ಪುರುಷರು ಆಕರ್ಷಕವಾಗಿ ಕಾಣಬಯಸುವುದು ತಪ್ಪೇ?

Skin Care

oi-Reena

By Hema S

Updated: Monday, August 6, 2012, 10:44 [IST]

ಮೇಕಪ್, ಬ್ಯೂಟಿ ಟಿಪ್ಸ್ ಇವುಗಳು ಮಹಿಳೆಯರಿಗೆ ಮಾತ್ರ ಸೀಮಿತವೆ? ಪುರುಷರಿಗೆ ಬೇಡವೆ? ಹೆಚ್ಚಿನ ಪುರುಷರಿಗೆ ನಾನು ಬೆಳ್ಳಗೆ, ಸುಂದರವಾಗಿ ಕಾಣಬೇಕು ಎಂಬ ಆಸೆ ಇರುತ್ತದೆ. ಆದರೆ ಯಾರ ಹತ್ತಿರವೂ ಬ್ಯೂಟಿ ಟಿಪ್ಸ್ ಕೇಳಲು ಇಷ್ಟಪಡುವುದಿಲ್ಲ, ಹುಡುಗಿಯರ ರೀತಿ ಆಡುತ್ತಾನೆ ಅಂದು ಬಿಡುತ್ತಾರೆ ಅನ್ನುವ ಮುಜುಗರ.

ನೀವು ಆಕರ್ಷಕವಾಗಿ ಕಾಣಬೇಕೆಂದು ಬಯಸುವುದರಲ್ಲಿ ಯಾವುದೇ ತಪ್ಪಿಲ್ಲ. ತಾಜಾ ತ್ವಚೆ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಈ ಕೆಳಗೆ ಕೆಲ ಸರಳ ಸಲಹೆಗಳಿವೆ, ಇವುಗಳನ್ನು ಪಾಲಿಸಿದ್ದೇ ಆದರೆ ಆಕರ್ಷಕ ತ್ವಚೆ ನಿಮ್ಮದಾಗುವುದು.

ಬೆಳಗ್ಗೆ ಎದ್ದ ತಕ್ಷಣ ಶೇವ್ ಮಾಡಬೇಡಿ: ಸಾಧ್ಯವಾದಷ್ಟು ಬೆಳಗ್ಗೆ ಎದ್ದ ತಕ್ಷಣ ಶೇವ್ ಮಾಡಬೇಡಿ. ಎದ್ದು ಸ್ವಲ್ಪ ಹೊತ್ತು ಬಿಟ್ಟ ನಂತರ ಶೇವ್ ಮಾಡಿ. ಏಕೆಂದರೆ ಬೆಳಗ್ಗೆ ಎದ್ದ ತಕ್ಷಣ ಶೇವ್ ಮಾಡಿದರೆ ಶೇವ್ ಕ್ರೀಮ್ ಮುಖದಲ್ಲಿರುವ ತೇವಾಂಶವನ್ನು ಹೋಗಲಾಡಿಸುತ್ತದೆ. ಇದರಿಂದ ತ್ವಚೆ ತುಂಬಾ ಡ್ರೈ ಆಗುವುದು. ಈ ರೀತಿ ಮಾಡಿದರೆ ತ್ವಚೆಯ ತಾಜಾತನ ಹೆಚ್ಚುವುದು. ಅಲ್ಲದೆ ಶೇವ್ ಮಾಡಿದ ತಕ್ಷಣ ಮಾಯಿಶ್ಚರೈಸರ್ ಮಾಡಲು ಮರೆಯಬೇಡಿ.

ಮೃದು ತ್ವಚೆಗಾಗಿ ಈ ವಿಧಾನವನ್ನುಅನುಸರಿಸಬಹುದು:

* ಬಾಳೆ ಹಣ್ಣನ್ನು ಮುಖದ ಮೇಲೆ ತಿಕ್ಕಿ ನಂತರ 10 ನಿಮಿಷ ಬಿಟ್ಟು ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಮಾಡಲು ತುಂಬಾ ಹಣ್ಣಾದ ಬಾಳೆ ಹಣ್ಣ್ನು ಬಳಸಿ.

* ಮುಖದ ಬಿಳುಪು ಹೆಚ್ಚಿಸಲು ಬಾದಾಮಿ, ಕಹಿಬೇವಿನ ಎಲೆ, ಚಂದನ, ಮತ್ತು ಸವಲ್ಪ ಗಸೆಗಸೆ ಇವೆಷ್ಟನ್ನೂ ಚೆನ್ನಾಗಿ ಅರೆದು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಬೇಕು. ನಂತರ ಒಣಗಿದ ಮೇಲೆ ಈ ಫೇಸ್ ಮಾಸ್ಕ್ ಅನ್ನು ಕೈಯಿಂದ ಮುಖವನ್ನು ವೃತ್ತಾಕಾರವಾಗಿ ಉಜ್ಜುತ್ತಾ ತೆಗೆಯಬೇಕು. ನಂತರ ಹದ ಬಿಸಿ ನೀರಿನಿಂದ ಮುಖ ತೊಳೆಯಬೇಕು.

* ವಾರಕ್ಕೊಮ್ಮೆ ಸೌತೆಕಾಯಿಯನ್ನು ಪೇಸ್ಟ್ ರೀತಿ ಮಾಡಿ ಅದಕ್ಕೆ ಸ್ವಲ್ಪ ನಿಂಬೆ ರಸ ಹಾಕಿ ಮಿಶ್ರ ಮಾಡಿ ಮುಖ ಮತ್ತು ಮೈಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ಮುಖ ತೊಳೆಬೇಕು. ಈ ರೀತಿ ಮಾಡಿ ನಿಮ್ಮ ತ್ವಚೆ ಕಾಂತಿ ಹೆಚ್ಚುವುದು.