ಸುಂದರ ತ್ವಚೆ ನೀಡುತ್ತೆ ಸಕ್ಕರೆ ಸ್ಕ್ರಬ್!

Skin Care

oi-Reena

By Hema S

Updated: Tuesday, May 21, 2013, 12:50 [IST]

ಸಕ್ಕರೆ ಬಾಯಿಗೆ ಸಿಹಿಯಷ್ಟೆ ಅಲ್ಲ ಸುಂದರವಾದ ತ್ವಚೆ ಕೂಡ ನೀಡುತ್ತದೆ. ಒತ್ತಡ, ತ್ವಚೆ ಬಗ್ಗೆ ಹೆಚ್ಚಿನ ಆರೈಕೆ ಕೊಡಲು ಸಮಯವಿಲ್ಲದಿದ್ದರೆ ಮುಖದಲ್ಲಿ ನೆರಿಗೆಗಳು ಉಂಟಾಗುತ್ತವೆ. ಆದರೆ ಸಕ್ಕರೆ ಸ್ಕ್ರಬ್ಬರ್ ಬಳಸಿದರೆ ಇಂತಹ ಸಮಸ್ಯೆ ಕಾಇಸಿಕೊಳ್ಳುವುದಿಲ್ಲ, ಅಲ್ಲದೆ ಸಕ್ಕರೆ ಬಳಸಿ ತ್ವಚೆ ಆರೈಕೆ ಮಾಡಲು ಹೆಚ್ಚಿನ ಸಮಯ ಬೇಕಾಗಿಲ್ಲ.

ಸಕ್ಕರೆ ಬೇರೆ -ಬೇರೆ ಮಿಶ್ರಣದ ಜೊತೆ ಮಿಶ್ರ ಮಾಡಿ ಹಚ್ಚುವುದರಿಂದ ವಿಭಿನ್ನ ರೀತಿಯ ಪ್ರಯೋಜಗಳು ದೊರೆಯುತ್ತದೆ. ಆದ್ದರಿಂದ ಎಲ್ಲಾ ರೀತಿಯ ತ್ವಚೆಯವರು ಸುಂದರವಾದ ತ್ವಚೆಗಾಗಿ ಸಕ್ಕರೆಯನ್ನು ಬಳಸಬಹುದು.

ಸಕ್ಕರೆ ಸ್ಕ್ರಬ್:

1. ಸಕ್ಕರೆ ಮತ್ತು ನಿಂಬೆ ರಸ: ಮುಖ ತುಂಬಾ ಮೊಡವೆಯಿದ್ದು ಯಾವುದೇ ಔಷಧಿ ಪರಿಣಾಮಕಾರಿಯಾಗಿಲ್ಲವೆ? ಅದಕ್ಕಾಗಿ ನಿರಾಶೆ ಬೇಡ ಈ ಸಮಸ್ಯೆಗೆ ಮುಕ್ತಿಯನ್ನು ಸಕ್ಕರೆಯಿಂದ ಪಡೆಯಬಹುದು! ಸಕ್ಕರೆ ಮತ್ತು ನಿಂಬೆ ರಸ ಮಿಶ್ರ ಮಾಡಿ, ನಿಂಬೆ ರಸದಲ್ಲಿ ಸಕ್ಕರೆ ಕರಗಿದ ಬಳಿಕ ಮುಖಕ್ಕೆ ಹಚ್ಚಿದರೆ ಮೊಡವೆಗಳು ಕಡಿಮೆಯಾಗುವುದು.

2. ಸಕ್ಕರೆ ಮತ್ತು ಆಲೀವ್ ಎಣ್ಣೆ: ಒಣ ತ್ವಚೆಯವರಿಗೆ ಸಕ್ಕರೆ ಮತ್ತು ನಿಂಬೆರಸ ಬಳಸುವುದರಿಂದ ಅಷ್ಟು ಪ್ರಯೋಜನವಿಲ್ಲ. ಆದ್ದರಿಂದ ಒಣ ತ್ವಚೆಯವರು ಸಕ್ಕರೆ ಮತ್ತು ಆಲೀವ್ ಎಣ್ಣೆ ಮತ್ತು ಸ್ವಲ್ಪ ಜೇನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚುವುದು ಒಳ್ಳೆಯದು. ಈ ಮಿಶ್ರಣವನ್ನು ಉಜ್ಜುವಾಗ ವೃತ್ತಾಕಾರವಾಗಿ ಉಜ್ಜಿ.

3. ಸಕ್ಕರೆ, ರೋಸ್ ಮೆರಿ ಎಣ್ಣೆ ಮತ್ತು ಪುದೀನಾ : ಬೇಸಿಗೆಯಲ್ಲಿ ಹೋದರು ಕೂಡ ತ್ವಚೆ ತನ್ನ ತಾಜಾತನ ಹೊಳೆಯುವಂತೆ ಮಾಡಲು ಸಕ್ಕರೆ ರೋಸ್ ಮೆರಿ ಎಣ್ಣೆ ( ರೋಸ್ ಮೆರಿ ಸಿಗದಿದ್ದರೆ ಬಾದಾಮಿ ಅಥವಾ ತೆಂಗಿನೆಣ್ಣೆ ಬಳಸಬಹುದು) ಮತ್ತು ಪುದೀನಾ ರಸ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 10 ನಿಮಿಷದ ಬಳಿಕ ತೊಳೆದರೆ ಮುಖ ತನ್ನ ತಾಜಾತನ ಉಳಿಸಿಕೊಳ್ಳುತ್ತದೆ.

5. ಸಕ್ಕರೆ ಮತ್ತು ಕಾಫಿ: ಎರಡು ಚಮಚ ಕಾಫಿ ಪುಡಿಗೆ ಒಂದು ಚಮಚ ಸಕ್ಕರೆ ಹಾಕಿ ಸ್ವಲ್ಪ ನೀರು ಹಾಕಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿದರೆ ತ್ವಚೆ ಅಂದ ಹೆಚ್ಚುವುದು.

6. ಸಕ್ಕರೆ, ಜೇನು ಮತ್ತು ಮೊಸರು: ಬಿಸಿಲಿನಿಂದ ತ್ವಚೆ ಕಪ್ಪಾಗಿದ್ದರೆ (ಸನ್ ಟ್ಯಾನ್) ಈ ಮಿಶ್ರಣಗಳನ್ನು ಮಿಶ್ರ ಮಡಿ ಹಚ್ಚಿದರೆ ತ್ವಚೆ ಮತ್ತೆ ಹೊಳಪನ್ನು ಪಡೆಯುವುದು.