ವಿಶ್ರಾಂತಿಯ ಅನುಭವಕ್ಕೆ ಈ ಹರ್ಬಲ್ ಫೇಶಿಯಲ್

Skin Care

oi-Reena

By Hema S

Published: Monday, March 26, 2012, 11:26 [IST]

ಫೇಶಿಯಲ್ ಮಾಡಿಸಿದರೆ ಮುಖದ ಹೊಳಪು ಹೆಚ್ಚಾಗುತ್ತದೆ. ಹಾಗಂತ ಬ್ಯೂಟಿ ಪಾರ್ಲರ್ ಗಳಿಗೆ ಹೋದರೆ ಜೇಬಿಗೆ ಕತ್ತರಿ. ಪೇಶಿಯಲ್ ಮಾಡಲು ಬಳಸುವ ಸಾಮಾಗ್ರಿಗಳು ಮತ್ತು ವಿಧಾನದ ಬಗ್ಗೆ ತಿಳಿದುಕೊಂಡರೆ ಮನೆಯಲ್ಲಿಯೆ ಫೇಶಿಯಲ್ ಮಾಡಿಕೊಳ್ಳಬಹುದು. ಅದರಲ್ಲೂ ಹರ್ಬಲ್ ಫೇಶಿಯಲ್ ಗೆ ತುಂಬಾ ಬೇಡಿಕೆಯಿದೆ. ಇವತ್ತು ನಾವು ಹರ್ಬಲ್ ಫೇಶಿಯಲ್ ಮಾಡುವ ವಿಧಾನದ ಬಗ್ಗೆ ತಿಳಿದುಕೊಳ್ಳೋಣ.

ಹರ್ಬಲ್ ಫೇಶಿಯಲ್ ಗೆ ಬೇಕಾಗುವ ಸಾಮಾಗ್ರಿಗಳು:
1. ಒಂದು ಮೊಟ್ಟೆಯ ಬಿಳಿ
2. ಒಂದು ಚಮಚ ಗ್ಲಿಸರಿನ್
3. ಒಂದು ಜೇನು
4. ಒಂದು ಚಮಚ ಹಾಲಿನ ಪುಡಿ

ತಯಾರಿಸುವ ವಿಧಾನ:
1. ಈ ಎಲ್ಲಾ ವಸ್ತುಗಳನ್ನು ಮಿಶ್ರ ಮಾಡಬೇಕು. ಹೀಗೆ ಮಿಶ್ರ ಮಾಡುವಾಗ ಸ್ವಲ್ಪ ಗಟ್ಟಿಯಾಗಿರುವಂತೆ ಮಾಡಬೇಕು. ಇಲ್ಲದಿದ್ದರೆ ಮುಖಕ್ಕೆ ಹಚ್ಚಿದರೆ ಮಿಶ್ರಣ ಮುಖದಲ್ಲಿ ಜಾರಲಾರಂಭಿಸುತ್ತದೆ.
2. ಈಗ ಈ ಮಿಶ್ರಣಕ್ಕೆ ಸ್ವಲ್ಪ ಲ್ಯಾವೆಂಡರ್ ಎಣ್ಣೆಯನ್ನು ಸೇರಿಸಬೇಕು.

ಫೇಶಿಯಲ್:
1. ಈಗ ಈ ಮಿಶ್ರಣವನ್ನು ಮುಖಕ್ಕೆ ಮೇಲ್ಮುಖವಾಗಿ ಹಚ್ಚಿ 15- 20 ನಿಮಿಷ ಬಿಡಬೇಕು. ಹೀಗೆ ಹಚ್ಚಿ ಆರಾಮ ಕುರ್ಚಿಯಲ್ಲಿ ಕುಳಿತು ಕಣ್ಣುಗಳನ್ನು ಮುಚ್ಚಿ ನಿಧಾನಕ್ಕೆ ಉಸಿರಾಡುತ್ತಿರಬೇಕು. ಲ್ಯಾವೆಂಡರ್ ಎಣ್ಣೆ ಬಳಸಿರುವುದರಿಂದ ತುಂಬಾ ವಿಶ್ರಾಂತಿಯ ಅನುಭವ ಉಂಟಾಗುತ್ತದೆ.

2. ಈಗ ಟವಲ್ ಅನ್ನು ಬಿಸಿ ನೀರಿನಲ್ಲಿ ನೆನೆಸಿ ಅದರಿಂದ ಮುಖವನ್ನು ಉಜ್ಜಿ ಫೇಶಿಯಲ್ ತೆಗೆಯಬೇಕು. ನಂತರ ನೀರು ಹಾಕಿ ಮುಖ ತೊಳೆದರೆ ನುಣಪಾದ ಮುಖ ನಿಮ್ಮದಾಗುವುದು.