ಸುಂದರವಾದ ಪಾದಗಳಿಗಾಗಿ ಮಾಡಬೇಕು ಸ್ಪಾ!

Skin Care

oi-Reena

By Hema S

Published: Monday, June 4, 2012, 12:22 [IST]

ಕಾಲುಗಳ ಸೌಂದರ್ಯವನ್ನು ಹೆಚ್ಚಿಸಲು ಸ್ಪಾ ಮಾಡಬೇಕು. ಆದರೆ ಸ್ಪಾ ಮಾಡಿಸಲು ಬ್ಯೂಟಿ ಪಾರ್ಲರ್ ಗಳಿಗೆ ಹೋದರೆ ಅಧಿಕ ದುಡ್ಡು ಸುರಿಯಬೇಕಾಗುತ್ತದೆ. ಅದರ ಬದಲು ನಿಮ್ಮ ಕಾಲುಗಳ ಆರೈಕೆಗೆ ಮನೆಯಲ್ಲಿಯೇ ಆರೈಕೆ ಮಾಡಿ ಕೂಡ ಸುಂದರವಾದ ಪಾದಗಳನ್ನು ಪಡೆಯಬಹುದು. ಆಕರ್ಷಕ ಪಾದಗಳನ್ನು ಪಡೆಯಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

ಮೊದಲು ನೇಲ್ ಪಾಲಿಷ್ ತೆಗೆಯಬೇಕು: ಅಸಿಟೋನ್ ಇಲ್ಲದ ರಿಮೋವರ್ ಬಳಸುವುದು ಒಳ್ಳೆಯದು. ಏಕೆಂದರೆ ಅಸಿಟೋನ್ ಬಳಸಿದರೆ ಉಗುರುಗಳು ಒಣಗಿದಂತೆಯಾಗುತ್ತದೆ.

ಉಗುರುಗಳನ್ನು ಕತ್ತರಿಸಬೇಕು: ನೇಪ್ ಪಾಲಿಷ್ ತೆಗೆದ ನಂತರ ಉಗುರುಗಳನ್ನು ಕತ್ತರಿಸಬೇಕು. ಉದ್ದದ ಉಗುರು ಬಿಡಲು ಇಷ್ಟ ಪಡುವವರು ಉಗುರುಗಳ ಶುದ್ಧತೆ ಕಡೆ ಹೆಚ್ಚಿನ ಗಮನ ಕೊಡಬೇಕು. ಪ್ರತಿದಿನ ದೂಳಿನಲ್ಲಿ ಓಡಾಡುವುದರಿಂದ ತ್ವಚೆ ತನ್ನ ಸೌಂದರ್ಯವನ್ನು ಕಳೆದುಕೊಂಡಿರುತ್ತದೆ. ಉಗುರಿನಲ್ಲಿ ಕೊಳೆ ತುಂಬಿ ಇರುತ್ತದೆ. ಆದ್ದರಿಂದ ಚಿಕ್ಕ ಹಲ್ಲುಜ್ಜುವ ಬ್ರೆಷ್ ನಿಂದ ತಿಕ್ಕಿ ಉಗುರಿನಲ್ಲಿರು ಕೊಳೆಯನ್ನು ತೆಗೆಯಬೇಕು.

ಪಾದಗಳ ಆರೈಕೆ:
1. ಒಂದು ಬೇಸನ್ ನಲ್ಲಿ ಹದಬಿಸಿ ನೀರು ಹಾಕಿ, ಅದಕ್ಕೆ ಸ್ವಲ್ಪ ಉಪ್ಪು ಹಾಕಿ ಅದರಲ್ಲಿ ಕಾಲುಗಳನ್ನು ಇಟ್ಟು 10 ನಿಮಿಷ ಕೂರಬೇಕು.

2. ನಂತರ ಪ್ಯೂಮಿಕ್ ಸ್ಟೋನ್ ನಿಂದ ಕಾಲುಗಳನ್ನು ಉಜ್ಜಬೇಕು. ನಂತರ ಬ್ರಷ್ ಹಾಕಿ ತಿಕ್ಕಿದರೆ ಕಾಲುಗಳು ಶುಚಿಯಾಗುತ್ತದೆ.

