ತ್ವಚೆ ಪೋಷಣೆ ಮಾಡುತ್ತೆ ಈ ವಿನೆಗರ್ ರೆಸಿಪಿ

Skin Care

oi-Reena

By Hema S

Published: Thursday, December 1, 2011, 11:54 [IST]

ತ್ವಚೆ ಅಂದ ಹೆಚ್ಚಿಸುವಲ್ಲಿ ವಿನೆಗರ್ ಪ್ರಮುಖ ಪಾತ್ರವಹಿಸುತ್ತದೆ. ಚಳಿಗಾಲದಲ್ಲಿ ತ್ವಚೆ ಸಮಸ್ಯೆ ಸಾಮಾನ್ಯವಾಗಿದ್ದು ಅವುಗಳನ್ನು ವಿನೆಗರ್ ಬಳಸಿ ಹೋಗಲಾಡಿಸಬಹುದು. ಈ ವಿನೆಗರ್ ಕಡಿಮೆ ಬೆಲೆಯಲ್ಲಿ ಲಭ್ಯವಿದ್ದು ಕೆಮಿಕಲ್ ಬಳಸಿರುವುದಿಲ್ಲ. ಅದರಲ್ಲಿರುವ ಆಸಿಡ್ ಮುಖವನ್ನು ಶುದ್ಧ ಮಾಡಿ , ನಿರ್ಜೀವ ತ್ವಚೆಯನ್ನು ತೆಗೆದು ಹಾಕಿ ಮುಖದ ಕಾಂತಿಯನ್ನು ಹೆಚ್ಚಿಸುತ್ತದೆ.

ವಿನೆಗರ್ ಬಳಸಿ ಅಂದವನ್ನು ಹೆಚ್ಚಿಸಿಕೊಳ್ಳುವುದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ತ್ವಚೆಯ ಪೋಷಣೆ: ವಿನೆಗರ್ ತ್ವಚೆಯಲ್ಲಿನ pH ಪ್ರಮಾಣವನ್ನು ಸಮತೋಲನದಲ್ಲಿ ಇರುವಂತೆ ಮಾಡುತ್ತದೆ. ಆಪಲ್ ಸೈಡರ್ ವಿನಿಗರ್, ನೀರು ಮತ್ತು ಅಡುಗೆ ಸೋಡಾ ಜೊತೆ ಬೆರೆಸಿ ಮುಖಕ್ಕೆ ಹಚ್ಚಿ ತ್ವಚೆಯ ಪೋಷಣೆ ಮಾಡಬಹುದು. ಇದರಲ್ಲಿರುವ ಆಲ್ಫಾ ಹೈಡ್ರಾಕ್ಸಿ ಆಸಿಡ್ ತ್ವಚೆ ಅಂದ ಹೆಚ್ಚಿಸಿ ಮೊಡವೆ ಬರದಂತೆ ತಡೆಯುತ್ತದೆ.

2. ವಿನೆಗರ್ ಫೇಸ್ ಮಾಸ್ಕ್: ವಿನೆಗರ್ ಫೇಸ್ ಮಾಸ್ಕ್ ಮಾಡಿದರೆ ತ್ವಚೆ ಆರೋಗ್ಯ ಹೆಚ್ಚುತ್ತೆ. ಅದಕ್ಕಾಗಿ ಕತ್ತರಿಸಿದ ಆಪಲ್, ಜೇನು, ಮೊಟ್ಟೆಯ ಬಿಳಿ, ವಿನೆಗರ್ ಮತ್ತು ವಿಟಮಿನ್ ಇ ಎಣ್ಣೆ ಬೆರೆಸಿ ಆ ಮಿಶ್ರಣವನ್ನು ಮುಖಕ್ಕೆ ಹಚ್ಚಬೇಕು. ನಂತರ 15 ನಿಮಿಷದ ಬಳಿಕ ತೊಳೆಯಬೇಕು. ಹೀಗೆ ಮಾಡಿ ಚಳಿಗೆ ತ್ವಚೆ ಒಣಗುವುದನ್ನು ತಡೆಗಟ್ಟಬಹುದು.

3. ವಿನೆಗರ್ ಕ್ಲೆನ್ಸರ್: ಕ್ಲೆನ್ಸ್ ಮಾಡಲು ಆಪಲ್ ಸೈಡರ್ ವಿನೆಗರ್ ಅಥವಾ ಬಿಳಿ ವಿನೆಗರ್ ಬಳಸಬಹುದು. ಕಿತ್ತಳೆ ಚಿಪ್ಪೆಯನ್ನು ಚೆನ್ನಾಗಿ ಅರೆದು ಅದರಿಂದ ರಸವನ್ನು ಹಿಂಡಿ, ಆ ರಸವನ್ನು ವಿನೆಗರ್ ಜೊತೆ ಮಿಶ್ರ ಮಾಡಿ ಒಂದು ಗಾಜಿನ ಬಾಟಲಿನಲ್ಲಿ ಸಂಗ್ರಹಿಸಿಟ್ಟುಕೊಳ್ಳಬೇಕು.

4. ವಿನೆಗರ್ ಟೋನರ್: ಹಣ್ಣಾದ ಪಪ್ಪಾಯಿಯನ್ನು ಜ್ಯೂಸ್ ರೀತಿ ಮಾಡಿ ಅದರಲ್ಲಿ ಬೇಕಾದ ಪ್ರಮಾಣದಲ್ಲಿ ಆಪಲ್ ಸೈಡರ್ ವಿನೆಗರ್ ಹಾಕಿ ಗಾಜಿನ ಬಾಟಲಿನಲ್ಲಿ ಸಂಗ್ರಹಿಸಿಟ್ಟುಕೊಳ್ಳಬೇಕು. ಹತ್ತಿಯನ್ನು ಇದರಲ್ಲಿ ಅದ್ದಿ ಮುಖಕ್ಕೆ ಉಜ್ಜಿ ಮುಖದಲ್ಲಿನ ಕೊಳೆ ಮತ್ತು ಮೇಕಪ್ ತೆಗೆಯಬಹುದು.

5. ದುರ್ಗಂಧ ನಿವಾರಣೆ: ಯಾವುದೇ ಸುವಾಸನೆ ಇರುವ ಎಣ್ಣೆಗೆ ವಿನೆಗರ್ ಬೆರೆಸಿ ಅದನ್ನು ಮೈಗೆ ಉಜ್ಜಿದರೆ ದೇಹ ದುರ್ವಾಸನೆ ಬೀರುವುದಿಲ್ಲ. ಸ್ನಾನ ಮಾಡುವ ನೀರಿಗೆ ಒಂದು ಹನಿಯಷ್ಟು ವಿನೆಗರ್ ಹಾಕಿದರೆ ಅದು ದೇಹದಲ್ಲಿ ಬ್ಯಾಕ್ಟೀರಿಯಾದ ವಿರುದ್ಧ ಹೋರಾಡುತ್ತದೆ.