ನೈಸರ್ಗಿಕವಾಗಿ ವ್ಯಾಕ್ಸ್ ತಯಾರಿಸುವ ವಿಧಾನ

Skin Care

oi-Reena

By Hema S

Published: Wednesday, December 7, 2011, 17:18 [IST]

ಹೆಣ್ಣು ಮಕ್ಕಳ ಕೈ ಮತ್ತು ಕಾಲಿನಲ್ಲಿ ಕೂದಲಿದ್ದರೆ ವ್ಯಾಕ್ಸಿಂಗ್ ಮಾಡಿದರೆ ಚರ್ಮವು ಸುಂದರ ಮತ್ತು ನುಣುಪಾಗಿ ಕಾಣುವುದು. ಆದರೆ ವ್ಯಾಕ್ಸಿಂಗ್ ಕ್ರೀಮ್ ಬಳಸಿ ಮಾಡಿದರೆ ಚರ್ಮದಲ್ಲಿ ಗುಳ್ಳೆ ಅಥವಾ ತುರಿಕೆ ಮುಂತಾದ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದೆಂದು ಕೆಲವರು ವ್ಯಾಕ್ಸಿಗ್ ಮಾಡಿಸಿಕೊಳ್ಳಲು ಇಷ್ಟಪಡುವುದಿಲ್ಲ. ಆದರೆ ಕೆಲವು ನೈಸರ್ಗಿಕ ವಸ್ತುಗನ್ನು ಬಳಸಿ ತಯಾರಿಸಿದ ವ್ಯಾಕ್ಸ್ ಬಳಸಿದರೆ

ಚರ್ಮದ ಸಮಸ್ಯೆ ಉಂಟಾಗುವುದಿಲ್ಲ, ಚರ್ಮವೂ ನುಣಪಾಗಿ ಕಾಣುತ್ತದೆ. ಈ ರೀತಿಯ ನೈಸರ್ಗಿಕ ವ್ಯಾಕ್ಸ್ ಕ್ರೀಮ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

1. ಸಕ್ಕರೆ ಮತ್ತು ನಿಂಬೆ ಹಣ್ಣು: ಸಕ್ಕರೆ ದ್ರಾವಣ ಮತ್ತು ನಿಂಬೆರಸವನ್ನು ಸಮಪ್ರಮಾಣದಲ್ಲಿ ಹಾಕಿ 4-5 ನಿಮಿಷ ಬಿಸಿ ಮಾಡಬೇಕು. ಆಗ ಗಟ್ಟಿಯಾದ ಮಿಶ್ರಣ ಸಿದ್ಧವಾಗುತ್ತದೆ. ಇದನ್ನು ಚರ್ಮಕ್ಕೆ ಹಚ್ಚಿ ವ್ಯಾಕ್ಸಿಂಗ್ ಸ್ಟ್ರಿಪ್ ಬಳಸಿ ಬೇಡದ ಕೂದಲನ್ನು ತೆಗೆಯಬಹುದು. ಈ ರೀತಿ ಮಾಡುವುದರಿಂದ ಯಾವುದೇ ರೀತಿಯಲ್ಲಿ ಚರ್ಮಕ್ಕೆ ಹಾನಿ ಉಂಟಾಗುವುದಿಲ್ಲ.

2. ಸಕ್ಕರೆ ಮತ್ತು ಕಬ್ಬಿನ ಜ್ಯೂಸ್: ಕಬ್ಬಿನ ರಸದ ಪ್ರಮಾಣದ ಅರ್ಧದಷ್ಟು ನಿಂಬೆರಸ ಸೇರಿಸಬೇಕು. ಈ ಮಿಶ್ರಣಕ್ಕೆ ಜೇನು ಮತ್ತು ಕಡಲೆ ಹಿಟ್ಟು ಹಾಕಿ ಮೈಗೆ ಹಚ್ಚಿ ವ್ಯಾಕ್ಸಿಂಗ್ ಸ್ಟ್ರಿಪ್ ಬಳಸಿ ವ್ಯಾಕ್ಸ್ ಮಾಡಬಹುದು.

3. ಹೆಸರು ಕಾಳಿನ ಹಿಟ್ಟು ಮತ್ತು ಮುಲ್ತಾನಿಮಿಟ್ಟಿ: ಇದನ್ನು ಮಕ್ಕಳ ಮೈಯಲ್ಲಿ ಅಧಿಕ ಕೂದಲಿದ್ದರೆ ತೆಗೆಯಲು ಬಳಸುತ್ತಾರೆ, ಆದರೆ ಇದನ್ನು ಬಳಸಿ ಡೊಡ್ಡವರು ಮುಖದಲ್ಲಿನ ಬೇಡದ ಕೂದಲನ್ನು ತೆಗೆಯ ಬಹುದು. ಹೆಸರಿನ ಕಾಳಿನ ಹಿಟ್ಟು , ಮುಲ್ತಾನಿ ಮಿಟ್ಟಿ, ಹಾಲು ಮತ್ತು ನಿಂಬೆರಸ ಹಾಕಿ ಗಟ್ಟಿಯಾದ ಮಿಶ್ರಣ ಮಾಡಿ ಅದನ್ನು ಉಂಡೆ ಕಟ್ಟಿ ಆ ಉಂಡೆಯಿಂದ ಉಜ್ಜಿ ಬೇಡದ ಕೂದಲನ್ನು ತೆಗೆಯಬಹುದು.

4. ಜೇನು ಮತ್ತು ಅಕ್ಕಿ ಪುಡಿ: ಜೇನು ಮತ್ತು ಹೆಸರು ಕಾಳಿನ ತೆಳುವಾದ ಪುಡಿಯನ್ನು ಮಿಶ್ರ ಮಾಡಬೇಕು, ಅದಕ್ಕೆ ಅಕ್ಕಿ ಪುಡಿಯನ್ನು ಸಹ ಬೆರೆಸಬೇಕು, ಈ ಅಂಟಾದ ಮಿಶ್ರಣವನ್ನು 10 ನಿಮಿಷ ಕಾಲ ಇಟ್ಟು ನಂತರ ಮೈಗೆ ಹಾಕಿ ಉಜ್ಜಿ ಬೇಡದ ಕೂದಲನ್ನು ತೆಗೆಯಬಹುದು, ಈ ರೀತಿ ಮಾಡಿದ ನಂತರ ಚರ್ಮದಲ್ಲಿ ಉರಿ ಕಂಡು ಬಂದರೆ ರೋಸ್ ವಾಟರ್ ಬಳಸಬಹುದು.