ತಕ್ಷಣ ಮುಖದ ಕಾಂತಿ ಹೆಚ್ಚಿಸಲು 5 ಮಾರ್ಗಗಳು

ಯಾರಾದರೂ ಮದುವೆಗೆ ಕರೆದರೆ ನಿಗಧಿತ ದಿನಾಂಕ ಗೊತ್ತಿರುವುದರಿಂದ ಆ ದಿನಕ್ಕೆ ಯಾವ ರೀತಿ ಯಾವ ಫೇಶಿಯಲ್ ಮಾಡಿಸಿದರೆ ಒಳ್ಳೆಯದು, ಯಾವ ಮೇಕಪ್ ಮಾಡಬೇಕು, ಯಾವ ಡ್ರೆಸ್ ಧರಿಸಬೇಕು ಎಂದೆಲ್ಲಾ ಮೊದಲೇ ನಿರ್ಧರಿಸಿರುತ್ತೇವೆ.

ಆದರೆ ಕೆಲವೊಮ್ಮೆ ಇದ್ದಕ್ಕಿದ್ದ ಹಾಗೇ ಯಾವುದಾದರೂ ಪಾರ್ಟಿಗೆ ಹೋಗಬೇಕಾಗುತ್ತದೆ. ಪಾರ್ಲರ್ ಹೆ ಗೋಗಿ ಫೇಶಿಯಲ್ ಮಾಡಿಸಿಕೊಂಡು ಕೂರುವಷ್ಟು ಪುರುಸೊತ್ತು ಇರುವುದಿಲ್ಲ. ಆಗ ಈ ಕೆಳಗಿನಂತೆ ಮಾಡಿದರೆ ಸಾಕು ನಿಮ್ಮ ಮುಖದ ಹೊಳಪು ಹೆಚ್ಚಾಗುವುದು.

1. ಬಾಳೆ ಹಣ್ಣಿನಿಂದ ಮಸಾಜ್: ಬಾಳೆ ಹಣ್ಣನ್ನು ಚೆನ್ನಾಗಿ ಹಿಸುಕಿ ಅದರಿಂದ 5 ನಿಮಿಷ ಮುಖಕ್ಕೆ ಮಸಾಜ್ ಮಾಡಿದರೆ ಸಾಕು ಮುಖದ ಹೊಳಪು ಹೆಚ್ಚಾಗುವುದು

2. ಸೌತೆಕಾಯಿಯ ಫೇಸ್ ಮಾಸ್ಕ್: ಸೌತೆ ಕಾಯಿಯನ್ನು ಕತ್ತರಿಸಿ ಅದರಿಂದ ಮುಖವನ್ನು ತಿಕ್ಕಿದರೆ ಸಾಕು, ಮುಖ ಶುಭ್ರವಾಗಿ ಕಾಣುವುದು.

3. ಪಪ್ಪಾಯಿ ಫೇಸ್ ಮಾಸ್ಕ್: ಪಪ್ಪಾಯಿಯ ತಿರುಳನ್ನು ಮುಖಕ್ಕೆ ಹಚ್ಚಿ 15 ನಿಮಿಷದ ಬಳಿಕ ತೊಳೆದರೆ ಸಾಕು ಮುಖದಲ್ಲಿರುವ ಜಿಡ್ಡಿನಂಶ ಮಾಯವಾಗಿ ಮುಖದ ಹೊಳಪು ಹೆಚ್ಚಿಸುತ್ತದೆ.

4. ಆಲೀವ್ ಎಣ್ಣೆಯ ಫೇಸ್ ಮಾಸ್ಕ್: ಮುಖಕ್ಕೆ ಮೇಕಪ್ ಹಚ್ಚುವ ಮುನ್ನ ಆಲೀವ್ ಎಣ್ಣೆಯನ್ನು ಮುಖಕ್ಕೆ ಹಚ್ಚಿಕೊಂಡು ಮುಖ ತೊಳೆದು ನಂತರ ಮೇಕಪ್ ಮಾಡಿದರೆ ಮುಖದ ಹೊಳಪು ಹೆಚ್ಚುವುದು.

5. ಮುಲ್ತಾನಿ ಮಿಟಿ: ಮುಲ್ತಾನಿ ಮಿಟಿಯನ್ನು ಕಲೆಸಿ ಅದನ್ನು ಮುಖಕ್ಕೆ ಹಚ್ಚಿಕೊಂಡು 10-15 ನಿಮಿಷದ ಬಳಿಕ ಮುಖ ತೊಳೆದರೆ ಮುಖದ ಕಾಂತಿ ಹೆಚ್ಚುವುದು.