ಫೇಶಿಯಲ್ ಮಾಡಿಸುವಾಗ ಗಮನಿಸಬೇಕಾದ ಅಂಶಗಳು

Skin Care

oi-Reena

By Hema S

Updated: Friday, September 14, 2012, 11:30 [IST]

ಫೇಶಿಯಲ್ ಮಾಡಿಸಿದರೆ ಮುಖದ ಕಾಂತಿ ಹೆಚ್ಚಾಗುವುದು. ಈ ಫೇಶಿಯಲ್ ಅನ್ನು ಮನೆಯಲ್ಲಿಯೂ ಮಾಡಬಹುದು ಅಥವಾ ಪಾರ್ಲರ್ ಗೆ ಹೋಗಿ ಮಾಡಿಸಬಹುದು. ಆದರೆ ಫೇಶಿಯಲ್ ಮಾಡಿಸುವ ಮುನ್ನ ಮತ್ತು ನಂತರ ಕೆಲವೊಂದು ಅಂಶಗಳನ್ನು ಗಮನಿಸಿದರೆ ಫೇಶಿಯಲ್ ಮಾಡಿಸಿದರ ಸಂಪೂರ್ಣ ಪ್ರಯೋಜನ ಪಡೆಯಬಹುದು. ಆ ಅಂಶಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ.

ಫೇಶಿಯಲ್ ಮಾಡಿಸುವ ಮುನ್ನ ಗಮನಿಸಬೇಕಾದ ಅಂಶಗಳು:

1. ಫೇಶಿಯಲ್ ಮಾಡಿಸುವ ಮುನ್ನ ನಿಮ್ಮ ತ್ವಚೆಗೆ ಫೇಶಿಯಲ್ ಮಾಡಿಸಬಹುದೇ, ಇಲ್ಲವೇ ಎಂದು ಬ್ಯೂಟಿಷಿಯನ್ ಹತ್ತಿರ ಕೇಳಿ ಖಚಿತಪಡಿಸಿಕೊಳ್ಳಿ. ಏಕೆಂದರೆ ತುಂಬಾ ಸೂಕ್ಷ್ಮ ತ್ವಚೆ ಹೊಂದಿರುವವರೆಗೆ ಫೇಶಿಯಲ್ ಮಾಡಿಸಿದಾಗ ಮುಖ ಕೆಂಪಾಗಿ ಗುಳ್ಳೆ ಅಥವಾ ಅಲರ್ಜಿ ಕಾಣಿಸಿಕೊಳ್ಳಬಹುದು. ಆದ್ದರಿಂದ ಮೊದಲ ಬಾರಿಗೆ ಫೇಶಿಯಲ್ ಮಾಡಿಸುವುದಾದರೆ ಬ್ಯೂಟಿಷಿಯನ್ ಹತ್ತಿರ ಸಲಹೆ ಕೇಳುವುದು ಒಳ್ಳೆಯದು.

2. ಮುಖದಲ್ಲಿ ಮೊಡವೆ ಇರುವವರು ತುಂಬಾ ಎಚ್ಚರಿಕೆವಹಿಸಬೇಕು. ಕೆಲವೊಮ್ಮೆ ಫೇಶಿಯಲ್ ಮಾಡಿಸಿದ ನಂತರ ಮುಖದಲ್ಲಿ ಚಿಕ್ಕ-ಚಿಕ್ಕ ಮೊಡವೆಗಳು ಕಂಡು ಬರುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಯಾವುದಕ್ಕೂ ಬ್ಯೂಟಿಷಿಯನ್ ರವರ ಸಲಹೆ ಪಡೆಯುವುದು ಒಳ್ಳೆಯದು.

3. ಮುಖದಲ್ಲಿ ಸುಟ್ಟ ಗಾಯಗಳಾಗಿದ್ದು ಅದು ಸಂಪೂರ್ಣವಾಗಿ ಗುಣಮುಖವಾಗದಿದ್ದರೆ ಫೇಶಿಯಲ್ ಮಾಡಿಸಲು ಹೋಗಬಾರದು. ಸನ್ ಟ್ಯಾನ್ ಆಗಿದ್ದರೂ ಫೇಶಿಯಲ್ ಮಾಡಿಸಲು ಹೋಗಬಾರದು.

ಫೇಶಿಯಲ್ ಮಾಡಿಸಿದ ನಂತರ ಈ ಕೆಳಗಿನಂತೆ ಮಾಡಿದರೆ ಒಳ್ಳೆಯದು:

1. ಫೇಶಿಯಲ್ ಮಾಡಿಸಿದ ತಕ್ಷಣ ಮುಖವನ್ನು ಮುಟ್ಟಲು ಹೋಗಬಾರದು. ಮುಖಕ್ಕೆ ಉಗುರು ತಾಗಿದದರೆ ಅಲರ್ಜಿ ಉಂಟಾಗಬಹುದು.

2. ಫೇಶಿಯಲ್ ಮಾಡಿಸಿದ ನಂತರ ಕನಿಷ್ಠ ಎರಡು ಗಂಟೆಗಳ ಕಾಲ ಮುಖ ತೊಳೆಯಬಾರದು. ಮುಖ ತೊಳೆಯುವಾಗ ಸೋಪು ಹಚ್ಚದೆ ತಣ್ಣೀರಿನಿಂದ ಮುಖ ತೊಳೆಯಬೇಕು.

3. ಫೇಶಿಯಲ್ ಮಾಡಿಸಿ ಸ್ವಲ್ಪ ದಿನಗಳವರೆಗೆ ಐಬ್ರೋ ಮಾಡಿಸಲು ಹೋಗಬಾರದು. ಫೇಶಿಯಲ್ ಮಾಡಿಸಿ ಒಂದು ವಾರವರೆಗೆ ಮುಖಕ್ಕೆ ಸ್ಟೀಮ್ ಕೊಡದಿದ್ದರೆ ಒಳ್ಳೆಯದು.

4. ಫೇಶಿಯಲ್ ಮಾಡಿಸಿದ ಮಾರನೆ ದಿನ ಫೇಸ್ ವಾಸ್ ಮತ್ತು ನಿಂಬೆರಸವನ್ನು ಮುಖಕ್ಕೆ ಹಚ್ಚದಿದ್ದರೆ ಒಳ್ಳೆಯದು. ಫೇಶಿಯಲ್ ಮಾಡಿಸಿದ ನಂತರ ಸೌತೆಕಾಯಿಂದ ಸ್ಕ್ರಬ್ ಮಾಡಿದರೆ ಒಳ್ಳೆಯದು.

ಈ ಅಂಶಗಳನ್ನು ಗಮನದಲ್ಲಿಟ್ಟರೆ ಫೇಶಿಯಲ್ ಮಾಡಿಸಿದ ಸಂಪೂರ್ಣ ಪ್ರಯೋಜನ ಪಡೆಯಬಹುದು.