ಬೆಣ್ಣೆಯಂತಹ ಮೈಗಾಗಿ ಬೆಣ್ಣೆಯಿಂದ ಆರೈಕೆ

ನಮ್ಮಲ್ಲಿ ಹೆಚ್ಚಿನವರು ಮುಖಕ್ಕೆ ಮಾಡುವ ಆರೈಕೆಯನ್ನು ಮೈಗೆ ಮಾಡುವುದಿಲ್ಲ. ಮುಖ ಮಾತ್ರ ನೋಡಲು ಸುಂದರ ಮತ್ತು ಹೊಳಪಿನಿಂದ ಕೂಡಿದ್ದು ಮೈ ಮಾತ್ರ ಒರಟಾಗಿ ಕಂಡರೆ ನೋಡಿದವರಿಗೆ ನೀವು ಮುಖಕ್ಕೆ ಮೇಕಪ್ ಮಾಡಿ ಆ ರೀತಿ ಕಾಣುತ್ತಿದ್ದೀರ ಅಂತ ಅನಿಸುವುದು. ಆದ್ದರಿಂದ ನೈಸರ್ಗಿಕ ಚೆಲುವಿನಿಂದ ಮಿಂಚಲು ಮೈ ಆರೈಕೆ ಕಡೆ ಕೂಡ ಗಮನ ಕೊಡುವುದು ಒಳ್ಳೆಯದು.

ಈ ರೀತಿ ಮೈ ತ್ವಚೆ ಆರೈಕೆ ಮಾಡಲು ಎಣ್ಣೆ ಅಥವಾ ಬೆಣ್ಣೆ ಬಳಸಿದರೆ ಒಳ್ಳೆಯದು. ತ್ವಚೆ ಕಾಂತಿ ಹೆಚ್ಚಿಸುವಲ್ಲಿ ಈ ಕೆಳಗಿನ ಬೆಣ್ಣೆಗಳು ತುಂಬಾ ಸಹಕಾರಿಯಾಗಿದೆ.

ಶೀಯಾ ಬಟರ್: ಶೀಯಾ ಬಟರ್ ಅಂಗಡಿಗಳಲ್ಲಿ ದೊರೆಯುತ್ತದೆ. ಇದನ್ನು ಈ ಕೆಳಗಿನಂತೆ ಬಳಸಿದರೆ ತ್ವಚೆ ಕಾಂತಿ ಹೆಚ್ಚುವುದು.

* ಅರ್ಧ ಕಪ್ ಶೀಯಾ ಬಟರ್ ಗೆ 2 ಚಮಚ ಆಲೀವ್ ಎಣ್ಣೆ ಹಾಕಿ ಮಿಶ್ರ ಮಾಡಿ ದೇಹಕ್ಕೆ ಹಚ್ಚಬೇಕು. ಇದು ಒರಟು ತ್ವಚೆಯನ್ನು ಮೃದು ಮಾಡಲು ಸಹಕಾರಿಯಾಗಿದೆ.

* ಶೀಯಾ ಬಟರ್ ಗೆ 10 ಹನಿ ದ್ರಾಕ್ಷಿ ಎಣ್ಣೆ ಮತ್ತು 10 ಹನಿ ಆಪ್ರಿಕಾಟ್ ಎಣ್ಣೆ ಮಿಶ್ರ ಮಾಡಿ ಈ ಮಿಶ್ರಣವನ್ನು ಮೈಗೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ಉಗುರು ಬೆಚ್ಚಗಿನ ನೀರಿನಿಂದ ಮೈ ತೊಳೆದರೆ ತ್ವಚೆ ಕಾಂತಿ ಹೆಚ್ಚುವುದು.

ಕೋಕಾ ಬಟರ್ ಗೆ 10-12 ಹನಿ ರೋಸ್ ವಾಟರ್ ಮತ್ತು 1 ಚಮಚ ನಿಂಬೆ ರಸ ಹಾಕಿ ಮಿಶ್ರ ಮಾಡಿ ಮೈಗೆ ಹಚ್ಚಿದರೆ ಮೈ ಕಾಂತಿ ಹೆಚ್ಚಾಗುತ್ತದೆ.

ಮ್ಯಾಂಗೊ ಬಟರ್ (ಮಾವಿನ ಹಣ್ಣಿನಿಂದ ತಯಾರಿಸಿದ ಬೆಣ್ಣೆ) : ಇದು ಕೂಡ ಫುಡ್ ಸೆಂಟರ್ ಗಳಲ್ಲಿ ಸಿಗುತ್ತದೆ.

* ಮ್ಯಾಂಗೊ ಬಟರ್ ಗೆ 7-8 ಹನಿ ಆಪ್ರಿಕಾಟ್ ಮತ್ತು ಸ್ವಲ್ಪ ತೆಂಗಿನೆಣ್ಣೆ ಮಿಶ್ರ ಮಾಡಿ ಮೈಗೆ ಹಚ್ಚಬಹುದು.

* ಅರ್ಧ ಕಪ್ ಮ್ಯಾಂಗೊ ಬಟರ್ ಗೆ 7-8 ಹನಿ ಲ್ಯಾವೆಂಡರ್ ಎಣ್ಣೆ ಮತ್ತು ಸ್ವಲ್ಪ ನಿಂಬೆ ರಸ ಬೆರೆಸಿ ಕೂಡ ಮೈಗೆ ಹಚ್ಚಬಹುದು.

* ಮಾಯಿಶ್ಚರೈಸರ್ ಮಾಡಲು ಮ್ಯಾಂಗೊ ಬಟರ್ , ಲೋಳೆ ಸರ, ಬೆಣ್ಣೆ ಹಣ್ಣಿನ (ಅವಕಾಡೊ) ಎಣ್ಣೆ ಮಿಶ್ರ ಮಾಡಿ ತ್ವಚೆಗೆ ಹಚ್ಚಿದರೆ ತ್ವಚೆಯನ್ನು ಅತ್ಯುತ್ತಮ ರೀತಿಯಲ್ಲಿ ಮಾಯಿಶ್ಚರೈಸರ್ ಮಾಡುವುದು.

ಇವುಗಳನ್ನು ಬಳಸಿದರೆ ತ್ವಚೆ ಮೃದುವಾಗುವುದು ಮತ್ತು ತ್ವಚೆ ಕಾಂತಿ ಹೆಚ್ಚಾಗುವುದು. ಈ ಮಾಯಿಶ್ಚರೈಸರ್ ಗಳನ್ನು ಒಣ ಅಥವಾ ತಂಪಾದ ಸ್ಥಳದಲ್ಲಿ ಸಂಗ್ರಹಿಸಬಹುದು. ಈ ಮೇಲಿನ ವಿಧಾನಗಳನ್ನು ಮಾಡಿ ನೋಡಿ, ಹೊಳಪಿನ ತ್ವಚೆ ನಿಮ್ಮದಾಗುವುದು.