ನುಣಪಾದ ತ್ವಚೆ ನೀಡುತ್ತೆ ಈ ಫೇಸ್ ಸ್ಕ್ರಬ್

Skin Care

oi-Staff

By Super

Updated: Friday, September 12, 2014, 12:14 [IST]

ಅಂದವಾದ ತ್ವಚೆ ಬೇಕೆಂದು ಪ್ರತಿಯೊಬ್ಬರೂ ಬಯಸುತ್ತೇವೆ. ಆದರೆ ಅಂದವಾದ ತ್ವಚೆ ಬೇಕೆಂದರೆ ತ್ವಚೆಗೆ ಸ್ವಲ್ಪ ಆರೈಕೆ ಮಾಡಬೇಕಾಗುತ್ತದೆ. ತ್ವಚೆ ಹೊಳಪು ಹೆಚ್ಚಿಸುವಲ್ಲಿ ಹಣ್ಣುಗಳು ಪ್ರಮುಖ ಪಾತ್ರವಹಿಸುತ್ತದೆ. ಅದರಲ್ಲೂ ಇದು ಮಾವಿನ ಹಣ್ಣು, ಹಲಸಿನ ಹಣ್ಣಿನ ಕಾಲವಾಗಿದೆ. ಈ ಹಣ್ಣುಗಳನ್ನು ಬಳಸಿ ಕೂಡ ಮುಖದ ಹೊಳಪು ಹೆಚ್ಚಿಸಬಹುದು. ಮುಖದ ಅಂದ ಹೆಚ್ಚಿಸಲು ಈ ಹಣ್ಣುಗಳ ಬಳಕೆ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಪಪ್ಪಾಯಿ ಬೀಜ ಮತ್ತು ಜೇನು ಸ್ಕ್ರಬ್: ಪಪ್ಪಾಯಿ ಹಣ್ಣುಗಳನ್ನು ಮುಖದ ಫೇಶಿಯಲ್ ಬಗ್ಗೆ ಬಳಸುವುದು ಗೊತ್ತು. ಆದರೆ ಅದರ ಬೀಜ ಕೂಡ ಮುಖದ ಅಂದ ಹೆಚ್ಚಿಸುವಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ ಎಂಬ ಅಂಶ ನಿಮಗೆ ಗೊತ್ತಿದೆಯೆ? ಹೌದು, ಮುಖದ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸುವಲ್ಲಿ ಪಪ್ಪಾಯಿ ಬೀಜ ತುಂಬಾ ಸಹಕಾರಿಯಾಗಿದೆ. ಪಪ್ಪಾಯಿ ಬೀಜವನ್ನು ಈ ಕೆಳಗಿನ ವಿಧಾನಂತೆ ಬಳಸಿ.

* ಪಪ್ಪಾಯಿ ಬೀಜಗಳು ಮತ್ತು ಸ್ವಲ್ಪ ಹಣ್ಣು ಪಪ್ಪಾಯಿ ಹಾಕಿ ಮಿಕ್ಸಿಯಲ್ಲಿ ಆಡಿಸಬೇಕು. ಅದಕ್ಕೆ ಒಂದು ಚಮಚ ಜೇನು ಸೇರಿಸಿ ಮಿಶ್ರಣವನ್ನು ಮುಖ್ಕಕೆ ಹಚ್ಚಿ ಸ್ಕ್ರಬ್ ಮಾಡಬಕು. ಈ ರೀತಿ ಮಾಡಿದರೆ ಮುಖದಲ್ಲಿರುವ ನಿರ್ಜೀವ ತ್ವಚೆ ಹೋಗಿ ಮುಖದ ಹೊಳಪು ಹೆಚ್ಚುವುದು.

2. ಬಾಳೆ ಹಣ್ಣು ಮತ್ತು ಓಟ್ ಮೀಲ್ಸ್ ಸ್ಕ್ರಬ್: ಬಾಳೆಹಣ್ಣನ್ನು ಹಾಗೇ ಉಜ್ಜುವುದಕ್ಕಿಂತ ಅದಕ್ಕೆ ಸ್ವಲ್ಪ ಓಟ್ ಮೀಲ್ಸ್ ಹಾಕಿ ಪೇಸ್ಟ್ ರೀತಿ ಮಾಡಿ ಮಾಡಿ , ಅದಕ್ಕೆ ಸ್ವಲ್ಪ ಜೇನು ಸೇರಿಸಿ ಅದರಿಂದ ಮುಖವನ್ನು ಸ್ಕ್ರಬ್ ಮಾಡಬೇಕು.ಬಾಳೆ ಹಣ್ಣು ಹಚ್ಚಿದರೆ ಮುಖದ ಹೊಳಪು ಹೆಚ್ಚುವುದು ಆದರೆ ಅದಕ್ಕೆ ಓಟ್ ಮೀಲ್ಸ್ ಸೇರಿಸಿ ಸ್ಕ್ರಬ್ ಮಾಡುವುದರಿಂದ ತ್ವಚೆ ಮತ್ತಷ್ಟು ಮೃದುವಾಗುತ್ತದೆ.

3. ಮಾವಿನ ಹಣ್ಣು ಮತ್ತು ಬಾದಾಮಿ ಸ್ಕ್ರಬ್: ಇವುಗಳಿಂದ ಸ್ಕ್ರಬ್ ಮಾಡಲು ರೆಸಿಪಿ ನೋಡಿ ಹೀಗಿದೆ:
1. ಬಾದಾಮಿಯನ್ನು ಪುಡಿ ಮಾಡಬೇಕು (ಒಂದು ಚಮಚದಷ್ಟು),
2. ಮಾವಿನ ಹಣ್ಣಿನ ತಿರಳು 2-3 ಚಮಚ
ಈ ಎರಡನ್ನು ಮಿಶ್ರ ಮಾಡಿ ಅವುಗಳಿಂದ ಮುಖಕ್ಕೆ ಸ್ಕ್ರಬ್ ಮಾಡಿದರೆ ಬಿಸಿಲಿನಿಂದ ಮುಖ ಕಪ್ಪಾಗಿದ್ದರೆ ಅದು ನಿವಾರಣೆಯಾಗುತ್ತದೆ.