3. ನಂತರ ನಿಂಬೆ ಹಣ್ಣಿನಿಂದ ಈ ಕೆಳಗಿನ ವಿಧಾನದಲ್ಲಿ ಕಾಲು ಬೆರಳುಗಳನ್ನು ಶುಚಿಗೊಳಿಸಬಹುದು.

* ನಿಂಬೆ ಹಣ್ಣು ಮತ್ತು ಉಪ್ಪು: ನಿಂಬೆ ಹಣ್ಣನ್ನು ಕತ್ತರಿಸಿ ಅದರಲ್ಲಿ ಸ್ವಲ್ಪ ಉಪ್ಪು ಪುಡಿ ಹಾಕಿ ಮೇಲೆ ಮಾಡಿದಂತೆ ಬಿಸಿ ನೀರಿನಲ್ಲಿ ಉಗುರುಗಳನ್ನು ನೆನೆಸಿ 5-6 ನಿಮಿಷ ಇಟ್ಟು ನಿಂಬೆಹಣ್ಣನ್ನು ಮೆಲ್ಲನೆ ಉಜ್ಜಬೇಕು ನಂತರ ಮೃದುವಾದ ಬ್ರಷ್ ಬಳಸಿ ತಿಕ್ಕಬೇಕು.

* ನಿಂಬೆಹಣ್ಣು ಮತ್ತು ಗ್ಲಿಸರಿನ್: ಒಣ ತ್ವಚೆ ಇರುವವರು ನಿಂಬೆ ಹೋಳಿಗೆ ಸ್ವಲ್ಪ ಗ್ಲಿಸರಿನ್ ಹಾಕಿ ಬೆರಳುಗಳನ್ನು ತಿಕ್ಕಬೇಕು. ಈ ರೀತಿ ಮಾಡಿದರೆ ಬೆರಳುಗಳು ಮಾಯಿಶ್ಚರೈಸರ್ ಅಗಿ ಇರುತ್ತದೆ.

*ನಿಂಬೆ ಹಣ್ಣು ಮತ್ತು ಸಕ್ಕರೆ : ನೈಸರ್ಗಿಕ ಸ್ಕ್ರಬ್ಬರ್ ಅಗಿ ಸಕ್ಕರೆ ಬಳಸಬಹುದು. ನಿಂಬೆರಸ ಮತ್ತು ಸಕ್ಕರೆ ಜಿತೆ ಸ್ವಲ್ಪ ನೀರು ಬೆರೆಸಿ ಅದರಲ್ಲಿ ಬೆರಳುಗಳನ್ನು ನೆನೆಸಿ ನಂತರ ಮೃದು ಬ್ರಷ್ ಬಳಸಿ ತಿಕ್ಕಿ ತಣ್ಣಿರಿನಿಂದ ಕೈ ತೊಳೆಯಬೇಕು. ಹೀಗೆ ಮಾಡಿದರೆ ಕೈಬೆರಳುಗಳಿಗೆ ಹೊಳಪು ಬರುತ್ತದೆ.

4. ಸ್ಕ್ರಬ್ ಮಾಡಿದ ನಂತರ ಬೇಸನ್ ಗೆ ಪುನಃ ಸ್ವಲ್ಪ ಹದ ಬಿಸಿ ನೀರು ಹಾಕಿ ಅದರಲ್ಲಿ ಒಂದು ಚಮಚ ಅಡುಗೆ ಸೋಡಾ ಹಾಕಿ 5 ನಿಮಿಷ ಕಾಲ ಇಡಬೇಕು. ನಂತರ ಪುನಃ ಕಾಲುಗಳನ್ನು ಉಜ್ಜಬೇಕು.

5. ನಂತರ ಕಾಲುಗಳನ್ನು ಚೆನ್ನಾಗಿ ತೊಳೆದು ಮಾಯಿಶ್ಚರೈಸರ್ ಕ್ರೀಮ್ ಹಚ್ಚಿದರೆ ಕಾಲುಗಳ ಸುಂದರವಾಗಿ ಕಣುತ್ತದೆ. ಅಲ್ಲದೆ ಕಾಲು ಒಡೆಯುವ ಸಮಸ್ಯೆ ನಿವಾರಣೆಯಾಗುತ್ತದೆ.