ರಾತ್ರಿ ಹೊತ್ತು ಮುಖಕ್ಕೆ ಕ್ರೀಂ ಹಚ್ಚಿಕೊಂಡರೆ ಏನಾಗುತ್ತೆ?

ರಾತ್ರಿಯ ಹೊತ್ತು ಹಚ್ಚಿಕೊಳ್ಳುವ ಕ್ರೀಂಗಳು ಮಾಮೂಲಿ ಕ್ರೀಂಗಳಿಗಿಂತ ಹೆಚ್ಚು ಪರಿಣಾಮ ಬೀರುತ್ತದೆ. ರಾತ್ರಿಯ ಹೊತ್ತು ಹಚ್ಚಿಕೊಳ್ಳುವ ಕೋಲ್ಡ್ ಕ್ರೀಂ, ಮೊಡವೆಗಳಿಗೆ ಹಚ್ಚಿಕೊಳ್ಳುವ ಕ್ರೀಂಗಳು ಪರಿಣಾಮಕಾರಿ ಫಲಿತಾಂಶ ನೀಡುತ್ತವೆ. ತ್ವಚೆಯನ್ನು ಹೆಚ್ಚು ಪೋಷಿಸುತ್ತವೆ.

ಇಂತಹ ಕ್ರೀಂಗಳಿಂದ ನಿಮ್ಮ ತ್ವಚೆ ಕಳೆಗುಂದುವುದನ್ನು ತಡೆಯಬಹುದು ಮತ್ತು ತ್ವಚೆಯಿಂದ ನಿರ್ಜೀವ ಕಣಗಳನ್ನು ತೊಲಗಿಸಬಹುದು ಎಂದು ಸೌಂದರ್ಯ ತಜ್ಞರು ತಿಳಿಸಿದ್ದಾರೆ.

ಹಗಲಿಗಿಂತ ರಾತ್ರಿಯ ಹೊತ್ತು ಕ್ರೀಂಗಳನ್ನು ಹಚ್ಚಿಕೊಂಡರೆ, ನಾವು ವಿಶ್ರಾಂತ ಸ್ಥಿತಿಯಲ್ಲಿರುವುದರಿಂದ ಕ್ರೀಂ ತ್ವಚೆಯ ಒಳಭಾಗಕ್ಕೆ ಹೋಗಿ ಚರ್ಮ ಮೃದುಗೊಳ್ಳಲು ಹೆಚ್ಚು ಸಹಕರಿಸುತ್ತದೆ ತಿಳಿದುಬಂದಿದೆ.

ಮಲಗುವಾಗ ದೀರ್ಘ ಉಸಿರಾಡುವುದರಿಂದ ಹೊಸ ಜೀವಕಣಗಳು ಸೃಷ್ಟಿಯಾಗಿ ತ್ವಚೆಗೆ ತಾಜಾತನ ನೀಡುತ್ತದೆ ಎನ್ನಲಾಗಿದೆ. ಆದರೆ ಒಂದು ಅಂಶ ನೆನಪಿರಲಿ, ಮಲಗುವ ಮುನ್ನ ಕಣ್ಣಿನ ಮೇಲೆ ಮತ್ತು ಅಕ್ಕ ಪಕ್ಕ ಕ್ರಿಂಗಳನ್ನು ಹಚ್ಚಿಕೊಳ್ಳಬಾರದು. ಇದರಿಂದ ಬೆಳಗ್ಗೆ ಏಳುವಷ್ಟರಲ್ಲಿ ಕಣ್ಣಿನ ಸುತ್ತ ಊತ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.