ತ್ವಚೆ ಕ್ಲಿಯರ್ ಆಗಲು ಎರಡೇ ದಾರಿ...

Skin Care

oi-Sumalatha

By Sumalatha

Published: Monday, September 26, 2011, 17:31 [IST]

ಮುಖಕ್ಕೆ ಕೆಮಿಕಲ್ ಮಿಶ್ರಿತ ಫೇಶಿಯಲ್ ಬಳಸುವುದಕ್ಕಿಂತ ಹಣ್ಣಿನ ನೈಸರ್ಗಿಕ ಫೇಶಿಯಲ್ ಬಳಸಿದರೆ ಅಡ್ಡಪರಿಣಾಮವಿಲ್ಲದೆ ತ್ವಚೆಯನ್ನು ಸಂರಕ್ಷಿಸಿಕೊಳ್ಳಬಹುದು. ಸುಲಭವಾಗಿ ದೊರೆಯುವ ಬಾಳೆಹಣ್ಣು, ಸ್ಟ್ರಾಬೆರಿಯನ್ನು ಬಳಸಿಕೊಂಡು ಮನೆಯಲ್ಲೇ ಫೇಶಿಯಲ್ ತಯಾರಿಸಿಕೊಂಡರೆ ದೀರ್ಘಕಾಲದ ಸೌಂದರ್ಯ ನಿಮ್ಮದಾಗುತ್ತೆ.

ಫ್ರೂಟ್ ಫೇಶಿಯಲ್ ತಯಾರಿಸುವುದು ಹೇಗೆ?
ಬಾಳೆಹಣ್ಣಿನ ಫೇಶಿಯಲ್:
* 1 ಚೆನ್ನಾಗಿ ಹಣ್ಣಾದ ಬಾಳೆಹಣ್ಣು
* 1 ಚಮಚ ಜೇನು
* 2-3 ಚಮಚ ನಿಂಬೆರಸ ಅಥವಾ ಕೆನೆ

ಬಾಳೆಹಣ್ಣನ್ನು ಜೇನು ಮತ್ತು ಕೆನೆ ( ಎಣ್ಣೆ ತ್ವಚೆ ಇದ್ದವರು ನಿಂಬೆರಸ ಬಳಸಬಹುದು) ಯೊಂದಿಗೆ ಚೆನ್ನಾಗಿ ಬೆರೆಸಿ ಮುಖಕ್ಕೆ ಲೇಪಿಸಿಕೊಂಡು ಮಸಾಜ್ ಮಾಡಿಕೊಳ್ಳಬೇಕು. ನಂತರ 15 ನಿಮಿಷ ಬಿಟ್ಟು ಮುಖ ತೊಳೆದುಕೊಳ್ಳಬೇಕು.
ಈ ಫೇಶಿಯಲ್ ನಿಂದ ತ್ವಚೆಗೆ ಅವಶ್ಯಕವಿರುವ ವಿಟಮಿನ್ ಎ, ಬಿ, ಸಿ ಮತ್ತು ಇ ದೊರೆಯುವುದರಿಂದ ತ್ವಚೆ ನುಣುಪಾಗಿ ಕಲೆ ಮುಕ್ತವಾಗಿ ಹೊಳೆಯಲು ಆರಂಭವಾಗುತ್ತದೆ.

ಸ್ಟ್ರಾಬೆರಿ ಫೇಶಿಯಲ್:
* 1 ಸ್ಟ್ರಾಬೆರಿ
* 2 ಚಮಚ ಮೊಸರು
* 1 ಚಮಚ ಜೋಳದ ಸ್ಟಾರ್ಚ್ (ಜೋಳದ ಪುಡಿ)

ಸ್ಟ್ರಾಬೆರಿಯನ್ನು ಪೇಸ್ಟ್ ನಂತೆ ಮಾಡಿ ಮೊಸರು ಮತ್ತು ಜೋಳದ ಹಿಟ್ಟಿನಿಂದ ತೆಗೆದ ಸ್ಟಾರ್ಚ್ ನೊಂದಿಗೆ ಬೆರೆಸಿ ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷ ಬಿಡಬೇಕು. ನಂತರ ಮುಖ ತೊಳೆದುಕೊಂಡು ತಣ್ಣಗಿನ ನೀರು ಅಥವಾ ಐಸ್ ಕ್ಯೂಬ್ ನಿಂದ ಹಿತವಾಗಿ ಮಸಾಜ್ ಮಾಡಿಕೊಳ್ಳಬೇಕು. ಇದು ಸ್ಟ್ರಾಬೆರಿ ಅಂಶವನ್ನು ತ್ವಚೆ ಬಿಗಿಯಾಗಿ ಹಿಡಿದುಕೊಳ್ಳಲು ಸಹಾಯ ಮಾಡುತ್ತದೆ.
ಸ್ಟ್ರಾಬೆರಿಯಲ್ಲಿರುವ ಸಾಲಿಸೈಕ್ಲಿಕ್ ಅಂಶ ತ್ವಚೆಯನ್ನು ಬ್ಲೀಚ್ ಮಾಡಿದರೆ, ಸ್ಟಾರ್ಚ್ ಅತಿಯಾದ ಎಣ್ಣೆ ಅಂಶವನ್ನು ಹೀರಿಕೊಳ್ಳುತ್ತದೆ. ಮೊಸರು ಸುಕ್ಕನ್ನು ತಡೆಯಲು ಸಹಾಯ ಮಾಡುತ್ತದೆ.