ಮುಲ್ತಾನಿಮಿಟಿ ಅಂದ ಹೆಚ್ಚಿಸುವಲ್ಲಿ ಹೇಗೆ ಸಹಕಾರಿ?

Published: Wednesday, April 18, 2012, 17:39 [IST]

ತ್ವಚೆ ರಕ್ಷಣೆ ಮಾಡಿ, ಮುಖದ ಕಾಂತಿ ಕಾಪಾಡುವಲ್ಲಿ ಮುಲ್ತಾನಿ ಮಿಟಿ ಪ್ರಮುಖ ಪಾತ್ರವಹಿಸುತ್ತದೆ ಅನ್ನುವುದು ನಮಗೆ ಗೊತ್ತಿರುವ ವಿಷಯ. ಆದರೆ ಈ ಮಿಲ್ತಾನಿ ಮಿಟಿ ಸೌಂದರ್ಯವನ್ನು ಹೆಚ್ಚಿಸುವಲ್ಲಿ ಯಾವ ರೀತಿಯಲ್ಲಿ ಸಹಕಾರಿಯಾಗಿದೆ, ಇದನ್ನು ಹಚ್ಚಿದರೆ ತ್ವಚೆ ಆಕರ್ಷಕವಾಗಿ ಕಾಣಲು ಕಾರಣಗಳ ಬಗ್ಗೆ ಅನೇಕರಿಗೆ ಗೊತ್ತಿರುವುದಿಲ್ಲ. ಅವುಗಳ ಬಗ್ಗೆ ತಿಳಿಯಲು ಮುಂದೆ ಓದಿ:

1. ತ್ವಚೆ ಆರೋಗ್ಯವನ್ನು ಹೆಚ್ಚಿಸುತ್ತದೆ:
ಮುಲ್ತಾನಿ ಮಿಟಿ ಹಚ್ಚಿದರೆ ತ್ವಚೆ ಹೊಳಪು ಅಷ್ಟೆ ಅಲ್ಲ, ತ್ವಚೆ ಆರೋಗ್ಯ ಕೂಡ ಹೆಚ್ಚುತ್ತದೆ. ಇದು ಮುಖದಲ್ಲಿರುವ ವೈಟ್ ಹೆಡ್ಸ್ ಮತ್ತು ಬ್ಲಾಕ್ ಹೆಡ್ಸ್‌ಗಳನ್ನು ಹೋಗಲಾಡಿಸಿ ಮುಖಕ್ಕೆ ಹೊಳಪು ತರುತ್ತದೆ. ಮುಖದಲ್ಲಿರುವ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸುತ್ತದೆ. ಮುಖಕ್ಕೆ ತೇವಾಂಶವನ್ನು ನೀಡುವುದರಿಂದ ಇದನ್ನು ಹಚ್ಚಿದ ನಂತರ ಮುಖ ಹೊಳಪನ್ನು ಪಡೆಯುತ್ತದೆ.

2. ಕೂದಲಿನ ಆರೋಗ್ಯ:
ತ್ವಚೆ ಮಾತ್ರವಲ್ಲ ಕೂದಲಿನ ಸೌಂದರ್ಯ ಹೆಚ್ಚಿಸುವಲ್ಲಿ ಮುಲ್ತಾನಿಮಿಟಿ ಸಹಕಾರಿಯಾಗಿದೆ. ಹಾರ್ಮೋನ್‌ಗಳ ವ್ಯತ್ಯಾಸದಿಂದ, ಕಬ್ಬಿಣದಂಶ, ಸತು, ಪ್ರೊಟೀನ್, ಬಾಣಂತಿಯಲ್ಲಿ, ಮಾನಸಿಕ ಒತ್ತಡ ಹೀಗೆ ನಾನಾ ಕಾರಣಗಳಂದ ಕೂದಲು ಉದುರುವ ಸಮಸ್ಯೆ ಉಂಟಾಗುವುದು. ಆಗ ಮುಲ್ತಾನಿ ಮಿಟಿಯಿಂದ ಕೂದಲನ್ನು ಶುಚಿಗೊಳಿಸಿದರೆ ಕೂದಲು ಉದುರುವ ಸಮಸ್ಯೆ ನಿವಾರಣೆಯಾಗಿ ಕೂದಲು ಸೊಂಪಾಗಿ ಬೆಳೆಯುತ್ತದೆ.

3. ಮೊಡವೆ ಇತರ ತ್ವಚೆ ಸಮಸ್ಯೆಗಳ ನಿವಾರಣೆ:
ಮೊಡವೆ ಆದಾಗ ಮುಲ್ತಾನಿ ಮಿಟಿ ಹಚ್ಚಿದರೆ ಮೊಡವೆ ದಪ್ಪ ಮತ್ತು ಕೆಂಪಾಗುವುದಿಲ್ಲ. ಎರಡು ದಿನಕ್ಕೊಮ್ಮೆ ಮುಲ್ತಾನಿಮಿಟಿ ಹಚ್ಚುವುದರಿಂದ ಮುಖದಲ್ಲಿ ಕಲೆಗಳು ಕಡಿಮೆಯಾಗಿ, ಕಾಂತಿಯನ್ನು ಪಡೆಯುತ್ತದೆ.

ಮುಲ್ತಾನಿಮಿಟಿಯನ್ನು ಬಳಸಿ ಅಲ್ಪ ಕಾಲದಲ್ಲಿಯೆ ಒಳ್ಳೆಯ ಪರಿಣಾಮ ಬೇಕೆಂದು ಬಯಸುವುದು ಸರಿಯಲ್ಲ. ಇದನ್ನು ಒಂದು ತಿಂಗಳವರೆಗೆ ಹಚ್ಚುತ್ತಾ ಬನ್ನಿ, ಆವಾಗ ಮುಖದಲ್ಲಿ ಉಂಟಾಗುವ ವ್ಯತ್ಯಾಸ ನಿಮ್ಮ ಗಮನಕ್ಕೆ ಬರುವುದು. ಮುಖದಲ್ಲಿ ಮೊಡವೆ ಗುಣಮುಖವಾಗಿ ಆಕರ್ಷಕ ತ್ವಚೆ ಪಡೆದ ನಂತರ ವಾರಕ್ಕೊಮ್ಮೆ ಹಚ್ಚಿದರೂ ಸಾಕು.