ಯಾವ ಕಾಲಕ್ಕೆ ಯಾವ ಫೇಶಿಯಲ್ ಸೂಕ್ತ?

ಯಾವ ಕಾಲಕ್ಕೆ ಯಾವ ಫೇಶಿಯಲ್ ಸೂಕ್ತ?

* ಚಳಿಗಾಲಕ್ಕೆ ಹಣ್ಣಿನ ಫೇಶಿಯಲ್: ಚಳಿಗಾಲದಲ್ಲಿ ಚರ್ಮ ಒಣಗುವಿಕೆ ಮತ್ತು ಗಡುಸಾಗುವಿಕೆ ಸಮಸ್ಯೆ ಸಾಮಾನ್ಯ. ಆದ್ದರಿಂದ ಈ ಸಮಸ್ಯೆಗೆ ಹಣ್ಣಿನ ಫೇಶಿಯಲ್ ಹೆಚ್ಚು ಸೂಕ್ತ. ಹಣ್ಣಿನಲ್ಲಿರುವ ತೇವಾಂಶ ತ್ವಚೆಗೆ ಜೀವ ತುಂಬುತ್ತದೆ.

ಫೇಶಿಯಲ್: ಕಿವುಚಿದ ಬೆಣ್ಣೆಹಣ್ಣು, ಜೇನು, ಕೆನೆ ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು 10 ನಿಮಿಷದ ನಂತರ ತೊಳೆದುಕೊಂಡರೆ ಚಳಿಗಾಲದಲ್ಲಿ ನಿಮ್ಮ ತ್ವಚೆ ತಾಜಾ ಆಗಿರುತ್ತದೆ. ಫೇಶಿಯಲ್ ತೊಳೆದ ನಂತರ ಜಾನ್ಸನ್ ಬೇಬಿ ಲೋಶನ್ ಹಚ್ಚಿಕೊಂಡರೆ ತ್ವಚೆಯ ಮೃದುತ್ವ ಹೆಚ್ಚಾಗುತ್ತದೆ.

* ಬೇಸಿಗೆಗೆ ಪ್ಯಾರಾಫಿನ್ ಫೇಶಿಯಲ್: ಬೇಸಿಗೆಯಲ್ಲಿ ಸೂರ್ಯನ ಕಿರಣಗಳಿಂದಾಗಿ ಚರ್ಮ ಕಪ್ಪಗಾಗುವುದು ಸಹಜ. ಇದಕ್ಕೆ ಸೂಕ್ತ ಪರಿಹಾರವೆಂದರೆ ಪ್ಯಾರಾಫಿನ್ ಫೇಶಿಯಲ್. ಇದು ತ್ವಚೆಯನ್ನು ಬೆಳ್ಳಗೆ ಮಾಡುತ್ತದೆ.

ಫೇಶಿಯಲ್: ಪ್ಯಾರಾಫಿನ್ ಕ್ರೀಂ ಅನ್ನು ಮುಖದ ಮೇಲೆ ಮಸಾಜ್ ಮಾಡಿ ಹಾಳೆಯನ್ನು ಹೊದಿಸಿ ಅದರ ಮೇಲೆ ಪ್ಯಾರಾಫಿನ್ ವ್ಯಾಕ್ಸ್ ಹಾಕಲಾಗುತ್ತದೆ. ಹೀಗೆ ಮಾಡುವುದರಿಂದ ಕ್ರೀ ಚರ್ಮದ ಒಳಗೆ ಬೇಗನೆ ಹೋಗಿ ತ್ವಚೆಯನ್ನು ಒಳಗಿನಿಂದಲೇ ಕಾಂತಿಯುತಗೊಳಿಸುತ್ತದೆ. ಇದನ್ನು ಹೆಚ್ಚಾಗಿ ಬ್ಯೂಟಿ ಪಾರ್ಲರ್ ಗಳಲ್ಲಿ ಮಾಡಲಾಗುತ್ತದೆ.

* ಮಳೆಗಾಲದಲ್ಲಿ ಪರ್ಲ್ ಫೇಶಿಯಲ್: ಮಳೆಗಾಲದಲ್ಲಿ ಚರ್ಮ ನಿರ್ಜೀವವಾದಂತೆ ಕಾಣಿಸುತ್ತದೆ ಮತ್ತು ಮೊಡವೆಗಳು ಏಳುತ್ತವೆ. ಈ ಕಾಲದಲ್ಲಿ ಸೂರ್ಯನ ಕಿರಣಗಳಿಂದ ಸಿಗುವ ವಿಟಮಿನ್ ಡಿ ಲಭ್ಯವಿಲ್ಲದಿರುವುದರಿಂದ ಚರ್ಮ ನಿಸ್ತೇಜಗೊಳ್ಳುತ್ತದೆ. ಮಳೆಗಾಲಕ್ಕೆ ಸೂಕ್ತ ಫೇಶಿಯಲ್ ಎಂದರೆ ಪರ್ಲ್ ಫೇಶಿಯಲ್. ಮುತ್ತಿನಂಥ ಸ್ಪಷ್ಟತೆ ಮತ್ತು ಹೊಳಪನ್ನು ನೀಡುವಲ್ಲಿ ಈ ಫೇಶಿಯಲ್ ಹೆಚ್ಚು ಸಹಾಯಕ.

ಫೇಶಿಯಲ್: ಆಲಿವೆ ಎಣ್ಣೆಯೊಂದಿಗೆ ಪರ್ಲ್ ಪೌಡರ್ ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು 10-12 ನಿಮಿಷ ಬಿಟ್ಟು ತೇವದ ಬಟ್ಟೆಯಿಂದ ಒರೆಸಿಕೊಂಡರೆ ಮುಖ ಸ್ಪಷ್ಟ ಮತ್ತು ತಾಜಾ ಆಗುತ್ತದೆ.