ಚಂದ್ರ ಕೂಡ ನಿನ್ನ ಅಂದಕ್ಕೆ ನಾಚುವನು

Skin Care

oi-Reena

By Hema S

Published: Thursday, May 31, 2012, 11:07 [IST]

ಊಟ ಬಲ್ಲವನಿಗೆ ರೋಗವಿಲ್ಲ, ಮಾತು ಬಲ್ಲವನಿಗೆ ಜಗಳವಿಲ್ಲ ಎಂಬಂತೆ ಸರಿಯಾದ ಆಹಾರ ಕ್ರಮ ಬಲ್ಲವರಿಗೆ ಮುಖದಲ್ಲಿ ಮೊಡವಿಯಿರುವುದಿಲ್ಲ ಎಂದು ಹೇಳಬಹುದು. ಮೊಡವೆಯನ್ನು ಕಾಯಿಲೆ ಅಂತ ಹೇಳಲಾಗದಿದ್ದರೂ ಅತಿಯಾದ ಮೊಡವೆ ಆತ್ಮ ವಿಶ್ವಾಸ ಕುಗ್ಗಿಸುವುದಂತೂ ದಿಟ. ಈ ಕೆಳಗಿನ ಆಹಾರ ಕ್ರಮವನ್ನು ಪಾಲಿಸಿದರೆ ಎರಡೇ ತಿಂಗಳಿನಲ್ಲಿ ಮೊಡವೆ, ಬ್ಲಾಕ್ ಹೆಡ್ಸ್ ಮತ್ತು ಕಲೆಗಳು ಹೋಗಿ ಮೊಡವೆ ಮುಕ್ತ ತ್ವಚೆ ನಿಮ್ಮದಾಗುವುದು.

1. ನಾರಿನ ಅಂಶವಿರುವ ಪದಾರ್ಥಗಳನ್ನು ಸೇವಿಸುದರಿಂದ ಜೀರ್ಣಕ್ರಿಯೆ ಸುಲಭವಾಗಿ ಬೇಡದ ಅಂಶಗಳನ್ನು ದೇಹದಿಂದ ಹೊರಹಾಕಲು ಸಹಾಯ ಮಾಡುತ್ತದೆ. ಇದು ದೇಹದ ತ್ವಚೆಯ ಮೇಲೆ ನೇರವಾಗಿ ಪರಿಣಾಮ ಬೀರುವುದು.

2. ಕ್ಯಾರೆಟ್, ಎಲೆಕೋಸು, ಬೀಟ್ ರೂಟ್, ಈರುಳ್ಳಿ, ಅವರೆ ಕಾಯಿ, ಆಲೂಗಡ್ಡೆ, ಹೂಕೋಸು, ಪಾಲಕ್,ಇತರ ಸೊಪ್ಪುಗಳ ಸೇವನೆ ಒಳ್ಳೆಯದು.

3. ಸೇಬು, ಬಾಳೆಹಣ್ಣು, ಬೆಣ್ಣೆ ಹಣ್ಣು( ಬಟರ್ ಫ್ರೂಟ್), ಸ್ಟ್ರಾಬರಿ, ಕಿತ್ತಳೆ, ದ್ರಾಕ್ಷಿ, ಕಪ್ಪು ದ್ರಾಕ್ಷಿ, ಪೇರು ಹಣ್ಣುಗಳಲ್ಲಿ ಹೆಚ್ಚಿನ ನಾರಿನ ಅಂಶವಿದ್ದು ಇವುಗಳ ಸೇವನೆ ತ್ವಚೆಗೆ ಒಳ್ಳೆಯದು.

4. ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಆಹಾರದಲ್ಲಿ ಹಾಕಿ ಸೇವಿಸುವುದು ಸಹ ಮೊಡವೆ ಬರದಂತೆ ತಡೆಯುವುದು.

5. ಪ್ರೋಟಿನ್ ಅಂಶ ಅಧಿಕವಿರುವ ಆಹಾರಗಳಾದ ಮೊಟ್ಟೆ, ಮೀನು, ಕೊಬ್ಬರಿ, ಬೇಯಿಸಿದ ದವಸ ಧಾನ್ಯಗಳು, ಬಾದಾಮಿ ಹೀಗೆ ಪ್ರೋಟೀನ್ ಅಂಶವಿರುವ ಆಹಾರಗಳನ್ನು ಸೇವಿಸಿ.

6. ವಿಟಮಿನ್ ಅಧಿಕವಿರುವ ಸೊಪ್ಪು ತರಕಾರಿಗಳು, ಮಾಂಸ, ಸಮುದ್ರ ಆಹಾರಗಳು, ಪಪ್ಪಾಯಿ, ಟೊಮೆಟೋ ಮೊಡವೆ ಬರದಂತೆ ತಡೆಯುತ್ತದೆ.

7. ಗ್ರೀನ್ ಟೀಯನ್ನು ದಿನಾಲೂ ಸೇವಿಸುವುದರಿಂದ ಸಹ ಮೊಡವೆ ಕಡಿಮೆಯಾಗಿ ತ್ವಚೆಯ ಕಾಂತಿ ಹೆಚ್ಚುವುದು.(ಗ್ರೀನ್ ಟೀಯಲ್ಲಿ ಅಡಗಿದೆಯೆ ತ್ವಚೆಯ ಸಮಸ್ಯೆ?)

8. ಅಯೋಡಿನ್ ಅಂಶವಿರುವ ಆಹಾರ ಹಾಗೂ ಕುರುಕುಲು ತಿಂಡಿಗಳನ್ನು ತಿನ್ನುವುದನ್ನು ಆದಷ್ಟು ಕಡಿಮೆ ಮಾಡಿ.

9. ಈ ಆಹಾರ ಕ್ರಮ ಪಾಲಿಸುವುದರ ಜೊತೆ ಪ್ರತಿನಿತ್ಯ ವ್ಯಾಯಾಮ ಹಾಗೂ ರಾತ್ರಿ 8 ಗಂಟೆಗಳ ನಿದ್ರೆ ಸಹ ಮಾಡಿ.

ಈ ರೀತಿ ನೀವು ಮಾಡಿದರೆ ಮೊಡವೆಯಿಂದ ಎಂದೆಂದಿಗೂ ಮುಕ್ತಿಯನ್ನು ಪಡೆಯಬಹುದು.