ಮುಖಕ್ಕೆ ಜೀವ ತುಂಬುತ್ತೆ ಮಣ್ಣಿನ ಲೇಪನ

ಮಣ್ಣಿನ ಫೇಶಿಯಲ್ ನಲ್ಲಿ ಗ್ರೀನ್ ಮಾಸ್ಕ್, ಬಿಳಿ ಮಣ್ಣು ಮತ್ತು ಸಮುದ್ರದ ಮಣ್ಣು ಮುಂತಾದ ಬಗೆಯಿದೆ. ಈ ಮಣ್ಣಿನ ಲೇಪನ ಮೊಡವೆ, ಕಲೆ, ಕೆಂಪು ಗುಳ್ಳೆ, ಉರಿ ಹೀಗೆ ಅನೇಕ ಸಮಸ್ಯೆಗಳನ್ನು ತ್ವಚೆಯ ಒಳ ಹೋಗಿ ಸಂಪೂರ್ಣವಾಗಿ ನಿವಾರಿಸುತ್ತೆ. ಈ ಎಲ್ಲಾ ವಿಧದ ಮಣ್ಣುಗಳು ಅಂಗಡಿಯಲ್ಲಿ ಲಭ್ಯವಿದೆ.

ನೈಸರ್ಗಿಕ ಮಣ್ಣಿನ ಫೇಸ್ ಮಾಸ್ಕ್:

* ಗ್ರೀನ್ ಮಾಸ್ಕ್: ಸೂಕ್ಷ್ಮ ತ್ವಚೆ ಹೊಂದಿದ್ದವರಿಗೆ ಈ ಗ್ರೀನ್ ಮಾಸ್ಕ್ ತುಂಬಾ ಉಪಯುಕ್ತ. ಚರ್ಮಕ್ಕೆ ಯೋಗ್ಯವಾದ ಎಣ್ಣೆಯೊಂದಿಗೆ ಗ್ರೀನ್ ಮಣ್ಣು ಬೆರೆಸಿ ಹಚ್ಚಿಕೊಂಡೆರೆ ತ್ವಚೆ ಒಣಗುವುದನ್ನು ಪರಿಣಾಮಕಾರಿಯಾಗಿ ತಡೆದು ತ್ವಚೆ ತಾಜಾ ಆಗಿರುವಂತೆ ನೋಡಿಕೊಳ್ಳುತ್ತದೆ. ಎಣ್ಣೆ ಚರ್ಮವಿದ್ದವರು ನೀರಿನೊಂದಿಗೆ ಸೇರಿಸಿ ಹಚ್ಚಿಕೊಳ್ಳಬಹುದು. ಸಾಮಾನ್ಯ ತ್ವಚೆಯವರು ಮೊಸರಿನೊಂದಿಗೆ ಹಚ್ಚಿಕೊಳ್ಳಬಹುದು. ತ್ವಚೆ ತಿಳಿಯಾಗಬೇಕೆಂದರೆ ಜೇನಿನೊಂದಿಗೆ ಹಚ್ಚಿಕೊಳ್ಳಬಹುದು.

* ಬಿಳಿ ಮಣ್ಣು: ಮುಖದ ಮೇಲೆ ಮೊಡವೆ ಕಾಣಿಸಿಕೊಂಡರೆ ಈ ಬಿಳಿಮಣ್ಣಿನ ಲೇಪನ ಮಾಡಿ ಎಂದು ಸೌಂದರ್ಯ ತಜ್ಞರು ಸಲಹೆ ನೀಡುತ್ತಾರೆ. ಬಿಳಿ ಮಣ್ಣನ್ನು ಗುಳ್ಳೆಯ ಮೇಲೆ ಹಚ್ಚಿಕೊಂಡರೆ ಅತಿ ಬೇಗನೆ ನಿವಾರಣೆಯಾಗುತ್ತೆ. ಆಪಲ್ ಸೈಡರ್ ವಿನೆಗರ್ ನೊಂದಿಗೆ ಮುಲ್ತಾನಿ ಮಿಟ್ಟಿ ಸೇರಿಸಿ ಹಚ್ಚಿಕೊಂಡರೆ ಬ್ಯಾಕ್ಟೀರಿಯಾ ತೊಲಗಿಸಿ ಗುಳ್ಳೆ ಬರದಂತೆ ನೋಡಿಕೊಳ್ಳುತ್ತದೆ.

* ಕಡಲ ಮಣ್ಣು: ತ್ವಚೆಯನ್ನು ಒಳಗಿನಿಂದಲೇ ಶುದ್ಧಗೊಳಿಸಬೇಕೆಂದಿದ್ದರೆ ಸೀವೀಡ್ ಐಯಾನಿಕ್ ಮಣ್ಣಿನ ಫೇಶಿಯಲ್ ಹೆಚ್ಚು ಸೂಕ್ತ. ಮೊಡವೆ ಉಂಟುಮಾಡುವ ಧೂಳನ್ನು ಬುಡಸಮೇತ ಕಿತ್ತೊಗೆಯಲು ಈ ಫೆಶಿಯಲ್ ಹೆಚ್ಚು ಪರಿಣಾಮಕಾರಿ. ಚಳಿಗಾಲಕ್ಕಂತೂ ಇದು ಹೇಳಿ ಮಾಡಿಸಿದ್ದು.

* ಕೌಲಿನ್ ಮಣ್ಣಿನ ಮಾಸ್ಕ್ : ಕೌಲಿನ್ ಮಣ್ಣಿನ ಮಾಸ್ಕ್ ಪ್ರಸಿದ್ಧ ಮಣ್ಣಿನ ಫೇಶಿಯಲ್. ಇದು ಚೀನೀಯರು ಬಳಸುವಂತಹ ಸೌಂದರ್ಯ ಸಾಮಗ್ರಿಗಳಲ್ಲಿ ಒಂದು. ಚೈನಾದ ಕಯೊಲಿನ್ ಬೆಟ್ಟದಲ್ಲಿ ದೊರೆಯುತ್ತದೆ ಎನ್ನಲಾಗುವ ಈ ಮಾಸ್ಕ್ ಚೀನೀಯರ ತ್ವಚೆಯ ಹಿಂದಿನ ರಹಸ್ಯವಾಗಿದೆ.

ಮಣ್ಣಿನ ಫೇಶಿಯಲ್ ನಿಂದ ಹೆಚ್ಚು ಉಪಯೋಗವನ್ನು ನೀವು ಪಡೆಯಬೇಕೆಂದಿದ್ದರೆ ಮೊದಲು ಆವಿ ತೆಗೆದುಕೊಂಡು ಈ ಮಣ್ಣನ್ನು ಲೇಪಿಸಿಕೊಳ್ಳಬೇಕು