ಚಬಹುದೇ?
ಉತ್ತರ: ತುಂಬಾ ಒಣ ತ್ವಚೆಯವರು ರಾತ್ರಿ ಮಲಗುವಾಗ ಎಣ್ಣೆಯಿಂದ ಮಾಯಿಶ್ಚರೈಸರ್ ಮಾಡಿದರೆ ಒಳ್ಳೆಯದು. ಕ್ರೀಮ್ ಅಥವಾ ಬಾಡಿಲೋಷನ್ ಕೂಡ ಹಚ್ಚಬಹುದು.

ಸಮಸ್ಯೆ: ತಲೆಹೊಟ್ಟಿನಿಂದ ಪರಿಹಾರ ಹೇಗೆ?

ಉತ್ತರ: ತಲೆಹೊಟ್ಟು ಹೆಚ್ಚಿನ ಪುರುಷರಿಗೆ ಕಂಡು ಬರುವ ಸಮಸ್ಯೆಯಾಗಿದೆ. ಸರಿಯಾಗಿ ತಲೆ ಕೂದಲಿನ ಆರೈಕೆ ಮಾಡದಿದ್ದರೆ ಈ ರೀತಿಯ ಸಮಸ್ಯೆ ಕಂಡುಬರುವುದು. ತಲೆಗೆ ಸರಿಯಾಗಿ ಎಣ್ಣೆ ಹಚ್ಚಬೇಕು. ನಿಂಬೆರಸ ಅಥವಾ ಮೊಸರು ತಲೆಗೆ ಹಚ್ಚಿದರೆ ಹೊಟ್ಟಿನ ಸಮಸ್ಯೆ ನಿವಾರಣೆಯಾಗವುದು.

ಸಮಸ್ಯೆ: ಕೂದಲು ತುಂಬಾ ಉದುರುತ್ತಿದೆ, ಬಕ್ಕ ತಲೆಉಂಟಗಬಹುದೇ?
ಉತ್ತರ: ಆಹಾರಕ್ರಮ ಆರೋಗ್ಯಕರವಾಗಿರಬೇಕು. ಸಿಟ್ರಸ್ ಆಹಾರಗಳನ್ನು ಆಹಾರಕ್ರಮದಲ್ಲಿ ಸೇರಿಸಬೇಕು. ತಲೆಗೆ ಎಣ್ಣೆ ಮಸಾಜ್ ಮಾಡುವುದು, ಹೆಚ್ಚು ರಾಸಾಯನಿಕವಿರುವ ಶ್ಯಾಂಪೂ, ಕಂಡೀಷನರ್, ಜೆಲ್ ಬಳಸದಿರುವುದು ಮಾಡಿದರೆ ಕೂದಲು ಉದುರುವುದು ಕಡಿಮೆಯಾಗುವುದು. ತುಂಬಾ ಉದುರುತ್ತಿದ್ದರೆ ವೈದ್ಯರ ಸಲಹೆ ಪಡೆಯುವುದು ಒಳ್ಳೆಯದು, ಏಕೆಂದರೆ ಕೆಲವೊಮ್ಮೆ ಕಾಯಿಲೆಗಳಿದ್ದರೆ ಕೂಡ ಕೂದಲು ಉದುರುತ್ತದೆ. ಆರೋಗ್ಯಕರ ಕೂದಲು ಆರೋಗ್ಯದ ಲಕ್ಷಣವಾಗಿದೆ.

ಸಮಸ್ಯೆ: ಶೇವಿಂಗ್ ಮಾಡಿದ ನಂತರ ಉರಿಯನ್ನು ತಡೆಯುದು ಹೇಗೆ?
ಶೇವಿಂಗ್ ಮಾಡುವ ಮುನ್ನ ಮುಖವನ್ನು ತೊಳೆದು ಮಾಡಿದರೆ ತ್ವಚೆ ಸ್ವಲ್ಪ ಮೃದುವಾಗುವುಉದ ಹಾಗೂ ಶೇವಿಂಗ್ ಮಾಡಲು ಕೂಡ ಸುಲಭವಾಗುವುದು. ಶೇವಿಂಗ್ ಮಾಡಿದ ಸೇವಿಂಗ್ ಜೆಲ್ ಹಚ್ಚುವುದು ಸಹಜ. ಆದರೆ ಶೆವಿಂಗ್ ಜೆಲ್ ತೊಳೆದ ನಂತರ ಮುಖಕ್ಕೆ ಮಾಯಿಶ್ಚರೈಸರ್ ಹಚ್ಚಿ. ಇದರಿಂದ ತ್ವಚೆ ಮೃದುವಾಗುವುದು ಹಾಗೂ ಉರಿ ಕೂಡ ಕಡಿಮೆಯಾಗುತ್ತದೆ.

ಸಮಸ್ಯೆ: ತ್ವಚೆಯ ಹೊಳಪು ಹೆಚ್ಚಿಸುವುದು ಹೇಗೆ?
ಉತ್ತರ: ಮುಖ ಕಳೆಗುಂದಿದ್ದರೆ ಮುಖಕ್ಕೆ ಕ್ಲೆನ್ಸ್ ಮಾಡಬಹುದು. ಈ ರೀತಿ ಮಾಡಿದರೆ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು, ಇದರಿಂದ ಮುಖದ ಹೊಳಪು ಹೆಚ್ಚಿ ಮುಖ ಆಕರ್ಷಕವಾಗಿ ಕಾಣುವುದು.