ಮನೆಯಲ್ಲೇ ಮಾಡಬಹುದು ಚಾಕಲೇಟ್ ಫೇಶಿಯಲ್

Skin Care

oi-Sumalatha

By Sumalatha

Published: Friday, October 21, 2011, 10:58 [IST]

ಚಾಕಲೇಟ್ ಫೇಶಿಯಲ್ ಇತ್ತೀಚೆಗೆ ಹೆಚ್ಚು ಪ್ರಚಲಿತದಲ್ಲಿದೆ. ಸುಕ್ಕನ್ನು ತಡೆದು, ಚರ್ಮಕ್ಕೆ ಕಾಂತಿ ನೀಡುವ ಚಾಕಲೇಟ್ ಫೇಶಿಯಲ್ ಮಾಡಿಸಿಕೊಳ್ಳಲು ಪಾರ್ಲರ್ ಗೇ ಹೋಗಬೇಕೆಂದೇನಿಲ್ಲ, ಮನೆಯಲ್ಲೂ ಕೂಡ ಚಾಕಲೇಟ್ ಫೇಶಿಯಲ್ ಸುಲಭವಾಗಿ ತಯಾರಿಸಿಕೊಳ್ಳಬಹುದು. ಹೇಗೆ ಎಂದು ತಿಳಿದುಕೊಳ್ಳಿ.

ಚಾಕಲೇಟ್ ಫೇಶಿಯಲ್ ಗೆ ಏನು ಬೇಕು?
* 1 ಕಪ್ ಡಾರ್ಕ್ ಕೋಕೊ ಪೌಡರ್ ಅಥವಾ ಚಾಕಲೇಟ್ ಬಾರ್
* 1/2 ಕಪ್ ಹಾಲು
* 1/2 ಕಪ್ ಜೇನು
* 2 ಚಮಚ ಓಟ್ ಪೌಡರ್
* 1/2 ಕಪ್ ಕೆನೆ (ಬೇಕಿದ್ದರೆ)

ಚಾಕಲೇಟ್ ಫೇಶಿಯಲ್ ಮಾಡಿಕೊಳ್ಳುವ ವಿಧಾನ:
* ಮೊದಲು ಮುಖವನ್ನು ಚೆನ್ನಾಗಿ ತೊಳೆದುಕೊಳ್ಳಬೇಕು. (ಸ್ಕ್ರಬ್ ನಿಂದ ಶುದ್ಧಗೊಳಿಸಿದರೆ ಉತ್ತಮ)

* ಕೋಕೊ ಪೌಡರ್ ಉಪಯೋಗಿಸುವುದಾದರೆ ಬೆಚ್ಚಗಿನ ಹಾಲಿನೊಂದಿಗೆ ಬೆರೆಸಬಹುದು. ಕೋಕೊ ಪೌಡರ್ ಇರದಿದ್ದರೆ ಚಾಕಲೇಟ್ ಬಾರ್ ಅನ್ನು ಹಾಲಿನಲ್ಲಿ ಹಾಕಿ ಬಿಸಿ ಮಾಡಿದರೆ ಕರಗುತ್ತದೆ.

* ಕೋಕೊ ಪೌಡರ್ ಅಥವಾ ಚಾಕಲೇಟ್ ಬಾರ್ ಯಾವುದಾದರೂ ಉಪಯೋಗಿಸಿದರೂ ಸರಿಯೆ, ಅದಕ್ಕೆ ಡಾರ್ಕ್ ಚಾಕಲೇಟನಣೇ ಉಪಯೋಗಿಸಬೇಕು. ಏಕೆಂದರೆ ಇದರಲ್ಲಿ ತ್ವಚೆಗೆ ತಾಜಾತನ ನೀಡುವ ಅಂಶ ಹೆಚ್ಚಿರುತ್ತದೆ.

* ಕೋಕೊ ಮತ್ತು ಹಾಲಿನ ಮಿಶ್ರಣ ಸ್ವಲ್ಪ ತಣ್ಣಗಾದ ನಂತರ ಓಟ್ ಮತ್ತು ಜೇನನ್ನು ಬೆರೆಸಿಕೊಳ್ಳಬೇಕು. ಬೇಕಿದ್ದರೆ ಹಾಲಿನ ಕೆನೆ ಹಾಕಬಹುದು. ಇವೆಲ್ಲಾ ಮಿಶ್ರಣವನ್ನು ಪೇಸ್ಟ್ ಆಗುವಂತೆ ಚೆನ್ನಾಗಿ ಕದಡಬೇಕು.

* ಈಗ ಈ ಮಿಶ್ರಣವನ್ನು ಮುಖಕ್ಕೆ ಮತ್ತು ಕುತ್ತಿಗೆ ಭಾಗಕ್ಕೆ ಹಚ್ಚಿಕೊಳ್ಳಬೇಕು. ಇದನ್ನು 7-10 ನಿಮಿಷ ಒಣಗುವವರೆಗು ಕಾಯಬೇಕು.

* ಕೊನೆಗೆ ಬಿಸಿ ನೀರಿನಲ್ಲಿ ಅದ್ದಿದ ಬಟ್ಟೆಯಿಂದ ನಿಮ್ಮ ಮುಖವನ್ನು ಒರೆಸಿಕೊಳ್ಳಬೇಕು.

ಈಗ ಕನ್ನಡಿ ನೋಡಿಕೊಂಡರೆ ನಿಮಗೇ ವ್ಯತ್ಯಾಸ ಗೋಚರಿಸುತ್ತದೆ. ಆದರೆ ಬಿಸಿಯಿದ್ದ ಫೇಶಿಯಲ್ ಹಾಕಿಕೊಳ್ಳಬಾರದು. ಇದರಿಂದ ವ್ಯತಿರಿಕ್ತ ಪರಿಣಾಮ ಬೀರಬಹುದು.