ಆಕ್ಸಿ ಬ್ಲೀಚ್ ನೀಡುತ್ತೆ ಬೆಳ್ಳಗಿನ ತ್ವಚೆ

Skin Care

oi-Reena

By Hema S

Published: Wednesday, November 30, 2011, 11:44 [IST]

ಮುಖದಲ್ಲಿ ಹೊಳಪು ಕಡಿಮೆಯಾಗಿ ಬಿಳುಚಿಕೊಂಡಂತೆ ಆಗಿ ಬ್ಯೂಟಿಷಿಯನ್ ಹತ್ತಿರ ಹೋದರೆ ಆಕ್ಸಿ ಬ್ಲೀಚ್ ಮಾಡಲು ಹೇಳುತ್ತಾರೆ. ಈ ಬ್ಲೀಚ್ ಮಾಡಿಸಿದರೆ ಚರ್ಮದ ರಂಧ್ರಗಳು ಆಮ್ಲಜನಕವನ್ನು ಹೀರಿಕೊಂಡು ತ್ವಚೆಯನ್ನು ಬ್ಲೀಚ್ ಮಾಡಿ ಸುಂದರವಾಗಿ ಕಾಣುವಂತೆ ಮಾಡುತ್ತದೆ. ಈ ಆಕ್ಸಿ ಬ್ಲೀಚ್ ಮನೆಯಲ್ಲಿಯೆ ಮಾಡಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

1. ಹೈಡ್ರೋಜನ್ ಪರಾಕ್ಸೈಡ್, ಪರ್ ಸಲ್ಫೇಟ್ ಅಂಶವಿರುವ ಆಕ್ಸಿ ಬ್ಲೀಚ್ ಕ್ರೀಮ್ ಒಂದು ಪ್ಯಾಕೆಟ್ ತೆಗೆದುಕೊಳ್ಳಬೇಕು.

ಉಪಯೋಗಿಸುವ ಮೊದಲು ಬ್ಲೀಚ್ ಕ್ರೀಮ್ ಕೈಯ ಚರ್ಮಕ್ಕೆ ಹಚ್ಚಿ ಯಾವುದಾದರೂ ತುರಿಕೆ ಉಂಟಾಗುತ್ತದೆಯೆ ಎಂದು ಪರೀಕ್ಷಿಸಿ. ತುರಿಕೆ ಅಥವಾ ಚರ್ಮ ಕೆಂಪಾದರೆ ಮುಖಕ್ಕೆ ಬಳಸಬೇಡಿ.

2. ಬ್ಲೀಚ್ ಕ್ರೀಮ್ ಗೆ ಒಂದು ಚಿಟಿಕೆಯಷ್ಟು ಆಕ್ಟಿವೇಟರ್ ಹಾಕಬೇಕು. ನಂತರ ಅದನ್ನು ಕಣ್ಣು, ಮೂಗು, ಬಾಯಿ ಬಿಟ್ಟು ಮುಖಕ್ಕೆ ಹಚ್ಚಬೇಕು.

3. 10 ನಿಮಿಷದ ಬಳಿಕ ಉತ್ತಮ ಗುಣಮಟ್ಟದ ಸೋಪು ಬಳಸಿ ಮುಖ ತೊಳೆದು ಸನ್ ಸ್ಕ್ರೀನ್ ಲೋಷನ್ ಹಚ್ಚಬೇಕು.

4. ಪ್ರತಿವಾರ ತ್ವಚೆಯನ್ನು ಕ್ಲೆನ್ಸ್, ಮಸಾಜ್ , ಮಾಯಿಶ್ಚರೈಸರ್ ಮಾಡುತ್ತಿರಬೇಕು.

ಆಕ್ಸಿ ಬ್ಲೀಚ್ ನ ಉಪಯೋಗ:

ಆಕ್ಸಿ ಬ್ಲೀಚ್ ಮುಖವನ್ನು ಬೆಳ್ಳಗ್ಗೆ ಮಾಡುತ್ತೆ, ಸೂರ್ಯನ ಕಿರಣಗಳಿಂದ ಮುಖ ಕಪ್ಪಾದರೆ ಅದನ್ನು ಹೋಗಲಾಡಿಸಿ ಮುಖಕ್ಕೆ ಹೊಳಪನ್ನು ನೀಡುತ್ತದೆ.