ಚಳಿಗಾಲದಲ್ಲಿ ತ್ವಚೆ ಪೋಷಣೆಗೆ ನೈಸರ್ಗಿಕ ಕ್ರೀಮ್

Skin Care

oi-Reena

By Hema S

Published: Tuesday, December 20, 2011, 15:54 [IST]

ಹಾಲಿನ ಕೆನೆ ಮತ್ತು ಜೀನು ಮಿಶ್ರಣವನ್ನು ಹಚ್ಚಿ ಚಳಿಗಾಲದಲ್ಲಿ ತ್ವಚೆ ಪೋಷಣೆ ಮಾಡಬಹುದು. ತ್ವಚೆ ಪೋಷಣೆಯನ್ನು ಮಾಡುವಂತಹ ಅನೇಕ ಕ್ರೀಮ್ ಮಾರುಕಟ್ಟೆಯಲ್ಲಿದೆ. ಈ ಎಲ್ಲ ಕ್ರೀಮ್ ಗಳಿಗಿಂತ ಹಾಲಿನ ಕೆನೆ ತ್ವಚೆಯನ್ನು ಮೃದು ಮತ್ತು ಸುಂದರವಾಗಿ ಮಾಡುವುದು. ಹಾಲಿನ ಕೆನೆಯನ್ನು ಬಳಸಿ ಮುಖದ ಅಂದವನ್ನು ಹೆಚ್ಚಿಸುವುದು ಹೇಗೆ ಎಂದು ತಿಳಿಯಲು ಮುಂದೆ ನೋಡಿ.

1.ಹಾಲಿನ ಕೆನೆ ಮತ್ತು ಜೇನು: ಜೇನು ಮತ್ತು ಹಾಲಿನ ಕೆನೆಯನ್ನು ಮಿಶ್ರ ಮಾಡಿ, ಮಿಶ್ರಣ ಗಟ್ಟಿಯಾಗಿದ್ದರೆ ಸ್ವಲ್ಪ ಹಾಲು ಹಾಕಿ ನಂತರ ಮುಖ ಮತ್ತು ಕತ್ತಿನ ಭಾಗಕ್ಕೆ ಹಚ್ಚಿ ಸ್ವಲ್ಪ ಹೊತ್ತು ಬಿಡಬೇಕು. ನಂತರ ಒದ್ದೆ ಬಟ್ಟೆಯಿಂದ ಮುಖವನ್ನು ಒರೆಸಬೇಕು. ಈ ರೀತಿ ಮಾಡಿದರೆ ಮುಖ ಒಣಗುವುದಿಲ್ಲ.

2. ಹಾಲಿನ ಕೆನೆ, ಅರಿಶಿಣ ಮತ್ತು ನಿಂಬೆರಸ: ಚಳಿಗಾಲದಲ್ಲಿ ಹಚ್ಚುವ ಕ್ರೀಮ್ ಗಳು ತೇವವಾಗಿರುವುದರಿಂದ ಮುಖದಲ್ಲಿ ದೂಳು ಬೇಗನೆ ಕೂರುತ್ತದೆ. ಇದರಿಂದ ಮುಖ ಕಪ್ಪಾಗುತ್ತದೆ. ಅದರ ಬದಲು ಹಾಲಿನ ಕೆನೆ, ಅರಿಶಿಣ ಮತ್ತು ನಿಂಬೆರಸ ಮಿಶ್ರಣವನ್ನು ಮುಖಕ್ಕೆ ಹಚ್ಚುವುದು ಒಳ್ಳೆಯದು. ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ 10 ನಿಮಿಷ ಬಿಡಬೇಕು. ದಿನವೂ ಹೀಗೆ ಮಾಡುವುದರಿಂದ, ಮುಖ ಹೊಳಪಿನ ಜೊತೆಗೆ ಬಿಳುಪನ್ನೂ ಹೊಂದುವುದು.

3. ಕಿತ್ತಳೆ ಸಿಪ್ಪೆ, ಹಾಲಿನ ಕೆನೆ ಮತ್ತು ಸ್ಟ್ರಾಬರಿ: ಒಣಗಿದ ಕಿತ್ತಳೆ ಸಿಪ್ಪೆ, ಹಾಲಿನ ಕೆನೆ ಮತ್ತು ನಿಂಬೆರಸವನ್ನು ಮಿಕ್ಸಿಯಲ್ಲಿ ಅರೆದು ಪೇಸ್ಟ್ ಮಾಡಬೇಕು. ಈ ಪೇಸ್ಟ್ ಚಳಿಗಾಲದಲ್ಲಿ ತ್ವಚೆ ರಕ್ಷಣೆಗೆ ಹೇಳಿ ಮಾಡಿಸಿದ್ದಂತಹ ಫೇಶಿಯಲ್ ಮಾಸ್ಕ್ ಆಗಿದೆ. ಈ ರೀತಿ ಮಾಡಿದರೆ ತ್ವಚೆ ಒಣಗುವುದು, ತ್ವಚೆಯಲ್ಲಿ ಬಿರುಕು ಮುಂತಾದ ಸಮಸ್ಯೆಗಳು ಕಂಡು ಬರುವುದಿಲ್ಲ.

4. ಬಾದಾಮಿ, ಬೆಣ್ಣೆ, ಅಕ್ಕಿ ಪುಡಿ ಮತ್ತು ಹಾಲಿನ ಕೆನೆ: ಬಾದಾಮಿ ತ್ವಚೆಯನ್ನು ಮಾಯಿಶ್ಚರೈಸರ್ ಮಾಡುತ್ತಾರೆ. ಈ ಬಾದಾಮಿ ಫೇಶ್ ಮಾಸ್ಕ್ ಮಾಡಬೇಕೆಂದರೆ ಬಾದಾಮಿಯನ್ನು ರಾತ್ರಿಯಲ್ಲಿ ನೆನೆ ಹಾಕಿ ಅದರ ಸಿಪ್ಪೆಯನ್ನು ತೆಗೆಯದೆ ಹಾಲಿನ ಕೆನೆ ಜೊತೆ ಸೇರಿಸಿ ಅರೆಯಬೇಕು. ನಂತರ ಸ್ವಲ್ಪ ಬೆಣ್ಣೆಯನ್ನು ಮತ್ತು ಅಕ್ಕಿ ಪುಡಿಯನ್ನು ಬೆರೆಸಿ ಈ ಮಿಶ್ರಣದಿಂದ ಮುಖವನ್ನು 10 ನಿಮಿಷ ಸ್ಕ್ರಬ್ ಮಾಡಬೇಕು. ಈ ರೀತಿ ಮಾಡಿ ಹೊಳೆಯುವ ತ್ವಚೆ ಪಡೆಯಬಹುದು.