ಸಡಿಲವಾದ ತ್ವಚೆಯನ್ನು ಬಿಗಿಗೊಳಿಸುವುದು ಹೇಗೆ?

ಈ ರೀತಿ ತ್ವಚೆ ಸಡಿಲವಾದರೆ ಮುಖದಲ್ಲಿ ನೆರಿಗೆಗಳು ಎದ್ದು ಕಾಣುತ್ತದೆ. ಮುಖ ಮುಪ್ಪಾದಂತೆ ಕಾಣುತ್ತದೆ. ಆದ್ದರಿಂದ ತ್ವಚೆ ಸಡಿಲವಾಗದಂತೆ ನೋಡಿಕೊಳ್ಳಲು ಈ ಕೆಳಗಿನ ವಿಧಾನವನ್ನು ಅನುಸರಿಸಬಹುದು.

ಕ್ರಂಚಸ್: ಹೊಟ್ಟೆಯಲ್ಲಿ ನೆರಿಗೆ ಬೀಳದಿರುಲು ಕ್ರಂಚಸ್ ಮಾಡುವುದು ಒಳ್ಳೆಯದು. ಅಲ್ಲದೆ ಈ ರೀತಿ ಮಾಡಿದರೆ ಹೊಟ್ಟೆ ಬೊಜ್ಜಿನ ಸಮಸ್ಯೆ ಕೂಡ ಇರುವುದಿಲ್ಲ. ದೇಹದ ತೂಕ ಕಡಿಮೆ ಮಾಡಿಕೊಳ್ಳ ಬಯಸುವವರು ವ್ಯಾಯಾಮ ಮಾಡಬೇಕು. ವ್ಯಾಯಾಮ ಮಾಡಿದರೆ ದೇಹದ ಫಿಟ್ ನೆಸ್ ಕಳೆದುಕೊಳ್ಳುವುದಿಲ್ಲ.

ಮಾಯಿಶ್ಚರೈಸರ್: 8-10 ಗ್ಲಾಸ್ ನೀರು ಕುಡಿಯಬೇಕು. ಹಣ್ಣುಗಳ ಜ್ಯೂಸ್ ಕುಡಿಯಬೇಕು. ಮುಖಕ್ಕೆ ಬಾದಾಮಿ ಎಣ್ಣೆ, ಆಲೀವ್ ಎಣ್ಣೆ ಇವುಗಳಿಂದ ಮಾಯಿಶ್ಚರೈಸರ್ ಮಾಡಬೇಕು. ಈ ರೀತಿ ಮಾಡಿದರೆ ತ್ವಚೆ ಸಡಿಲವಾಗುವುದಿಲ್ಲ.

ಮುಖಕ್ಕೆ ವ್ಯಾಯಾಮ: ನೆರಿಗೆಗಳು ಮುಖ ಮತ್ತು ಕುತ್ತಿಗೆಯಲ್ಲಿ ಬೇಗನೆ ಕಂಡು ಬರುತ್ತದೆ. ಆದ್ದರಿಂದ ಈ ಸಮಸ್ಯೆಯನ್ನು ತಡೆಗಟ್ಟಲು ಮುಖಕ್ಕೆ ವ್ಯಾಯಾಮ ಮಾಡಬೇಕು. ಸ್ವಲ್ಪ ಗಟ್ಟಿಯಾದ ವಸ್ತುಗಳನ್ನು ಜಗಿಯುವುದು ಮಾಡಿದರೆ ಮುಖಕ್ಕೆ ವ್ಯಾಯಾಮ ದೊರೆಯುತ್ತದೆ.

ಮತ್ತೊಂದು ವಿಧದ ವ್ಯಾಯಾಮ ಅಂದರೆ ಸೀಲಿಂಗ್ ಕಡೆ ಮುಖ ಮಾಡಿ ಮುಖವನ್ನು ಮೇಲಕ್ಕೆ ಎಳೆದು 30 ಸೆಕೆಂಡ್ ಕಾಲ ಹಿಡಿಯಬೇಕು. ನಂತರ ಬಿಡಬೇಕು. ಈ ರೀತಿ ಮಾಡಿದರೆ ಮುಖದಲ್ಲಿ ನೆರಿಗೆ ಬೀಳುವುದನ್ನು ತಡೆಯಬಹುದು.

ಮಸಾಜ್: ಮುಖಕ್ಕೆ ಮತ್ತು ಮೈಗೆ ಮಸಾಜ್ ಮಾಡಬೇಕು. ಸಾಸಿವೆ ಎಣ್ಣೆ, ಆಲೀವ್ ಎಣ್ಣೆ ಇವುಗಳಿಂದ ಮಸಾಜ್ ಮಾಡಬೇಕು.

ಸೋಯಾ: ಸೋಯಾವನ್ನು ತಿನ್ನುವುದರಿಂದ ಕೊಲೆಜಿನ್ ಉತ್ಪತ್ತಿ ಹೆಚ್ಚಾಗುತ್ತದೆ. ಕೊಲೆಜಿನ್ ತ್ವಚೆಯ ತಾರುಣ್ಯವನ್ನು ಕಾಪಾಡಲು ಸಹಾಯಕವಾಗಿದೆ.

ವಿಟಮಿನ್ ಎ ಮತ್ತು ವಿಟಮಿನ್ ಸಿ ಆಹಾರ: ಕ್ಯಾರೆಟ್, ಬೀಟ್ ರೂಟ್ , ಸಿಟ್ರಸ್ ಆಹಾರಗನ್ನು ತಿನ್ನುವುದರಿಂದ ಅಕಾಲಿಕ ನೆರಿಗೆ ಬೀಳುವುದನ್ನು ತಪ್ಪಿಸಬಹುದು.