ಬ್ಲ್ಯಾಕ್ ಹೆಡ್ಸ್ ನಿವಾರಿಸುತ್ತೆ ಈ ಸ್ಕ್ರಬ್ಬಿಂಗ್

Skin Care

oi-Reena

By Hema S

Published: Thursday, February 16, 2012, 12:12 [IST]

ಮುಖದಲ್ಲಿ ಬ್ಲ್ಯಾಕ್ ಹೆಡ್ ಬಂದರೆ ಅದನ್ನು ಕೂಡಲೇ ನಿವಾರಿಸಬೇಕು. ಇಲ್ಲದಿದ್ದರೆ ಮುಖ ಅಂದ ಮಂಕಾಗುವುದು. ಬ್ಯೂಟಿ ಪಾರ್ಲರ್ ಹೋಗಿ ಬ್ಲ್ಯಾಕ್ ಹೆಡ್ ತೆಗಿಸಬಹುದು. ಆದರೆ ಕೆಲವರಿಗೆ ತ್ವಚೆಯಲ್ಲಿ ಉರಿ, ಗುಳ್ಳೆ ಮುಂತಾದ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತದೆ. ಆದರೆ ಬ್ಲ್ಯಾಕ್ ಹೆಡ್ ಅನ್ನು ಹಣ ಖರ್ಚು ಮಾಡದೆ ಮನೆಯಲ್ಲಿಯೆ ನಿವಾರಿಸುವ ವಿಧಾನ ನೋಡಿ ಇಲ್ಲಿದೆ.

ಮುಖ ಸ್ಕ್ರಬ್ ಮಾಡುವುದರಿಂದ ಬ್ಲ್ಯಾಕ್ ಹೆಡ್ಸ್ ನಿವಾರಿಸಬಹುದು. ಆದರೆ ಸ್ಕ್ರಬ್ ಮಾಡುವ ಮೊದಲು ಸ್ಟೀಮಿಂಗ್ ಕೊಡಿ. ನಂತರ ತಣ್ಣಿರಿನಿಂದ ಮುಖ ತೊಳೆದು ನಂತರ ಸ್ಕ್ರಬ್ ಮಾಡಿ. ಬ್ಲ್ಯಾಕ್ ಹೆಡ್ಸ್ ನಿವಾರಣೆಗೆ ಈ ಕೆಳಗಿನ ವಸ್ತುಗಳನ್ನು ಬಳಸಿ ಸ್ಕ್ರಬ್ ಮಾಡಿ ಮುಖದ ಕಾಂತಿ ಹೆಚ್ಚಿಸಿಕೊಳ್ಳಿ.

1. ಅಡುಗೆ ಸೋಡಾ: 2 ಚಮಚ ಅಡುಗೆ ಸೋಡಾ, 1/2 ಚಮಚ ಪುಡಿ ಉಪ್ಪು ಮತ್ತು 1 ಚಮಚ ನೀರು ಮಿಶ್ರ ಮಾಡಿ ಅದರಿಂದ ಮುಖಕ್ಕೆ ಹಚ್ಚಿ ಸ್ಕ್ರಬ್ ಮಾಡಬಹುದು.

2. ಅಕ್ಕಿ ಮತ್ತು ಹಾಲು: ಅಕ್ಕಿಯನ್ನು 1/2 ಲೋಟ ನೀರಿನಲ್ಲಿ 5 ಗಂಟೆ ಮುಳುಗಿಸಬೇಕು. ನಂತರ ಅದನ್ನು ಪೇಸ್ಟ್ ರೀತಿ ಮಾಡಿ ಸ್ಕ್ರಬ್ ಮಾಡಬಹುದು.

3. ನಿಂಬೆ ಹಣ್ಣು: ನಿಂಬೆ ಹಣ್ಣಿನ ತುಂಡಿನಿಂದ ಮುಖವನ್ನು ಉಜ್ಜಿದರೆ ಬ್ಲ್ಯಾಕ್ ಹೆಡ್ಸ್ ಕಡಿಮೆಯಾಗುತ್ತದೆ.

4. ಓಟ್ ಮೀಲ್ಸ್: ಒಂದು ಕಪ್ ಓಟ್ ಮೀಲ್ಸ್ ಗೆ ಒಂದು ಚಮಚ ಅಡುಗೆ ಸೋಡಾ ಮತ್ತು ಲೋಳೆಸರ ರಸ ಹಾಕಿ ಪೇಸ್ಟ್ ರೀತಿ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿ ಒಣಗಿದ ಮೇಲೆ ಬಿಸಿ ನೀರಿನಿಂದ ಮುಖ ತೊಳೆಯಬೇಕು.

5. ಟೊಮೆಟೊ: ಕತ್ತರಿಸಿದ ಟೊಮೆಟೊ ತುಂಡನ್ನು ಮುಖಕ್ಕೆ ಹಚ್ಚಬೇಕು. ನಂತರ ಬಿಸಿ ನೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ದಿನವೂ ಮಾಡಿದರೆ ತ್ವಚೆ ಸುಂದರವಾಗುತ್ತದೆ.

6. ಮೊಟ್ಟೆಯ ಬಿಳಿ: ಮೊಟ್ಟೆಯ ಬಿಳಿಗೆ ಸ್ವಲ್ಪ ನಿಂಬೆ ರಸ ಸೇರಿಸಿ ಮುಖಕ್ಕೆ ಹಚ್ಚಿ ನಂತರ ಬಿಸಿನೀರಿನಿಂದ ತೊಳೆಯಬೇಕು. ಈ ರೀತಿ ವಾರಕ್ಕೆ 2-3 ಬಾರಿ ಮಾಡಿದರೆ ಬ್ಲ್ಯಾಕ್ ಹೆಡ್ಸ್ ನಿವಾರಣೆಯಾಗುವುದರ ಜೊತೆಗೆ ತ್ವಚೆ ಮೃದುವಾಗುತ್ತದೆ.

7. ಆಸ್ಟ್ರಿನ್ ಜೆಂಟ್ : ಇದು ಮೆಡಿಕಲ್ ಶಾಪ್ ಗಳಲ್ಲಿ ದೊರೆಯುತ್ತದೆ. ರಾತ್ರಿ ಮಲಗುವ ಮುನ್ನ ಆಸ್ಟ್ರಿನ್ ಜೆಂಟ್ ಅನ್ನು ಸ್ವಲ್ಪ ಹತ್ತಿಗೆ ಹಾಕಿ ಮುಖವನ್ನು ಒರೆಸಬೇಕು. ಈ ರೀತಿ ಮಾಡಿದರೆ ಮೊಡವೆ ನಿವಾರಣೆಯಾಗುತ್ತದೆ.

8. ಜೇನು: ಜೇನು ತುಪ್ಪವನ್ನು ಮುಖಕ್ಕೆ ಹಚ್ಚಿ 1/2 ಗಂಟೆ ಬಿಟ್ಟು ಹದ ಬಿಸಿ ನೀರಿನಿಂದ ಮುಖ ತೊಳೆದರೆ ಮುಖದ ಕಾಂತಿ ಹೆಚ್ಚುತ್ತದೆ.