ಕತ್ರಿನಾ ಕೈಫ್ ಸೌಂದರ್ಯದ ಗುಟ್ಟು ರಟ್ಟು!

Skin Care

oi-Reena

By Hema S

Published: Saturday, March 3, 2012, 16:58 [IST]

ಕತ್ರಿನಾ ಕೈಫ್ ತನ್ನ ಆಕರ್ಷಕ ಮೈಮಾಟ, ಹೊಳಪಿನ ತ್ವಚೆಯಿಂದ ಬಾಲಿಹುಡ್ ನ ಸೆಕ್ಸಿ ನಟಿ ಎಂದು ಗುರುತಿಸಿಕೊಂಡಿದ್ದಾಳೆ. ನೈಸರ್ಗಿಕದತ್ತವಾದ ಚೆಲುವಿಗೆ ಸರಿಯಾದ ಆರೈಕೆ ಇದ್ದರೆ ಮಾತ್ರ ಮುಖದ ಹೊಳಪು ಹೆಚ್ಚುವುದು. ಇವತ್ತು ನಾವು ಈ ಸುಂದರಾಂಗಿಯ ಚೆಲುವಿನ ರಹಸ್ಯದ ಬಗ್ಗೆ ತಿಳಿಯೋಣ:

ಕತ್ರಿನಾ ಕೈಫ್ ನ ಸೌಂದರ್ಯದ ರಹಸ್ಯ:

1. ಬೆಳಗ್ಗೆ ಎದ್ದ ತಕ್ಷಣ 4 ಗ್ಲಾಸ್ ನೀರು ಕುಡಿಯುವುದು. ನಂತರ ಆಪ್ರಿಕಾಟ್ ಎಣ್ಣೆಯಿಂದ ತ್ವಚೆ ಮಾಯಿಶ್ಚರಸರ್ ಮಾಡಿಕೊಳ್ಳುವುದು.

2. ದಿನವೂ ಕಟ್ಟುನಿಟ್ಟಿನ ವ್ಯಾಯಾಮ ಮಾಡುವುದು.

3. ಕತ್ರಿನಾಗೆ ಗಾಢವಾದ ಮೇಕಪ್ ಅಂದರೆ ಅಲರ್ಜಿ. ಹಿತಮಿತವಾದ ಮೇಕಪ್ ಅವಳ ನೈಸರ್ಗಿಕ ಚೆಲುವನ್ನು ಹೆಚ್ಚಿಸಿದೆ. ಮಲಗುವ ಮುಂಚೆ ಮೇಕಪ್ ತೆಗೆದು ನಂತರ ಮುಖವನ್ನು ಕ್ಲೆನ್ಸಿಂಗ್ ಮಾಡುತ್ತಾರೆ.

4. ಮುಖದ ಕಾಂತಿ ಹೆಚ್ಚಿಸಲು ಕತ್ರಿನಾ ಅನುಸರಿಸುವ ಮತ್ತೊಂದು ವಿಧಾನವೆಂದರೆ ಖನಿಜಾಂಶಗಳಿರುವ ಮಣ್ಣಿನ ಮಾಸ್ಕ್. ಈ ರೀತಿ ಮಾಡಿದರೆ ತ್ವಚೆ ಕಾಂತಿ ಹೆಚ್ಚುವುದು.

5. ಪಾರ್ಟಿಗಳಿಗೆ ಹೋಗುವ ಮೊದಲು ಹೇರ್ ಡ್ರೈ ಮಾಡಿ ಕೇರಾಸ್ಟೇಟ್ ಹಚ್ಚುವುದು ಕತ್ರಿನಾಳ ಮೃದು ಕೂದಲಿನ ರಹಸ್ಯ.

6. ಮಸ್ಕರಾವನ್ನು ಬಳಸಿ ಕಣ್ಣಿನ ಮೇಕಪ್ ಮಾಡುವುದು. ಈ ನಟಿಗೆ ಗಾಢವಾಗಿ ಮಸ್ಕರಾ ಹಚ್ಚುವುದು ತುಂಬಾ ಇಷ್ಟ. ಈ ಸರಳ ಬ್ಯೂಟಿ ಟಿಪ್ಸ್ ಗಳು ಕತ್ರಿನಾಳ ಸೌಂದರ್ಯದ ರಹಸ್ಯವಾಗಿದೆ.

ಕತ್ರಿನಾ ರೂಪವತಿಯಾಗಿ ಕಾಣಲು ಅನುಸರಿಸುವ ವಿಧಾನ ಸರಳವಾಗಿದ್ದು ಅವರೆ ಹೇಳುವ ಪ್ರಕಾರ ನೀರು ಹೆಚ್ಚಾಗಿ ಕುಡಿಯುವುದರಿಂದ ಕಲೆರಹಿತ ತ್ವಚೆ ಪಡೆಯಲು ಸಹಕಾರಿಯಾಗಿದೆ.