ಸಿಗರೇಟ್ ನಿಂದ ಸೌಂದರ್ಯ ಸುಟ್ಟು ಬೂದಿಯಾದೀತು!

Skin Care

oi-Reena

By Hema S

Updated: Friday, October 4, 2013, 15:24 [IST]

ಸಿಗರೇಟ್ ಕೈಯಲ್ಲಿ ಹಿಡಿದು ಅದರಿಂದ ಹೊಗೆಯನ್ನು ಬಿಡುವುದನ್ನು ಫ್ಯಾಷನ್ ಎಂದು ಭಾವಿಸುತ್ತಾರೆ. ನಗರ ಪ್ರದೇಶದಲ್ಲಿ ಓದುವ ಕೆಲವು ಕಾಲೇಜು ಕನ್ಯೆಯರು ಸಿಗರೇಟು ಸೇವನೆ ಒಂದು ಟ್ರೆಂಡ್ ಮತ್ತು ಥ್ರಿಲ್ ಎಂದು ತಪ್ಪಾಗಿ ಅರ್ಥೈಹಿಸಿ ಕೊಂಡಿರುತ್ತಾರೆ. ಆದರೆ ಸಿಗರೇಟ್ ಸೇವನೆ ಆರೋಗ್ಯದ ಮೇಲೆ ಮಾತ್ರವಲ್ಲ, ಸೌಂದರ್ಯವನ್ನು ಕೆಡಿಸುತ್ತದೆ.

1. ಸಿಗರೇಟ್ ಸೇವನೆಯಿಂದ 20-25 ವರ್ಷಕ್ಕೆಲ್ಲ ಮುಖದ ಮೇಲೆ ನೆರಿಗೆಗಳು ಕಾಣಿಸಿ ಕೊಳ್ಳತೊಡಗುತ್ತವೆ.

2. ಈ ರೀತಿಯ ನೆರಿಗೆಗಳು ಬಾಯಿಯ ಸಮೀಪ ಕಾಣಿಸಿಕೊಳ್ಳುತ್ತದೆ. ಮುಖದ ಕಾಂತಿ ಕಡಿಮೆಯಾಗಿ ಮುಖ ತನ್ನ ಲಕ್ಷಣವನ್ನು ಕಳೆದುಕೊಳ್ಳ ತೊಡಗುತ್ತದೆ.

3. ಕಣ್ಣಿನ ಸುತ್ತ ಕಪ್ಪು ವರ್ತುಲಗಳು ಕಾಣಿಸಿಕೊಳ್ಳತೊಡಗುತ್ತದೆ. ಏಕೆಂದರೆ ಧೂಮಪಾನದಿಂದಾಗಿ ಕಣ್ಣಿನ ಸುತ್ತವಿರುವ ನರಗಳ ಮೇಲೆ ಕೆಟ್ಟ ಪರಿಣಾಮ ಬೀರುವುದರಿಂದ ಈ ರೀತಿ ಉಂಟಾಗುತ್ತದೆ.

4. ಹಲ್ಲಿನ ಬಣ್ಣ ಕೂಡ ಹಳದಿ ಬಣ್ಣಕ್ಕೆ ಬದಲಾಗಿ ಅದರ ನೈಜ ಸೌಂದರ್ಯ ಕಳೆದುಕೊಳ್ಳ ತೊಡಗುತ್ತದೆ. ದಂತ ವೈದ್ಯರಿಂದ ಹಲ್ಲನ್ನು ಶುದ್ಧ ಮಾಡಿದರೂ ಸಹ ಪುನಃ ಹಲ್ಲು ಹಳದಿ ಬಣ್ಣಕ್ಕೆ ತಿರುಗುವುದು.

5. ಸಿಗರೇಟ್ ಸೇವನೆಯಿಂದ ಕೂದಲಿನ ಅಂದ ಸಹ ಕೆಡುವುದು. ಅಲ್ಲದೆ ಕೂದಲು ತುಂಡಾಗುವುದು, ನೆರೆಹೂದಲು ಉಂಟಾಗುವುದು, ಕೂದಲು ಉದುರು ಬೋಳು ತಲೆ ಸಹ ಉಂಟಾಗುತ್ತದೆ.

6. ಅಂಗೈ ಕೂಡ ಹಳದಿ ಬಣ್ಣಕ್ಕೆ ತಿರುಗುವುದು.

7. ಸಿಗರೇಟ್ ಸೇವನೆಯಿಂದ ಬಾಯಿ ಕೂಡ ದುರ್ನಾತ ಬೀರಲು ಆರಂಭಿಸುತ್ತದೆ.

8. ಸಿಗರೇಟ್ ಸೇವನೆಯಿಂದ ತುಟಿ ಕಪ್ಪಾಗುತ್ತದೆ ಮತ್ತು ಸ್ವರದ ಮಾಧುರ್ಯ ಕೂಡ ಹೋಗಿ ಸ್ವರ ಗಡಸುವಾಗುವುದು.