ಥ್ರೆಡ್ಡಿಂಗ್ ಉರಿಯನ್ನು ಕಡಿಮೆಗೊಳಿಸುವುದು ಹೇಗೆ?

ಅಲ್ಲದೆ ಮುಖದಲ್ಲಿರುವ ಬೇಡದ ಕೂದಲನ್ನು ಥ್ರೆಡ್ಡಿಂಗ್ ಅಥವಾ ವ್ಯಾಕ್ಸ್ ಮಾಡಿಸಿ ತೆಗೆಯಲಾಗುವುದು. ಈ ರೀತಿ ಮಾಡಿಸಿದಾಗ ಮುಖದಲ್ಲಿ ಉರಿ ಮತ್ತು ತುರಿಕೆ ಕಾಣಿಸಿಕೊಂಡರೆ ಈ ಕೆಳಗಿನ ವಿಧಾನದಿಂದ ಕಡಿಮೆ ಮಾಡಿಕೊಳ್ಳಬಹುದು.

1. ಥ್ರೆಡ್ಡಿಂಗ್ ಮಾಡುವಾಗ ಕೈಯಿಂದ ಹಣೆಯ ಚರ್ಮವನ್ನು ಬಿಗಿಯಾಗಿ ಹಿಡಿದು ಕೊಳ್ಳಬೇಕು.ಇಲ್ಲದಿದ್ದರೆ ಗಾಯವಾಗುವುದು. ಸಡಿಲವಾಗಿ ಹಿಡಿದು ಕೊಂಡರೆ ಥ್ರೆಡ್ಡಿಂಗ್ ತುಂಬಾ ನೋವಾಗುತ್ತದೆ.

2. ಥ್ರೆಡ್ಡಿಂಗ್ ಮಾಡಿ ಬಂದ ಮೇಲೆ ಚಿಕ್ಕ ಐಸ್ ಕ್ಯೂಬ್ ತೆಗೆದು ಮುಖಕ್ಕೆ ಉಜ್ಜಬೇಕು. ಹೀಗೆ ಮಾಡಿದರೆ ತ್ವಚೆಯಲ್ಲಿ ಉರಿ ಕಡಿಮೆಯಾಗುತ್ತದೆ.

3. ಥ್ರೆಡ್ಡಿಂಗ್ ಮಾಡಿಸಿದಾಗ ಮುಖದಲ್ಲಿ ಮೊಡವೆ ಇದ್ದರೆ ಅದಕ್ಕೆ ತಾಗಿ ಗಾಯವಾಗುವುದು ಆಗ ಫೇಶಿಯಲ್ ಟೋನರ್ ಬಳಸಿ 2-3 ನಿಮಿಷ ಉಜ್ಜುವುದರಿಂದ ಮುಖದ ಉರಿ ಕಡಿಮೆಯಾಗಿ ಮುಖದ ಹೊಳಪು ಹೆಚ್ಚುವುದು. ಆದ್ದರಿಂದ ಥ್ರೆಡ್ಡಿಂಗ್ ಮಾಡಿದ ಬಳಕ ಟೋನರ್ ಬಳಸುವುದು ಒಳ್ಳೆಯದು.

4. ಥ್ರೆಡ್ಡಿಂಗ್ ನಂತರ ಮಾಯಿಶ್ಚರೈಸರ್ ಮುಖಕ್ಕೆ ಹಚ್ಚಬೇಕು, ಇಲ್ಲದಿದ್ದರೆ ಲೋಳೆಸರವನ್ನು ಮುಖಕ್ಕೆ ಹಚ್ಚುವುದು ಕೂಡ ತ್ವಚೆ ರಕ್ಷಣೆಗೆ ತುಂಬಾ ಉತ್ತಮವಾದ ವಿಧಾನವಾಗಿದೆ.

5. ಥ್ರೆಡ್ಡಿಂಗ್ ಮಾಡಿದ 45-60 ನಿಮಿಷ ಮುಖಕ್ಕೆ ಯಾವುದೆ ಮೇಕಪ್ ಮಾಡಬಾರದು, ಈ ರೀತಿ ಮಾಡಿ ಥ್ರೆಡ್ಡಿಂಗ್ ನಿಂದಾಗುವ ತ್ವಚೆ ಉರಿಯನ್ನು ಕಡಿಮೆ ಮಾಡಬಹುದು.