ದೊಡ್ಡವರ ತ್ವಚೆಗೆ ಬೇಬಿ ಪ್ರಾಡಕ್ಟ್ ಪರಿಣಾಮಕಾರಿಯೇ?

Skin Care

oi-Reena

By Hema S

Published: Tuesday, October 9, 2012, 14:47 [IST]

ಬೇಬಿ ಕ್ರೀಮ್, ಬೇಬಿ ಪೌಡರ್ ಹೀಗೆ ಮಕ್ಕಳ ಸೌಂದರ್ಯವರ್ಧಕ ವಸ್ತುಗಳನ್ನು ಮಕ್ಕಳು ಮಾತ್ರವಲ್ಲ ದೊಡ್ಡವರು ಬಳಸುತ್ತಾರೆ. ಆದರೆ ಈ ರೀತಿ ಮಕ್ಕಳ ಕ್ರೀಮ್, ಪೌಡರ್, ಶ್ಯಾಂಪೂಗಳನ್ನು ದೊಡ್ಡವರು ಬಳಸಿದರೆ ಪ್ರಯೋಜನ ದೊರೆಯುವುದೇ? ಮಕ್ಕಳ ಸೌಂದರ್ಯವರ್ಧಕ ವಸ್ತುಗಳಲ್ಲಿ ಯಾವುದನ್ನು ಬಳಸಬಹುದು, ಯಾವುದನ್ನು ಬಳಸಬಾರದು ಎಂದು ತಿಳಿಯಲು ಮುಂದೆ ಓದಿ:

ಬೇಬಿ ಕ್ರೀಮ್: ಬೇಬಿ ಕ್ರೀಮ್ ಮಕ್ಕಳ ತ್ವಚೆಗೆ ಮಾತ್ರವಲ್ಲ ದೊಡ್ಡವರ ತ್ವಚೆಗೂ ತುಂಬಾ ಒಳ್ಳೆಯದು. ಬೇಬಿ ಕ್ರೀಮ್ ಹಚ್ಚಿದರೆ ತ್ವಚೆ ತುಂಬಾ ಮೃದುವಾಗುವುದು. ಬೇಬಿ ಕ್ರೀಮ್ ಅನ್ನು ಮಾಯಿಶ್ಚರೈಸರ್ ಮಾಡಲು ಕೂಡ ಬಳಸಬಹುದು.

ಬೇಬಿ ಕ್ರೀಮ್ ಬಳಸುವವರು ಒಂದು ವಿಷಯ ನೆನೆಪಿಟ್ಟುಕೊಳ್ಳಿ. ನಿಮ್ಮದು ಒಣ ತ್ವಚೆ ಆಗಿದ್ದರೆ ಮಾತ್ರ ಈ ಕ್ರೀಮ್ ಬಳಸಿ, ಎಣ್ಣೆ ತ್ವಚೆ ಇರುವವರು ಇದನ್ನು ಬಳಸದಿರುವುದು ಒಳ್ಳೆಯದು.

ಬೇಬಿ ಶ್ಯಾಂಪೂ: ಮೃದುವಾದ ಕೂದಲನ್ನು ಪಡೆಯಲು ಶ್ಯಾಂಪೂ ಹಚ್ಚುತ್ತಿದ್ದೀರಾ ಅಥವಾ ಹಚ್ಚಬೇಕೆಂದು ಯೋಚಿಸುತ್ತಿದ್ದೀರಾ? ಹಾಗಾದರೆ ಬೇಬಿ ಶ್ಯಾಂಪೂ ಬಳಸುವ ಯೋಚನೆ ಬಿಡುವುದು ಒಳ್ಳೆಯದು. ಏಕೆಂದರೆ ಬೇಬಿ ಶ್ಯಾಂಪೂ ತುಂಬಾ ಮೃದುವಾಗಿದ್ದು ದೊಡ್ಡವರ ಕೂದಲಿಗೆ ಅಷ್ಟೊಂದು ಮೃದುವಾದ ಶ್ಯಾಂಪೂ ಯಾವುದೇ ಪರಿಣಾಮ ಬೀರುವುದಿಲ್ಲ.

ಬೇಬಿ ಸೋಪ್: ಬೇಬಿ ಸೋಪ್ ದೊಡ್ಡವರ ತ್ವಚೆಗೂ ಬಳಸಬಹುದು. ಈ ಸೋಪು ತುಂಬಾ ಮೃದುವಾಗಿದ್ದು ಮುಖವನ್ನು ಮಾಯಿಶ್ಚರೈಸರ್ ಆಗಿ ಇಡುತ್ತದೆ. ಬೇಬಿ ಸೋಪ್ ತ್ವಚೆಯನ್ನು ಮತ್ತಷ್ಟು ಮೃದುವಾಗಿಸುತ್ತದೆ.

ಬೇಬಿ ಫಾರ್ಮುಲಾ: ಬೇಬಿ ಫಾರ್ಮುಲಾ ಸನ್ ಸ್ಕ್ರೀನ್ ಲೋಷನ್ ಗಿಂತ ಹೆಚ್ಚಾಗಿ ತ್ವಚೆಯನ್ನು ಸೂರ್ಯನ ಕಿರಣಗಳಿಂದ ರಕ್ಷಿಸುತ್ತದೆ.

ಬೇಬಿ ಆಯಿಲ್: ಬೇಬಿ ಆಯಿಲ್ ಅನ್ನು ದೊಡ್ಡವರು ಬಳಸಬಹುದಾಗಿದ್ದು ಇದನ್ನು ತ್ವಚೆ ಹಾಗೂ ಕೂದಲಿಗೆ ತುಂಬಾ ಒಳ್ಳೆಯದು.