ಚಳಿಯಲ್ಲಿ ಕಾಂತಿ ಕಳೆದುಕೊಳ್ಳದಿರು ಸುಂದರಿಯೇ..

Skin Care

oi-Reena

By Hema S

Published: Wednesday, January 25, 2012, 10:51 [IST]

ಚಳಿಗಾಲದಲ್ಲಿ ತ್ವಚೆ ರಕ್ಷಣೆ ಸ್ವಲ್ಪ ಹೆಚ್ಚಾಗಿಯೆ ಮಾಡಬೇಕು. ಚಳಿಯಲ್ಲಿ ಸೂರ್ಯ ಕಿರಣಗಳು ಹೆಚ್ಚಾಗಿ ಮೈಗೆ ಬೀಳುವುದಿಲ್ಲ. ಮಧ್ಯಾಹ್ನ ಬಿಸಿಲಿಗೆ ಹೋದರೆ ತ್ವಚೆ ಮತ್ತಷ್ಟು ಕಪ್ಪಾಗುತ್ತದೆ. ಬೆಳಗ್ಗಿನ ಜಾವದಲ್ಲಿ ಸೂರ್ಯನ ಕಿರಣಗಳು ಮುಖಕ್ಕೆ ಬಿದ್ದರೆ ಅದರಲ್ಲಿರುವ 'ವಿಟಮಿನ್ ಡಿ' ತ್ವಚೆ ಕಾಂತಿಯನ್ನು ಹೆಚ್ಚಿಸುತ್ತದೆ. ಆದರೆ ಚಳಿಗಾಲದಲ್ಲಿ ಮುಖ ಒಡೆದು ಮಂಕಾಗಿ ಕಾಣುವ ಬದಲು ಹೊಳೆಯುವ ತ್ವಚೆಯನ್ನು ಪಡೆಯಲು ಇಲ್ಲಿದೆ ಕೆಲ ಉಪಾಯ.

1. ಕೆಮಿಕಲ್ ಇರುವ ಕ್ರೀಮ್ ಬದಲು ದೇಹಕ್ಕೆ ಆಲೀವ್, ಬಾದಾಮಿ ಅಥವಾ ಸಾಸಿವೆ ಎಣ್ಣೆಯನ್ನು ಸ್ನಾನಕ್ಕೆ ಒಂದು ಗಂಟೆ ಮೊದಲು ಹಚ್ಚಿ. ಈ ರೀತಿ ಮಾಡಿದರೆ ಮೈಯಲ್ಲಿ ಸ್ನಾನದ ನಂತರ ಕೂಡ ಮಾಯಿಶ್ಚರೈಸರ್ ಹಾಗೆ ಇರುತ್ತದೆ.

2. ಕ್ರೀಮ್ ಗೆ ಹೋಲಿಸಿದರೆ ಬಾಡಿಲೋಷನ್ ಹಚ್ಚಿಕೊಳ್ಳುವುದು ಒಳ್ಳೆಯದು. ಕ್ರೀಮ್ ಗಿಂತ ಬಾಡಿಲೋಷನ್ ಲಿಕ್ವಿಡ್ ಜಾಸ್ತಿ ಇರುವುದರಿಂದ ಬೇಗನೆ ತ್ವಚೆಯಲ್ಲಿ ಸವರಬಹುದು. ಬಾಡಿಲೋಷನ್ ತ್ವಚೆಯನ್ನು ರಕ್ಷಣೆ ಮಾಡುತ್ತದೆ.

3. ಮನೆಯಲ್ಲಿ ತಯಾರಿಸಿದ ಫೇಸ್ ಮಾಸ್ಕ್ ಬಳಸುವುದು ಸೂಕ್ತ. ಹಾಲಿನ ಕೆನೆ ಮತ್ತು ಜೇನನ್ನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿದರೆ ಮುಖದ ಹೊಳಪು ಹೆಚ್ಚುತ್ತದೆ.

4. ರಾತ್ರಿ ಮತ್ತು ಬೆಳಗ್ಗೆ ಹಚ್ಚಲು ಬೇರೆ-ಬೇರೆ ಕ್ರೀಮ್ ಹಚ್ಚ ಬೇಕು. ದಪ್ಪವಿರುವ ಕ್ರೀಮ್ ರಾತ್ರಿಯಲ್ಲಿ ಹಚ್ಚಿ ತ್ವಚೆ ಪೋಷಣೆ ಮಾಡಬಹುದು.

5. ಚಳಿಗಾಲದಲ್ಲಿ ತುಂಬಾ ಬಿಸಿ ನೀರಿನಲ್ಲಿ ಸ್ನಾನ ಮಾಡಿದರೆ ತ್ವಚೆಯನ್ನು ಗಡಸಾಗಿ ಮಾಡುತ್ತದೆ. ತುಂಬಾ ಕೋಲ್ಡ್ ಕ್ರೀಮ್ ಹಚ್ಚುವುದರಿಂದ ಕೂಡ ತ್ವಚೆ ಕಪ್ಪಾಗಿ ಕಾಣುತ್ತದೆ. ಹಗಲಿನಲ್ಲಿ ತೆಳುವಾದ ಮುಖ ಮತ್ತು ಸುಲಭವಾಗಿ ಹೀರಿಕೊಳ್ಳುವ ಕ್ರೀಮ್ ಬಳಸಬೇಕು.

6. ಮಾಯಿಶ್ಚರೈಸರ ಹಚ್ಚಿದ್ದಷ್ಟು ತ್ವಚೆಗೆ ಒಳ್ಳೆಯದು.

7. ಪ್ರಯಾಣ ಮಾಡುವಾಗ ವೆಟ್ ವೈಪ್ ಜೊತೆಗೆ ಕೊಂಡೊಯ್ಯಬೇಕು. ಇದರಿಂದ ಮುಖವನ್ನು ಗಂಟೆಗೊಮ್ಮೆ ಒರೆಸಿಕೊಳ್ಳುವುದರಿಂದ ಮುಖದಲ್ಲಿ ದೂಳು ಅಷ್ಟಾಗಿ ಕೂರುವುದಿಲ್ಲ.

ಈ ರೀತಿ ಮಾಡಿ ಚಳಿಗಾಲದಲ್ಲಿ ತ್ವಚೆ ಕಾಂತಿಯನ್ನು ಉಳಿಸಿಕೊಳ್ಳಿ.