ಚೆಂದುಳ್ಳಿ ಚೆಲುವೆಗೆ ಮೊಡವೆಯ ನಂಟೇಕೆ?

Skin Care

oi-Reena

By Hema S

Published: Monday, October 24, 2011, 10:58 [IST]

ನಾಳೆ ಯಾವುದಾದರೂ ಸಮಾರಂಭವಿರುತ್ತದೆ, ಆಕರ್ಷಕವಾಗಿ ಮೇಕಪ್ ಮಾಡಿ ಚೆಂದ ಕಾಣಬೇಕು ಎಂದು ಬಯಸಿರುತ್ತಾರೆ ಅಷ್ಟರಲ್ಲಿ ಮುಖದ ಮೇಲೆ ಮೊಡವೆ ನಿಮ್ಮ ಜೊತೆ ನಾನು ಬರುವೆ ಎಂಬಂತೆ ಎದ್ದು ನಿಂತಿರುತ್ತದೆ. ಅದನ್ನು ನೋಡಿದ ತಕ್ಷಣ ಸಮಾರಂಭಕ್ಕೆ ಹೋಗಬೇಕೆಂಬ ಉತ್ಸಾಹ ಟುಸ್ ಆಗಿ ಇದನ್ನು ಹೇಗಪ್ಪ ಹೋಗಿಸುವುದು ಎಂಬ ಚಿಂತೆ ಸುರುವಾಗ ತೊಡಗಿತ್ತದೆ.

ಹಾಗಂತ ಚಿಂತೆ ಬೇಡ ಈ ಕೆಳಗಿನಂತೆ ಮಾಡಿದರೆ ಒಂದು ದಿನದಲ್ಲಿಯೆ ಮೊಡವೆ ಮಾಯವಾಗಿ ಮುಖದ ಅಂದ ಹೆಚ್ಚುವುದು.

1. ಮುಖದಲ್ಲಿ ಮೊಡವೆ ಬಂದರೆ ಚಿವುಟ ಬಾರದು, ಚಿವುಟಿದರೆ ಮುಖದಲ್ಲಿ ಮೊಡವೆ ಹೆಚ್ಚಾಗುವುದು, ಅಲ್ಲದೆ ಮೊಡವೆಯನ್ನು ಟವಲ್ ನಿಂದ ಉಜ್ಜ ಬಾರದು.

2. ಮುಖಕ್ಕೆ ಗಂಧವನ್ನು ಹಚ್ಚಿ 3-4 ಗಂಟೆಗಳ ಕಾಲ ಒಣಗಲು ಬಿಟ್ಟು ನಂತರ ತಣ್ಣೀರಿನಿಂದ ಮುಖ ತೊಳೆಯಬೇಕು. ಹೀಗೆ ಮಾಡಿದರೆ ಮೊಡವೆಯು ಬರುವುದಿಲ್ಲ, ಅಲ್ಲದೆ ತ್ವಚೆಯು ಕಾಂತಿಯುತವಾಗುವುದು.

3. ರೋಸ್ ವಾಟರ್ ಮುಖಕ್ಕೆ ಹಚ್ಚುವುದರಿಂದ ಮುಖದ ಕಾಂತಿ ಹೆಚ್ಚಾಗುತ್ತದೆ, ರೋಸ್ ವಾಟರ್ ಅನ್ನು ಗಂಧದ ಜೊತೆ ಬೆರೆಸಿ ಹಚ್ಚುವುದು ತುಂಬಾ ಒಳ್ಳೆಯದು.

4. ಮುಲ್ತಾನಿ ಮಿಟಿಯನ್ನು ರೋಸ್ ವಾಟರ್ ಮತ್ತು ಗಂಧದೊಂದಿಗೆ ಬೆರೆಸಿ 15-20 ನಿಮಿಷ ಇಟ್ಟು ತೊಳೆಯಬೇಕು , ಹೀಗೆ 2-3 ದಿನ ಮಾಡಿದರೆ ಮೊಡವೆ ಮಾಯವಾಗುವುದು.

5. ಮಲುಗುವ ಮುಂಚೆ ಟೂತ್ ಪೇಸ್ಟ್ ಅನ್ನು ಮೊಡವೆಗೆ ಹಾಕಿ ನಂತರ ಬೆಳಗ್ಗೆ ತಣ್ಣೀರಿನಲ್ಲಿ ಮುಖ ತೊಳೆಯಬೇಕು.

6. ಮೊಡವೆ ನಿವಾರಣೆಗೆ ನಿಂಬೆ ರಸ ಹಚ್ಚುವುದು ಬಹಳ ಒಳ್ಳೆಯದು, ಒಂದು ವೇಳೆ ನಿಂಬೆ ರಸ ಹಚ್ಚುವುದರಿಂದ ತುಂಬಾ ಉರಿ ಉಂಟಾದರೆ ಅದನ್ನು ನೀರು ಅಥವಾ ಗಂಧದೊಂದಿಗೆ ಬೆರೆಸಿ ಹಾಕಿದರೆ ಉರಿಯುವುದಿಲ್ಲ.

8. ಚಕ್ಕೆ ಮತ್ತು ಜೇನಿನ ಪೇಸ್ಟ್ ಮಾಡಿ ಹಚ್ಚುವುದರಿಂದ ಮೊಡವೆ ಬರದಂತೆ ತಡೆಯಬಹುದು.