ಬ್ಲ್ಯಾಕ್ ಹೆಡ್ಸ್ ಸಮಸ್ಯೆಗೆ ಗುಡ್ ಬೈ ಹೇಳಬೇಕೆ?

Skin Care

oi-Reena

By Hema S

Updated: Tuesday, August 28, 2012, 17:34 [IST]

ಮೊಡವೆಯಷ್ಟೇ ಕಿರಿಕಿರಿ ತರುವ ವಿಷಯವೆಂದರೆ ಬ್ಲ್ಯಾಕ್ ಹೆಡ್ಸ್. ಮೂಗಿನ ಸಮೀಪ, ಗಲ್ಲದಲ್ಲಿ ಬ್ಲ್ಯಾಕ್ ಹೆಡ್ಸ್ ಹೆಚ್ಚಾಗಿ ಕಂಡು ಬರುತ್ತದೆ. ಈ ರೀತಿಯ ತ್ವಚೆ ಸಮಸ್ಯೆಗೆ ಕ್ಲೀನ್ ಅಪ್, ಕ್ಲೆನ್ಸಿಂಗ್ ಮಾಡಿದರೆ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುವುದು. ಇದನ್ನು ಸಂಪೂರ್ಣವಾಗಿ ಹೋಗಲಾಡಿಸಲು ಈ ಕೆಳಗಿನ ಫೇಶಿಯಲ್ ಟ್ರೀಟ್ ಮೆಂಟ್ ಮಾಡಿದರೆ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆಗೆ ಸುಲಭದಲ್ಲಿ ಗುಡ್ ಬೈ ಹೇಳಬಹುದು:

ಜೇನು:
ಜೇನನ್ನು ಬಿಸಿ ಮಾಡಿ, ಅದು ಸ್ವಲ್ಪ ತಣ್ಣಗಾದ ಮೇಲೆ ಬೆರಳಿನಿಂದ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಮುಖ ತೊಳೆಯಬೇಕು. ಈ ರೀತಿ ಮಾಡಿದರೆ ಮುಖದ ಕಾಂತಿ ಹೆಚ್ಚಾಗುವುದು.

ದ್ರಾಕ್ಷಿ:
ದ್ರಾಕ್ಷಿಯಲ್ಲಿ anti-oxidants ಅಂಶ ಅಧಿಕವಿರುವುದರಿಂದ ದ್ರಾಕ್ಷಿಯನ್ನು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಮುಖ ತೊಳೆದರೆ ಮುಖದಲ್ಲಿರುವ ರಂಧ್ರಗಳು ಮುಚ್ಚಿ ಹೋಗುತ್ತವೆ ಮತ್ತು ಮುಖ ಹೊಳಪನ್ನು ಪಡೆಯುವುದು.

ಅರಿಶಿಣ ಪುಡಿ:
ಒಂದು ಚಮಚ ಪುದೀನಾ ರಸಕ್ಕೆ ಒಂದು ಚಮಚ ಅರಿಶಿಣ ಪುಡಿ ಹಾಕಿ ಕೆನ್ನೆ, ಮೂಗಿನ ಸಮೀಪ ಮತ್ತು ಗಲ್ಲಕ್ಕೆ ಹಾಕಿ ಉಜ್ಜಿದರೆ ಬ್ಲ್ಯಾಕ್ ಹೆಡ್ಸ್ ಅನ್ನು ಸುಲಭವಾಗಿ ಹೋಗಲಾಡಿಸಬಹುದು.

ಕಿತ್ತಳೆ ಸಿಪ್ಪೆ:
ಕಿತ್ತಳೆ ಸಿಪ್ಪೆಯನ್ನು ಅರೆದು ಪೇಸ್ಟ್ ರೀತಿ ಮಾಡಿ ಅದಕ್ಕೆ ಒಂದು ಚಮಚ ಹಾಲು ಸೇರಿಸಿ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ತೊಳೆಯಬೇಕು. ಈ ರೀತಿ ವಾರದಲ್ಲಿ 2 ಬಾರಿ ಮಾಡುತ್ತಾ ಬಂದರೆ ಬ್ಲ್ಯಾಕ್ ಹೆಡ್ಸ್ ಕಡಿಮೆಯಾಗುವುದು.

ಗ್ರೀನ್ ಟೀ:
ಗಒಂದು ಚಮಚ ಗ್ರೀನ್ ಟೀಯನ್ನು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ ನಂತರ 15 ನಿಮಿಷದ ಬಳಿಕ ಮುಖ ತೊಳೆದರೆ ಮುಖದಲ್ಲಿರುವ ರಂಧ್ರಗಳು ಮರೆಮಾಚುತ್ತದೆ ಮತ್ತು ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಕಂಡು ಬರುವುದಿಲ್ಲ.