ಚಳಿಗೆ ಒಣಗಿದೆಯೇ ಮೈ, ಈ ಜೆಲ್ ಹಚ್ಚಿಕೊಳ್ಳಿ

Skin Care

oi-Reena

By Hema S

Published: Thursday, January 19, 2012, 17:01 [IST]

ಕಾಲಕ್ಕೆ ಅನುಗುಣವಾಗಿ ತ್ವಚೆ ಪೋಷಣೆಯನ್ನು ಮಾಡಿದರೆ ಮಾತ್ರ ಅಂದವಾದ ತ್ವಚೆಯನ್ನು ಪಡೆಯಲು ಸಾಧ್ಯ. ಉರಿ ಬಿಸಿಲಿಗೆ ತ್ವಚೆ ಕಪ್ಪಾದರೆ, ಚಳಿಗಾಲದಲ್ಲಿ ಕೈ ಕಾಲುಗಳಲ್ಲಿ ಬಿರುಕು ಉಂಟಾಗಿ ಮುಖ ಕಪ್ಪಾಗಿ ಕಾಣುತ್ತದೆ. ತ್ವಚೆ ಮತ್ತು ತುಟಿಯನ್ನು ಮೃದುವಾಗಿ ಇಡುವಲ್ಲಿ ಮಾಯಿಶ್ಚರೈಸರ್ ತುಂಬಾ ಪರಿಣಾಮಕಾರಿ.

ಪೆಟ್ರೋಲಿಯಂ ಜೆಲ್ಲಿ ಮುಖಕ್ಕೆ ಹಚ್ಚುವುದರಿಂದ ಅನೇಕ ಪ್ರಯೋಜನಗಳನ್ನು ಪಡೆಯಬಹುದು. ಈ ಕೆಳಗಿನ ಉಪಯುಕ್ತ ಗುಣದಿಂದಾಗಿ ಪೆಟ್ರೋಲಿಯಂ ಜೆಲ್ಲಿ ಅತ್ಯುತ್ತಮವಾದ ಸೌಂದರ್ಯವರ್ಧಕ ಸಾಧನವಾಗಿದೆ.

ಸೌಂದರ್ಯವರ್ಧಕವಾಗಿ ಪೆಟ್ರೋಲಿಯಂ ಜೆಲ್ಲಿ:

1. ಚಳಿಯಿಂದ ಮುಖ ಒಡೆಯುವುದನ್ನು ತಡೆಯಲು ಮಲಗುವ ಮುಂಚೆ ಪೆಟ್ರೋಲಿಯಂ ಜೆಲ್ಲಿ ಹಚ್ಚಬೇಕು.

2. ಹಿಮ್ಮಡಿ ಒಡೆದರೆ ಕಾಲು ಅಸಹ್ಯವಾಗಿ ಕಾಣಿಸುತ್ತದೆ, ಅಲ್ಲದೆ ಕಾಲಿನಲ್ಲಿ ಬಿರುಕು ಬಿಟ್ಟ ಜಾಗದಲ್ಲಿ ರಕ್ತ ಬಂದು ಕಾಲು ನೋವು ಉಂಟಾಗುವುದು. ಹಿಮ್ಮಡಿ ಒಡೆದಿದ್ದರೆ ರಾತ್ರಿ ಮಲುಗುವಾಗ ಪೆಟ್ರೋಲಿಯಂ ಜೆಲ್ಲಿ ಹಚ್ಚಿ ಸಾಕ್ಸ್ ಹಾಕಿ ಮಲಗಬೆಕು. ಇದರಿಂದ ಹಿಮ್ಮಡಿ ಒಡೆಯುವುದು ಮಾಯವಾಗುತ್ತದೆ.

3. ಉಗುರುಗಳು ಆಕರ್ಷಕವಾಗಿ ಕಾಣಲು ಪೆಟ್ರೋಲಿಯಂ ಜೆಲ್ಲಿ ಹಚ್ಚಿ ಒಂದು ನಿಮಿಷ ಮಸಾಜ್ ಮಾಡಬೇಕು.

4. ಕಣ್ ರೆಪ್ಪೆ ಆಕರ್ಷಕವಾಗಿ ಕಾಣಲು ಮಸ್ಕಾರಾ ಹಚ್ಚುವ ಮೊದಲು ಸ್ವಲ್ಪ ಪೆಟ್ರೋಲಿಯಂ ಜೆಲ್ಲಿಯನ್ನು ಹಚ್ಚಬೇಕು.

5. ಕಣ್ಣಿನ ಮೇಕಪ್ ಮಾಡುವಾಗ ಕಣ್ ರೆಪ್ಪೆ ಮೇಲ್ಭಾಗದಲ್ಲಿ ಹಚ್ಚಿದರೆ ತುಂಬಾ ಹೊತ್ತಿನವರೆಗೆ ಹೊಳೆಯುತ್ತಿರುತ್ತದೆ.

6. ಮೊಣಕೈ ಕಪ್ಪಾಗುವುದು ಸಾಮಾನ್ಯವಾಗಿ ಕಂಡುಬರುವ ತ್ವಚೆ ಸಮಸ್ಯೆ. ದಿನವೂ ಮಲಗುವ ಮೊದಲು ಮೊಣಕೈಗೆ ಪೆಟ್ರೋಲಿಯಂ ಜೆಲ್ಲಿ ಹಚ್ಚಿ 2 ನಿಮಿಷ ಮಸಾಜ್ ಮಾಡಿದರೆ ಕಪ್ಪು ಬಣ್ಣ ಕಡಿಮೆಯಾಗುವುದು.

7. ಸುಗಂಧ ದ್ರವ್ಯಗಳನ್ನು ಹಾಕಿದಾಗ ಅದರ ಸುವಾಸನೆ ತುಂಬಾ ಹೊತ್ತು ನಿಲ್ಲಲು ಪೆಟ್ರೋಲಿಯಂ ಜೆಲ್ಲಿ ಹಚ್ಚಿ ನಂತರ ಸುಗಂಧ ದ್ರವ್ಯ ಹಾಕಬೇಕು.

ಈ ರೀತಿ ಪೆಟ್ರೋಲಿಯಂ ಜೆಲ್ಲಿಯನ್ನು ಬಳಸಿ ಸೌಂದರ್ಯವನ್ನು ಕಾಪಾಡಿಕೊಳ್ಳಿ.