ಚಳಿಗಾಲದಲ್ಲಿ ಶುಷ್ಕ ತ್ವಚೆಗೆ ಗುಡ್ ಬೈ ಹೇಳಿ

Skin Care

oi-Sumalatha

By Sumalatha

Published: Thursday, November 10, 2011, 9:58 [IST]

ಮೃದು ಮತ್ತು ತಾಜಾ ತ್ವಚೆ ಸೌಂದರ್ಯದ ಸಂಕೇತ. ಹೊಳೆಯುವ ಮತ್ತು ಆರೋಗ್ಯವಂತ ತ್ವಚೆಯನ್ನು ಚಳಿಗಾಲದಲ್ಲೂ ಕಾಪಾಡಿಕೊಳ್ಳುವುದು ಸುಲಭವಲ್ಲ. ಈ ಕಾಲದಲ್ಲ ತ್ವಚೆ ಬೇಗನೆ ಶಿಷ್ಕತನ ಹೊಂದುತ್ತದೆ. ಆದ್ದರಿಂದ ಈ ಸಮಸ್ಯೆ ಪರಿಹರಿಸಿಕೊಂಡು ಮಗುವಿನಂತಹ ಮೃದು ತ್ವಚೆ ಪಡೆಯಲು ಕೆಲವು ಟಿಪ್ಸ್ ಇಲ್ಲಿ ನೀಡಲಾಗಿದೆ.

ಮೃದು ತ್ವಚೆ ಪಡೆಯುವ ಕೆಲವು ವಿಧಾನ:

ಮಾಯಿಶ್ಚರೈಸರ್: ದಿನಕ್ಕೆ ಎರಡು ಬಾರಿ ಮಾಯಿಶ್ಚರೈಸರ್ ಹಚ್ಚಿಕೊಳ್ಳಬೇಕು. ತ್ವಚೆ ನಿರ್ಜೀವವಾಗಿ ಕಾಣಲು ಒಣಗಿದ ತ್ವಚೆಯೂ ಕಾರಣ. ಅದಕ್ಕಾಗಿ ಮಾಯಿಶ್ಚರೈಸರ್ ನಿಂದ ಚರ್ಮ ನಿರ್ಜಲೀಕರಣಗೊಳ್ಳುವುದರಿಂದ ತಪ್ಪಿಸಿಕೊಳ್ಳಬಹುದು. ಸ್ನಾನವಾದ ತಕ್ಷಣವೇ ಮಾಯಿಶ್ಚರೈಸರ್ ಹಚ್ಚಿಕೊಳ್ಳಿ.

ಕ್ಲೆನ್ಸಿಂಗ್: ಮೃದು ತ್ವಚೆ ಹೊಂದಲು ಇದೊಂದು ಸುಲಭ ವಿಧಾನ. ಕ್ಲೆನ್ಸಿಂಗ್ ಮಾಡಿಕೊಳ್ಳುವುದರಿಂದ ಚರ್ಮದಲ್ಲಿನ ನಿರ್ಜೀವ ಕಣಗಳನ್ನು ಹೊಗಿಸುತ್ತದೆ. ದಿನವೂ ಕ್ಲೆನ್ಸಿಂಗ್ ಮಾಡಿಕೊಳ್ಳುವುದನ್ನು ಮರೆಯಬೇಡಿ. ಜೊತೆಗೆ ಬಾಡಿ ಲೋಶನ್ ನನ್ನೂ ದಿನವೂ ಹಚ್ಚಿಕೊಳ್ಳಬೇಕು.

ಎಣ್ಣೆ ಮಸಾಜ್ : ತ್ವಚೆಗೆ ಮಾಯಿಶ್ಚರೈಸರ್ ನೀಡಲು ಎಣ್ಣೆಯನ್ನೂ ಹಚ್ಚಿಕೊಳ್ಳಬಹುದು. ಬಾದಾಮಿ ಅಥವಾ ಆಲಿವ್ ಎಣ್ಣೆಯನ್ನು ಸ್ನಾನದ ನಂತರ ಕೈ, ಕಾಲು, ಕುತ್ತಿಗೆಗೆ ಹಚ್ಚಿಕೊಳ್ಳಬೇಕು. ಸ್ನಾನಕ್ಕೆ ಮುನ್ನ ಮುಖಕ್ಕೆ ಹಚ್ಚಿಕೊಂಡು ಸ್ನಾನ ಮಾಡಬೇಕು. ಮೊಣ ಕೈ, ಅಂಗೈ ಮತ್ತು ಮೊಣಕಾಲಿಗೆ ಹೆಚ್ಚು ಎಣ್ಣೆಯನ್ನು ಹಚ್ಚಿಕೊಳ್ಳಿ.

ಹೆಚ್ಚು ನೀರು ಸೇವಿಸಿ: ಮೃದು ತ್ವಚೆ ನಿಮ್ಮದಾಗಬೇಕೆಂದರೆ ಹೆಚ್ಚು ನೀರನ್ನು ಕುಡಿಯಬೇಕು. ದಿನವೂ 7-8 ಲೋಟ ನೀರನ್ನು ಸೇವಿಸುವುದರಿಂದ ಚರ್ಮದಲ್ಲಿ ನೀರಿನ ಅಂಶ ಹೆಚ್ಚಾಗಿ ಒಣಗುವಿಕೆಯನ್ನು ತಡೆಯುತ್ತದೆ. ತಣ್ಣಗಿನ ಅಥವಾ ಬೆಚ್ಚಗಿನ ನೀರಿನಲ್ಲಿ ಮುಖ ಕೈಕಾಲನ್ನು ದಿನಕ್ಕೆ ಎರಡು ಬಾರಿ ತೊಳೆದುಕೊಳ್ಳಬೇಕು. ತುಂಬಾ ಬಿಸಿ ನೀರು ತ್ವಚೆಯನ್ನು ಶುಷ್ಕ ಮತ್ತು ಒಣ ತ್ವಚೆಯನ್ನಾಗಿ ಮಾಡುತ್ತದೆ.