ಈ ಬ್ಯೂಟಿ ಟಿಪ್ಸ್ ಪುರುಷರಿಗೆ ಮಾತ್ರ

Skin Care

oi-Reena

By Hema S

Published: Friday, January 20, 2012, 15:18 [IST]

ಗಂಡು ಮಕ್ಕಳು ಸ್ವಲ್ಪ ಮೇಕಪ್ ಮಾಡಿದರೆ ಸಾಕು ಏನು ಹುಡುಗಿ ತರ ಅಲಂಕಾರ ಮಾಡುತ್ತೀಯಾ ಎಂದು ಮನೆಯವರು ತಮಾಷೆ ಮಾಡುತ್ತಾರೆ. ಇದರಿಂದಾಗಿ ಅನೇಕ ಪುರುಷರು ತ್ವಚೆ ಬಗ್ಗೆ ಹೆಚ್ಚಿನ ಗಮನ ಹರಿಸುವುದಿಲ್ಲ. ಅಕರ್ಷವಾಗಿ ಕಾಣಲು ತ್ವಚೆ ಕೂಡ ಹೊಳಪಿನಿಂದ ಕೂಡಿರಬೇಕು. ಆದ್ದರಿಂದ ತ್ವಚೆ ರಕ್ಷಣೆಗೆ ಹೆಚ್ಚಿನ ಗಮನವನ್ನು ನೀಡಬೇಕು. ಇಲ್ಲಿದೆ ಕೆಲ ಫೇಸ್ ಮಾಸ್ಕ್ ಇದನ್ನು ಬಳಸಿ ಆಕರ್ಷಕ ತ್ವಚೆಯನ್ನು ಪಡೆಯಿರಿ.

1. ಸೌತೆಕಾಯಿ ಫೇಸ್ ಮಾಸ್ಕ್: ಮುಖದಲ್ಲಿರುವ ಎಣ್ಣೆ ಜಿಡ್ಡು ಹೋಗಲಾಡಿಸಿ, ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಲು ಸೌತೆಕಾಯಿ ಮಾಸ್ಕ್ ತುಂಬಾ ಒಳ್ಳೆಯದು. ಇದು ತ್ವಚೆ ಯೌವನದಿಂದ ಕೂಡಿರುವಂತೆ ಮಾಡುತ್ತದೆ. ಈ ಸೌತೆ ಕಾಯಿ ಪೇಸ್ಟ್ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ತಣ್ಣೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡಬೇಕು.

2. ಜೀನಿನ ಮಾಸ್ಕ್: ಮೊಸರು, ಜೀನು, ಮೊಟ್ಟೆಯ ಬಿಳಿ ಮತ್ತು ಸ್ವಲ್ಪ ಒಂದು ತುಂಡು ಸೇಬು ಇವುಗಳನ್ನು ಪೇಸ್ಸ್ ಮಾಡಿ ಮುಖಕ್ಕೆ ಹಚ್ಚಬೇಕು. ನಂತರ 15 ನಿಮಷ ಬಿಟ್ಟು ಮುಖ ತೊಳೆದರೆ ತ್ವಚೆ ಹೊಳಪನ್ನು ಪಡೆಯುವುದು.

3. ಟೊಮೆಟೊ ಮಾಸ್ಕ್: ಎಣ್ಣೆ ತ್ವಚೆ ಇರುವವರು ಟೊಮೆಟೊ ಮತ್ತು ಹಾಲು ಸೇರಿಸಿ ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿದರೆ ಒಳ್ಳೆಯದು.

4. ಕಹಿ ಬೇವಿನ ಮಾಸ್ಕ್: ಮುಖದಲ್ಲಿ ಮೊಡವೆ ಮತ್ತು ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಕಹಿ ಬೇವಿನ ಎಲೆಯನ್ನು ರಾತ್ರಿ ನೀರಿನಲ್ಲಿ ನೆನೆ ಹಾಕಿ ಬೆಳಗ್ಗೆ ಅದನ್ನು ಅರೆದು ಅದಕ್ಕೆ ಸ್ವಲ್ಪ ಹಾಲು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಬೇಕು. 20 ನಿಮಿಷದ ಬಳಿಕ ತಣ್ಣೀರಿನಿಂದ ಮುಖ ತೊಳೆದರೆ ತ್ವಚೆ ಸಮಸ್ಯೆ ನಿವಾರಣೆಯಾಗುವುದು.

ಈ ರೀತಿಯ ಫೇಸ್ ಮಾಸ್ಕ್ ಯಾವುದೇ ಹಿಂಜರಿಕೆಯಿಲ್ಲದೆ ಬಳಸಿ ಕಾಂತಿಯುತ ತ್ವಚೆ ಪಡೆಯಿರಿ.