ಮುಖದಲ್ಲಿರುವ ಬೇಡದ ಕೂದಲನ್ನು ಹೋಗಲಾಡಿಸಬೇಕೆ?

Skin Care

oi-Reena

By Hema S

Updated: Thursday, August 2, 2012, 15:06 [IST]

ಕೆಲ ಹೆಣ್ಣು ಮಕ್ಕಳಲ್ಲಿ ಮುಖದಲ್ಲಿ ಬೇಡದ ಕೂದಲುಗಳು ಬೆಳೆದಿರುತ್ತವೆ. ಮುಖದಲ್ಲಿ ಈ ರೀತಿ ಕೂದಲಿದ್ದರೆ ಮುಖ ಆಕರ್ಷಕವಾಗಿ ಕಾಣುವುದಿಲ್ಲ ಮತ್ತು ತುಂಬಾ ಮುಜುಗರ ಉಂಟಾಗುವುದು.

ದೇಹದಲ್ಲಿ ಹಾರ್ಮೋನ್ ಗಳ ಏರುಪೇರಿನಿಂದಾಗಿ ಈ ರೀತಿ ಉಂಟಾಗುತ್ತದೆ. ಮುಖದಲ್ಲಿರುವ ಬೇಡದ ಕೂದಲನ್ನು ಹೋಗಲಾಡಿಸಲು ಶೇವ್ ಮಾತ್ರ ಮಾಡಬೇಡಿ. ಈ ರೀತಿ ಮಾಡಿದರೆ ಕೂದಲು ಮತ್ತೆ ಬರುವಾಗ ಮತ್ತಷ್ಟು ಒರಟಾಗಿ ಬರುವುದು ಅಲ್ಲದೆ ಮುಖದಲ್ಲಿ ಹೆಣ್ಣಿನ ಕಳೆ ಇರುವುದಿಲ್ಲ.

ಆದ್ದರಿಂದ ಬೇಡದ ಕೂದಲನ್ನು ತೆಗೆಯಲು ಈ ಕೆಳಗಿನ ವಿಧಾನಗಳನ್ನು ಅನುಸರಿಸಬಹುದು.

1. ಕಡಲೆ ಹಿಟ್ಟನ್ನು ಸ್ವಲ್ಪ ಹಾಲಿನಲ್ಲಿ ಮಿಶ್ರ ಮಾಡಿ ಅದಕ್ಕೆ ಸ್ವಲ್ಪ ಅರಿಶಿಣ ಹಾಕಿ ನಂತರ ಒಂದು ಚಮಚ ತಾಜಾ ಕೆನೆ ಹಾಕಿ ಮಿಶ್ರ ಮಾಡಿ ಅದನ್ನು ಮುಖದಲ್ಲಿ ಬೇಡದ ಕೂದಲಿರುವ ಜಾಗಕ್ಕೆ ಹಚ್ಚಬೇಕು. ನಂತರ 20 ನಿಮಿಷ ಬಿಟ್ಟು ಮುಖವನ್ನು ಕೈಯಿಂದ ಸ್ಕ್ರಬ್ ಮಾಡಬೇಕು. ಈ ರೀತಿ ಮಾಡುವಾಗ ಸ್ವಲ್ಪ ಕಿರಿಕಿರಿ ಅನಿಸಬಹುದು. ಆದರೆ ಈ ರೀತಿ ಮಾಡಿದ್ದೇ ಆದರೆ ಗಲ್ಲ ಮತ್ತು ಮೂಗಿನ ಕೆಳ ಭಾಗದಲ್ಲಿ ಇರುವ ಬೇಡದ ಕೂದಲು ತೆಗೆಯಲು ಸಹಕಾರಿಯಾಗಿದೆ.

2. ಸಕ್ಕರೆ, ನಿಂಬೆ ರಸ ಮತ್ತು ನೀರು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಡಬೇಕು. ನಂತರ ತಣ್ಣೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಒಂದು ತಿಂಗಳಿನವರೆಗೆ ಮಾಡಿದರೆ ಬೇಡದ ಕೂದಲಿನಿಂದ ಮುಕ್ತಿ ಪಡೆಯಬಹುದು.

3. ಒಂದೂವರೆ ಚಮಚ ಜೋಳದ ಹಿಟ್ಟು, ಒಂದು ಚಮಚ ಸಕ್ಕರೆ, ಒಂದು ಮೊಟ್ಟೆ ಇವುಗಳಿಂದ ಸ್ವಲ್ಪ ಗಟ್ಟಿಯಾದ ಪೇಸ್ಟ್ ಮಾಡಬೇಕು. ನಂತರ ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಬೇಕು. ನಂತರ ಇದು ಒಣಗಿದ ನಂತರ ಆ ಪದರವನ್ನು ಫೇಸ್ ಮಾಸ್ಕ್ ಕೀಳುವ ರೀತಿಯಲ್ಲಿ ಕಿತ್ತು ತೆಗೆಯಬೇಕು. ಈ ರೀತಿ ಮಾಡಿ ಬೇಡದ ಕೂದಲನ್ನು ಮುಖದಿಂದ ತೆಗೆಯಬಹುದು.

4. ವ್ಯಾಕ್ಸಿಂಗ್‌ನಿಂದ ಈ ರೀತಿಯ ಬೇಡದ ಕೂದಲನನ್ನು ತೆಗೆಯಬಹುದು. ಆದರೆ ತುಂಬಾ ಸೂಕ್ಷ್ಮ ತ್ವಚೆ ಇರುವವರೆಗೆ ಈ ರೀತಿ ವ್ಯಾಕ್ಸಿಂಗ್ ಮಾಡಿದರೆ ಅಲರ್ಜಿ ಕಂಡ ಬರುತ್ತದೆ. ಅಂತಹವರು ಥ್ರೆಡ್ಡಿಂಗ್ ಮಾಡುತ್ತಿರಬೇಕು. ಥ್ರೆಡ್ಡಿಂಗ್ ತಿಂಗಳಿಗೆ ಒಮ್ಮೆ ಮಾಡಿಸಬೇಡಿ. ತಿಂಗಳಿನಲ್ಲಿ ಒಮ್ಮೆ ಮಾಡಿಸಿದರೆ ಶೇವಿಂಗ್ ಮಾಡಿದ ರೀತಿ ಕಾಣುವುದು. ಆದ್ದರಿಂದ 2 ದಿನಕ್ಕೆ ಒಮ್ಮೆ ನೀವೆ ಮಾಡಿ, ಇದರಿಂದ ಬೇಡದ ಕೂದಲು ಬೆಳೆಯುವುದಿಲ್ಲ. ಮುಖ ಕೂಡ ನೀಟಾಗಿ ಕಾಣುವುದು.