ಅರಿಶಿನದಿಂದ ಸಕಲ ತ್ವಚೆ ಸಮಸ್ಯೆ ನಿವಾರಣೆ

Published: Tuesday, March 13, 2012, 11:04 [IST]

ಭಾರತದಲ್ಲಿ ಚಿಟಿಕೆಯಷ್ಟಾದರೂ ಅರಿಶಿನ ಹಾಕದೆ ಅಡುಗೆ ಮಾಡುವುದು ತುಂಬಾ ವಿರಳ. ಅರಿಶಿನ ಅಡುಗೆಗೆ ರುಚಿ ಮತ್ತು ಬಣ್ಣ ನೀಡುವುದಷ್ಟೆ ಅಲ್ಲ, ಆರೋಗ್ಯಕ್ಕೆ ಒಳ್ಳೆಯದು ಎಂದು ನಮಗೆ ಗೊತ್ತಿರುವ ವಿಷಯ. ಈ ಅರಿಶಿನವನ್ನು ಸೌಂದರ್ಯ ರಕ್ಷಣೆಯಲ್ಲಿ ಕೂಡ ಬಳಸಬಹುದು. ಇವತ್ತು ನಾವು ಅರಿಶಿನದ ಸೌಂದರ್ಯವರ್ಧಕ ಗುಣದ ಬಗ್ಗೆ ತಿಳಿಯೋಣ:

1. ನುಣಪಾದ ತ್ವಚೆಗೆ: ಸೌತೆಕಾಯಿ ಮತ್ತು ಅರಿಶಿನವನ್ನು ಪೇಸ್ಟ್ ರೀತಿ ಮಾಡಿ ಅದಕ್ಕೆ ಸ್ವಲ್ಪ ನಿಂಬೆ ರಸ ಹಾಕಿ ಮುಖಕ್ಕೆ ಹಚ್ಚಬಹುದು. ಈ ಮಿಶ್ರಣವನ್ನು ಪ್ರತಿನಿತ್ಯ ಹಚ್ಚಿದರೆ ತ್ವಚೆ ನುಣುಪು ಮತ್ತು ಬೆಳ್ಳಗೆ ಆಗುವುದು.

2. ಮೊಡವೆ: ಅರಿಶಿನ ಮತ್ತು ಗಂಧದ ಪುಡಿಯನ್ನು ಸ್ವಲ್ಪ ನೀರಿನಲ್ಲಿ ಮಿಶ್ರ ಮಾಡಿ ಆ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿದರೆ ಮೊಡವೆ ಕಡಿಮೆಯಾಗುವುದು. ಮಕ್ಕಳಿಗೆ ಕೂಡ ಇದನ್ನು ಹಚ್ಚುವುದರಿಂದ ತುರಿಕೆ, ಕಜ್ಜಿಗಳು ಉಂಟಾಗುವುದಿಲ್ಲ.

3. ಬಾಡಿ ಸ್ಕ್ರಬ್: ಅರಿಶಿನಕ್ಕೆ ಸ್ವಲ್ಪ ಕಡಲೆ ಹಿಟ್ಟು ಮಿಶ್ರ ಮಾಡಿ ಮೈಗೆ ತಿಕ್ಕಿ ನಂತರ ಸ್ನಾನ ಮಾಡಬೇಕು. ಹೀಗೆ ಮಾಡಿದರೆ ತ್ವಚೆ ಆರೋಗ್ಯ ಹೆಚ್ಚುವುದು.

4.ಗರ್ಭಿಣಿಯಾಗಿದ್ದಾಗ ಬೀಳುವ ಸ್ಟ್ರಚ್ ಮಾರ್ಕ್ಸ್ ತಡೆಯಲು: ಗರ್ಭಿಯಣಿಯಾಗಿದ್ದಾಗ ಹೊಟ್ಟೆಯಲ್ಲಿ ಸ್ಟ್ರಚ್ ಮಾರ್ಕ್ಸ್ ಕಾಣಿಸಿಕೊಳ್ಳುವುದು. ಸಾಮಾನ್ಯ. ಈ ಸಮಸ್ಯೆಯನ್ನು ಹೋಗಲಾಡಿಸಲು ಬಯಸುವವರು ಅರಿಶಿನ ಮತ್ತು ಮೊಸರು ಮಿಶ್ರ ಮಾಡಿ 5 ನಿಮಿಷ ಹೊಟ್ಟೆಯನ್ನು ತಿಕ್ಕಬೇಕು. ಈ ರೀತಿ ಮಾಡಿದರೆ ಕಲೆ ಉಳಿಯುವುದಿಲ್ಲ.

5. ಮುಖದ ಕೂದಲು ಹೋಗಲಾಡಿಸಲು: ಹೆಣ್ಣು ಮಕ್ಕಳ ಮುಖದಲ್ಲಿ ಕೂದಲು ಬೆಳೆದಿದ್ದರೆ ಅಷ್ಟು ಆಕರ್ಷಕವಾಗಿ ಕಾಣುವುದಿಲ್ಲ. ಬೇಡದ ಕೂದಲನ್ನು ಹೋಗಲಾಡಿಸಲು ಮುಖಕ್ಕೆ ದಿನಾವೂ ಅರಿಶಿನ ಹಚ್ಚಿದರೆ ಸಾಕು. ಮುಖದಲ್ಲಿ ಕೂದಲು ಬೆಳೆಯುವುದು ಕಡಿಮೆಯಾಗುತ್ತದೆ.