ಸರಳ ವಿಧಾನ ಪಾಲಿಸಿ ಸ್ವಚ್ಛ ತ್ವಚೆ ಪಡೆಯಿರಿ

Skin Care

oi-Reena

By Hema S

Updated: Wednesday, October 17, 2012, 11:52 [IST]

ಸ್ವಚ್ಛವಾದ ತ್ವಚೆ ಪಡೆಯುವುದು ಅನೇಕರ ಕನಸ್ಸಾಗಿರುತ್ತದೆ. ಅದಕ್ಕಾಗಿ ಬೆಲೆ ಬಾಳುವ ಕ್ರೀಮ್ ಗಳಿಗೆ ದುಡ್ಡು ವ್ಯಯ ಮಾಡುವ ಬದಲು ಈ ಸರಳ ವಿಧಾನವನ್ನು ಪಾಲಿಸಿ ನೋಡಿ ಸ್ವಚ್ಛವಾದ ಹಾಗೂ ಅಂದವಾದ ತ್ವಚೆ ನಿಮ್ಮದಾಗುವುದು.

1. ಮುಖವನ್ನು ತಣ್ಣೀರಿನಿಂದ ಅಥವಾ ಹದ ಬಿಸಿ ನೀರಿನಿಂದ ದಿನದಲ್ಲಿ 4-5 ಬಾರಿ ತೊಳೆಯಬೇಕು. ಹೊರಗಡೆ ಹೋಗಿ ಬಂದ ತಕ್ಷಣ ಫೇಸ್ ವಾಶ್ ಬಳಸಿ ಮುಖ ತೊಳೆಯಬೇಕು. ಮೊಡವೆ ಇದ್ದರೆ ಬ್ಯಾಕ್ಟೀರಿಯಾಗಳ ನಾಶ ಪಡಿಸುವ ಕ್ಲೆನ್ಸರ್ ಬಳಸಿ. ಬಿಸಿಲಿಗೆ ಹೋಗುವುದಾದರೆ ಸನ್ ಸ್ಕ್ರೀನ್ ಬಳಸಿ.

2. ನಂತರ ಟವಲ್ ಅನ್ನು ಬಿಸಿ ನೀರಿನಲ್ಲಿ ಮುಳುಗಿಸಿ ಅದರಿಂದ ಮುಖ ಒರೆಸಿ. ಈ ರೀತಿ ಮಾಡಿದರೆ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು. ತುಂಬಾ ಬಿಸಿಯಾದ ನೀರನ್ನು ಬಳಸಬೇಡಿ.

3. ಮುಖವನ್ನು ಕೈಯಿಂದ ಆಗಾಗ ಮುಟ್ಟುತ್ತಾ ಇರಬಾರದು. ಕೈಯನ್ನು ಮುಖಕ್ಕೆ ತಾಗಿಸುವ ಮೊದಲು ಕೈಯನ್ನು ಸ್ವಚ್ಛವಾಗಿ ತೊಳೆದಿರಬೇಕು.

4. ಸಕ್ಕರೆ ಮತ್ತು ನೀರು: ವಾರಕ್ಕೆ ಎರಡು ಬಾರಿ ಸ್ವಲ್ಪ ನೀರಿಗೆ ಸ್ವಲ್ಪ ಸಕ್ಕರೆ ಹಾಕಿ ಅದರಿಂದ ಮುಖವನ್ನು ಸ್ಕ್ರಬ್ ಮಾಡಬೇಕು. ಈ ರೀತಿ ಮಾಡಿದರೆ ಮುಖದಲ್ಲಿರುವ ಬ್ಲ್ಯಾಕ್ ಹೆಡ್ಸ್ ಅನ್ನು ಹೋಗಲಾಡಿಸಬಹುದು.

5. ನಿಂಬೆ ರಸವನ್ನು ಮುಖಕ್ಕೆ ಹಚ್ಚಿದರೆ ಮುಖ ಹೊಳಪನ್ನು ಪಡೆಯುತ್ತದೆ. ನಿಂಬೆರಸ ಮುಖಕ್ಕೆ ಹಚ್ಚಿದರೆ ಮುಖದಲ್ಲಿ ಮೊಡವೆ ಇದ್ದರೆ ಕಡಿಮೆಯಾಗುವುದು.