ನೈಜ ಅಂದಕ್ಕಾಗಿ ನೈಸರ್ಗಿಕ ಮಾಯಿಶ್ಚರ್

Skin Care

oi-Reena

By Hema S

Published: Monday, November 7, 2011, 16:24 [IST]

ಚಳಿಗಾಲದಲ್ಲಿ ತ್ವಚೆ ಒಣಗಿದಂತೆ ಆಗುವ ಸಮಸ್ಯೆಗಳು ಹೆಚ್ಚು, ಆದ್ದರಿಂದ ಮುಖವನ್ನು ತೇವವಾಗಿ ಮತ್ತು ಹೊಳೆಯುವಂತೆ ಇಡಲು ಮಾಯಿಶ್ಚರ್ ಅನ್ನು ಬಳಸುವುದು ಸೂಕ್ತ. ಆದರೆ ಈ ಮಾಯಿಶ್ಚರ್ ಅನ್ನು ಮನೆಯಲ್ಲಿಯೆ ತಯಾರಿಸಿ ಹಚ್ಚುವುದರಿಂದ ತ್ವಚೆಯು ಕೆಮಿಕಲ್ ಬಳಕೆಯಿಂದ ಮುಕ್ತವಾಗಿ ಹೊಳೆಯುವ ತ್ವಚೆ ನಿಮ್ಮದಾಗುವುದು.

ಮನೆಯಲ್ಲಿ ಈ ಕೆಳಗಿನ ವಿಧಾನಗಳನ್ನು ಪಾಲಿಸಿ ಮಾಯಿಶ್ಚರ್ ಅನ್ನು ಸಿದ್ಧ ಪಡಿಸಿಕೊಳ್ಳಬಹುದಾಗಿದೆ.

1. ಹಾಲಿನ ಕೆನೆಯು ಅತ್ಯುತ್ತಮವಾದ ಮಾಯಿಶ್ಚರ್ ಆಗಿದ್ದು ಅದನ್ನು ರೋಸ್ ವಾಟರ್ ನಲ್ಲಿ ಬೆರೆಸಿ ಹಚ್ಚಬಹುದಾಗಿದೆ.

2. ಎರಡು ಚಮಚ ಹಾಲಿಗೆ ದ್ರಾಕ್ಷಿ ಬೀಜದ ಎಣ್ಣೆ, ಟೀ ಟ್ರೀ ಎಣ್ಣೆ, ಮತ್ತು ಮೊಟ್ಟೆಯ ಬಿಳಿಯನ್ನು ನಿಶ್ರ ಮಾಡಿ ಹಚ್ಚಿ ಹತ್ತು ನಿಮಿಷದ ಬಳಿಕ ಹದ ಬಿಸಿ ನೀರಿನಿಂದ ತೊಳೆಯಬೇಕು. ಇದರಿಂದಾಗಿ ತ್ವಚೆಯಲ್ಲಿ ನೀರಿನಂಶವನ್ನು ಸಮತೋಲದಲ್ಲಿಡಲು ಸಹಾಯ ಮಾಡುತ್ತದೆ.

3. ಒಂದು ಚಮಚ ಶುಂಠಿ ರಸಕ್ಕೆ ಹಾಲಿನ ಕೆನೆ ಅಥವಾ ತುಪ್ಪ ಬೆರೆಸಿ ಅದನ್ನು ಕೈ-ಕಾಲುಗಳಿಗೆ ಹಚ್ಚಿ 5 ನಿಮಿಷದ ಬಳಿಕ ಕಡಲೆ ಹಿಟ್ಟಿನಿಂದ ತೊಳೆಯಬೇಕು.

4. ಕಿತ್ತಳೆ ರಸವನ್ನು ಸ್ವಲ್ಪ ಮೊಸರಿಗೆ ಹಾಕಿ ಅದನ್ನು ಮುಖಕ್ಕೆ ಹಚ್ಚಿ ಸ್ವಲ್ಪ ಹೊತ್ತು ಬಿಟ್ಟು ತೊಳೆದರೆ ಮುಖ ಸಾಯಂಕಾಲದವರೆಗೆ ಹೊಳಪಿನಿಂದ ಕಾಣುತ್ತೇವೆ.

5. ಜೇನನ್ನು ಮುಖಕ್ಕೆ ಹಚ್ಚುವುದು ತುಂಬಾ ಒಳ್ಳೆಯದು, ಇದೇ ಜೇನಿಗೆ ಸ್ವಲ್ಪ ಚಕ್ಕೆ ಬೆರೆಸಿ ಹಾಕಿದರೆ ಮೊಡವೆ ಸಮಸ್ಯೆ ಸಹ ಕಾಣಿಸಿಕೊಳ್ಳುವುದಿಲ್ಲ.

ಈ ರೀತಿಯ ಮಾಯಿಶ್ಚರ್ ಅನ್ನು ಬಳಸಿ ಚಳಿಗಾಲದಲ್ಲಿ ತ್ವಚೆಯನ್ನು ರಕ್ಷಿಸಿ.