ಸ್ಟೀಮಿಂಗ್ ತೆಗೆದುಕೊಳ್ಳುವ ಉತ್ತಮವಾದ 3 ಸ್ಟೆಪ್

ನೀರನ್ನು ಅಗಲ ಪಾತ್ರೆಯಲ್ಲಿ ಬಿಸಿ ಮಾಡಿ 10-15 ನಿಮಿಷ ಹಬೆ ತೆಗೆದುಕೊಳ್ಳುವುದು ಸುಲಭ ವಿಧಾನ. ಆದರೆ ಹಬೆ ತೆಗೆದುಕೊಳ್ಳುವುದರಲ್ಲೂ ಅನೇಕ ಬಗೆಯಿದೆ. ತ್ವಚೆಯ ಪೋಷಣೆಗಾಗಿ ಅನೇಕ ಸ್ಟೀಮ್ ಫೇಶಿಯಲ್ ಲಭ್ಯವಿದೆ. ಅದು ಹೇಗೆಂದು ಇಲ್ಲಿ ತಿಳಿದುಕೊಳ್ಳಿ.

1. ಸಾಮಾನ್ಯ ತ್ವಚೆಯವರಿಗೆ: ಪುದೀನಾ ಎಲೆ, ನಿಂಬೆರಸ ಅಥವಾ ಗುಲಾಬಿ ದಳವನ್ನು ಬಿಸಿ ನೀರಿಗೆ ಸೇರಿಸಿ ಅದರ ಹಬೆಯನ್ನು ತೆಗೆದುಕೊಂಡರೆ ಚರ್ಮ ಮೃದುಗೊಳ್ಳುವುದಲ್ಲದೆ ನೈಸರ್ಗಿಕವಾಗಿ ಸುಂದರಗೊಳ್ಳುತ್ತದೆ.

2. ಒಣ ತ್ವಚೆಯವರಿಗೆ: ಒಣತ್ವಚೆಯಿದ್ದವರು ಚಮೊಮೈಲ್ ಎಣ್ಣೆಯೊಂದಿಗೆ ಸೊಂಪಿನ ಬೀಜವನ್ನು ಬಿಸಿ ನೀರಿನಲ್ಲಿ ಹಾಕಿ ಹಬೆ ತೆಗೆದುಕೊಂಡರೆ ಒಳ್ಳೆಯದು. ಸೂಕ್ಷ್ಮ ತ್ವಚೆಯಿದ್ದವರಿಗಂತೂ ಇದು ತುಂಬಾ ಸೂಕ್ತ. ಈ ಸ್ಟೀಮ್ ಫೇಶಿಯಲ್ ಮಾಡುವ ಮುನ್ನ ಮುಖವನ್ನು ಚೆನ್ನಾಗಿ ತೊಳೆದುಕೊಳ್ಳಬೇಕು.

3. ಮೊಡವೆ ಇದ್ದವರಿಗೆ: ತುಳಸಿ ಎಲೆ, ಸಬ್ಬಸಿಗೆ ಸೊಪ್ಪು, ಪಾರಿಜಾತ ಹೂವು ಇವುಗಳನ್ನು ಬೆರೆಸಿ ಹಬೆ ತೆಗೆದುಕೊಂಡರೆ ಒಳ್ಳೆಯದು. ಪುದೀನಾ ಮತ್ತು ನಿಂಬೆರಸವನ್ನು ಸೇರಿಸಿ ಹಬೆ ತೆಗೆದುಕೊಂಡರೆ ಕಲೆಗಳೂ ಬೇಗನೆ ನಿವಾರಣೆಯಾಗುತ್ತದೆ.